(1) Saki su Allah idsapa ku su langit a bagukitan na mga bitun.
(2) Andu saki su Allah idsapa ku su gabun (kanu kagubal kanu dunya).
(3) Andu saki su Allah idsapa ku su padsaksyan andu su pi-saksiyan.
(4) Namulkan su kinumalut.
(5) Kinalagan nilan su apuy sa pinasindaw.
(6) Bamagagayan silan (padtulikan su mga bamaginugut a gangatutung.
(7) Apya ngin den i pakayd nilan kanu mga bamaginugut na aden bun padtulik sakanilan.
(8) Nya nin bu sabap (kinatutung sakanilan) nakab-pangimbanal nilan sa Allah a mapulu a pab-pugin.
(9) Lakanin a Allah su mga langit andu lupa, sekanin a (Allah) na kagaga nin i langun na anggaga-isa.
(10) Benal su taw a pab-fitna nin su babay-mama a bamaginugut, mawli na dala den makadtawbat, na sakanilan den su siksa sa naraka andu kanilan su apuy a pakatutung.
(11) Benal su mga bamaginugut a minggalabak silan sa mapya na aden sakanilan i surga a balagilay kanu kababan na lawas na ig, namba i badtugan a masla.
(12) Benal su kapamakayd nu Allah kanu mga taw a supak na mapasang.
(13) Sekanin a (Allah) i bangadan a pan-dala a mapam-balingan sa nabpunan.
(14) Andu sekanin a (Allah) i bangampun kanu pad-tawbat,malasam kanu bagumbaya.
(15) Lakanin a Allah su arsh a migkapi-pya.
(16) Panggulan nin i kahanda nin.
(17) Nakawma salaka (Muhammad) su tudtulan kanu mga tantara?
(18) Kani fir’awn andu si thamud.
(19) Su mga kafeer i papandalabut.
(20) Su Allah na langkap langkap kanilan (apya andaw silan).
(21) Dikana mana su antapan nilan ka su Qur’an na mapulu a masla.
(22) Lu sa Lawh-Al-Mahfuz.