(1) १) कसम छ आकाश र रातिमा प्रकाशित हुनेवालाको ।
(2) २) र तिमीलाई के थाहा कि रातिमा प्रकट हुनेवाला के हो ?
(3) ३) त्यो तारा हो, चम्किलो ।
(4) ४) कुनै व्यक्ति यस्तो छैन जसमाथि एउटा फरिश्ता निरीक्षक नियुक्त नहोस् ।
(5) ५) मनुष्यलाई आवश्यक छ कि देखोस् कि ऊ कुन कुरोबाट सृष्टि गरिएको छ ।
(6) ६) त्यो एउटा उचालिएको पानीबाट जन्मेको छ ।
(7) ७) जो पिठ्युँ र छातीको बीचबाट निस्कन्छ ।
(8) ८) निश्चय नै ऊ उसलाई फर्काइदिने (अर्थात् पुनः जीवित पारिदिने) कुरोमा सामथ्र्यवान छ ।
(9) ९) जुन दिन (मनमा) लुकाइएका कुराहरू जाँचिनेछन् ।
(10) १०) त त्यसबेला मानिसको साथमा न त त्यसको शक्ति हुनेछ र न कोही सहायक ।
(11) ११) आकाशको कसम जसले वृष्टि गर्दछ ।
(12) १२) र धरतीको कसम जुन च्यातिनेवाला छ ।
(13) १३) कि यो वाणी ‘‘कुरआन’’ सटीक फैसला गर्नेवाला वाणी हो ।
(14) १४) त्यो कुनै ठट्टा होइन ।
(15) १५) उनीहरू एउटा षड्यन्त्र गरिराखेका छन् ।
(16) १६) र मैले पनि एउटा चाल चलिराखेको छु ।
(17) १७) अतः तिमीले काफिरहरूलाई मोहलत दिइहाल, केही दिन उनलाई छाडिदिनु ।