(1) Inidsapa nu Allah su namba a dalapa (Makkah).
(2) Andu seka (Muhammad) a halal sa namba a dalpa.
(3) Andu su lukas (Adam) andu su muli a taw nin.
(4) Saben-sabenal a binaluy nami a tumala sa malasay.
(5) Ngintu nya nilan ga antap na dili magaga nu Allah?
(6) Yanin madtalu na madakal den i tamuk ku a migkalat.
(7) Ga-antap nilan i dili silan gaylay nu Allah?
(8) Binaluy nami silan sa duwa a mata.
(9) Andu dila andu duwa a bibil.
(10) Tinutulu nami silan kanu duwa a lalan (mapya andu mawag).
(11) Dala nilan pamikali i malapas silan kanu lalan a pakalapas.
(12) Dili nengka katawan (Muhammad) i lalan a pakalapas?
(13) Nyaba kapangon sa ulipan.
(14) Atawka kapakan kanu taw a panggutam.
(15) Su yateem a masupag salakita.
(16) Atawka su miskinan a sya bu bagiga sa lupa.
(17) Mawli na su bamaginugut a tidtu na ibpapa-ngindawa nilan su kadsabar andu su kag-kalimwa.
(18) Silan a mga taw a tampal sa kawanan (surga).
(19) Su silan a pig-kapiran nilan su mga ayatan nami na silan i tampal sa biwang (naraka).
(20) Kanilan su naraka a dala bungawan nin.