(1) १) उसले रूखापनागरेर मुख फर्कायो ।
(2) २) किनकि उसको पासमा एउटा अन्धो आयो ।
(3) ३) तिमीलाई के थाह शायद उसको भलो हुनेथियो ।
(4) ४) अथवा उपदेश हासिल गर्दथ्यो र उपदेशबाट उसलाई फाइदा हुन्थ्यो ।
(5) ५) तर जो लापरवाही गर्दछ ।
(6) ६) उसैको तर्फ तिमी पूरै ध्यान दिन्छौ ।
(7) ७) हुन त यदि उसले पवित्रता प्राप्त गरेन भने तिमीलाई कुनै दोष आउँदैन ।
(8) ८) र जो तिम्रो पासमा दगुर्दै आयो ।
(9) ९) र ऊ (अल्लाहसित) डर्छ पनि ।
(10) १०) उसलाई तिमीले बेवास्ता गर्दछौ ।
(11) ११) हेर यो ठीक होइन कुरआन उपदेशको चीज हो ।
(12) १२) तसर्थ जसले चाहोस् त्यसबाट उपदेश प्राप्त गरोस् ।
(13) १३) यो त पवित्र उच्च पंक्तिहरूमा अंकित छ ।
(14) १४) जो उच्च ठाउँमा राखिएको र पवित्र छ ।
(15) १५) यस्ता लेख्नेवालाहरूको हातमा (रहेको) छ ।
(16) १६) जो प्रतिष्ठित र पवित्र छन् ।
(17) १७) अल्लाहको सजाय, मानिस पनि कति अकृतज्ञ छ ।
(18) १८) अल्लाहले उसलाई कुन कुराबाट सृष्टि गर्यो ?
(19) १९) वीर्यको एउटा थोपाबाट सृष्टि गर्यो, अनि त्यसलाई राम्रो अन्दाजमा राख्यो ।
(20) २०) र उसको निम्ति मार्ग सरल बनाइदियो ।
(21) २१) अनि उसलाई मृत्यु प्रदान गर्यो अनि कब्रमा (चिहानमा) पुराइदियो ।
(22) २२) फेरि जब चाहन्छ (चिहानबाट) उभ्याइदिनेछ,
(23) २३) केही सन्देह छैन कि अल्लाहले त्यसलाई जुन आदेश दियो, त्यसले उसलाई पूर्ण गरेन ।
(24) २४) अनि मानिसले आफ्नो भोजनलाई हेर्नुपर्छ ।
(25) २५) हामीले नै धेरै पानी वर्षायौं ।
(26) २६) फेरि हामीले नै धरतीलाई (चिरेर) टुक्रा–टुक्रा पार्यौं ।
(27) २७) त्यस पश्चात हामीले नै त्यसमा अन्न उब्जायौं ।
(28) २८) र अंगूर र तरकारी ।
(29) २९) र जैतून र खजूरहरू ।
(30) ३०) र बाक्ला घना बगैंचाहरू ।
(31) ३१) र फल र चाराहरू ।
(32) ३२) (यी सबै कुरा) तिम्रा प्रयोग र फाइदाको लागि र तिम्रा चौपायाहरूको निम्ति बनायौं ।
(33) ३३) तसर्थ जब कानै च्यातिने (कियामतको) प्रचण्ड आवाज आउनेछ ।
(34) ३४) त्यसदिन मानिस आफ्ना दाजुभाइहरूबाट ।
(35) ३५) र आफ्नो आमा र बाबुबाट ।
(36) ३६) र आफ्नो श्रीमती र छोराहरूबाट भाग्नेछ ।
(37) ३७) यीमध्ये प्रत्येक व्यक्तिलाई त्यसदिन यस्तो चिन्ता हुनेछ जो उसैको लागि पर्याप्त हुनेछ ।
(38) ३८) कैयन् अनुहारहरू त्यसदिन टल्किरहेका हुनेछन् ।
(39) ३९) हाँस्दै खुशी र आनन्दित हुनेछन् ।
(40) ४०) र कैयन् अनुहारहरू त्यस दिन धूलधूसरित हुनेछन् ।
(41) ४१) जसमाथि कालोपना छाएको हुनेछ,
(42) ४२) यी तिनै काफिरचरित्र दुराचारी मानिसहरू हुनेछन् ।