(1) १) जब कियामत घटित भइहाल्ने छ ।
(2) २) त्यसको घटित हुने कुरामा केही असत्य छैन ।
(3) ३) कसैलाई तल झार्ने, कसैलाई माथि उचाल्ने हुनेछ ।
(4) ४) जब धरती भूकम्पको साथ कम्पित गराइनेछ ।
(5) ५) र पहाडहरू फुटालेर साना–साना कणमा परिणत गराइनेछन् ।
(6) ६) अनि तिनीहरू धुलो जस्तो भई उड्न थाल्नेछन् ।
(7) ७) र तिमीहरू तीन समूहमा परिणत हुनेछौ ।
(8) ८) त दाहिना हातवाला, दाहिना हातवाला कस्तो सौभाग्यशाली छन् ।
(9) ९) र बाँया हातवाला अफशोच बाँया हातवालाको कस्तो हालत छ ।
(10) १०) र जो अगाडिवाला छन् उनीहरू त अगाडिवाला नै हुन् ।
(11) ११) तिनीहरू बिल्कुल (अल्लाहको) सामिप्यता प्राप्त हुन् ।
(12) १२) अनुकम्पाले भरिएको जन्नतमा छन् ।
(13) १३) धेरै ठूलो समूह त अघिका मानिसहरूको हुनेछ ।
(14) १४) र थोरै पछिकाहरूमध्येबाट ।
(15) १५) यिनीहरू सुनका तारहरूले बनेका पलंगहरूमाथि ।
(16) १६) एक अर्काको सामुन्ने तकिया लगाएर बसेका हुनेछन् ।
(17) १७) उनको पासमा किशोरहरू जो सधैं (बालक नै रहनेछन्) आउँदैजाँदै गर्नेछन् ।
(18) १८) अर्थात् प्याला र जगमा स्वादिलो पेयले भरिएको पात्र लिएर हिंडिरहने छन् ।
(19) १९) जसबाट न त टाउकोमा दर्द हुनेछ र न उनको बुद्धिमा विकार आउनेछ ।
(20) २०) र त्यस्ता फलहरूको साथ जुन कि उनले रुचाउँछन् ।
(21) २१) र पंक्षीका मासु जुन तिनीहरूले रुचाउँछन् ।
(22) २२) र ठूला–ठूला आँखा भएकी अप्सराहरू,
(23) २३) जो लुकेको मोती जस्ती हुनेछिन् ।
(24) २४) यो उनीहरूको कर्मको प्रतिफल हो ।
(25) २५) त्यहाँ न व्यर्थका कुरा सुन्नेछन् र न गुनाहका ।
(26) २६) उनीहरूको आपसमा सलामको आदान–प्रदान मात्र हुनेछ ।
(27) २७) र दाहिना हातवालाहरू निकै (भाग्यशाली) हुनेछन् ।
(28) २८) उनी काँडा नभएका बयरहरू,
(29) २९) र गुच्छेदार केराहरू,
(30) ३०) र परसम्म फैलिएका छाँयाहरू,
(31) ३१) र पानीका झरनाहरू,
(32) ३२) र प्रशस्त फलहरूमा (हुनेछन्),
(33) ३३) जुन कहिल्यै समाप्त हुने छैनन् र उनीबाट कसैले रोक्नेछैन ।
(34) ३४) र अग्ला, अग्ला ओछ्यानमा हुनेछन् ।
(35) ३५) हामीले उनीहरूका स्वास्नीहरूलाई विशेष प्रकारले सृष्टि गरेका छौं ।
(36) ३६) अनि उनीहरूलाई हामीले कुमारी (पवित्र) बनायौं ।
(37) ३७) समान उमेरकी र मायालु ।
(38) ३८) दाहिने हातवालाहरूको निम्ति हुन् ।
(39) ३९) यिनीहरूमा अघिल्लामध्येका पनि धेरै हुनेछन् ।
(40) ४०) र पछिल्लामध्येका पनि धेरै हुनेछन्,
(41) ४१) र बाँया हातवालाहरू, (अफशोच) बाँया हातवाला कस्ता छन् ।
(42) ४२) गर्म (तातो) हवा र उम्लिराखेको पानीमा हुनेछन् ।
(43) ४३) र कालो धुवाँको छाँयामा,
(44) ४४) जुन न चिसो छ न रुचाउने योग्य ।
(45) ४५) निःसंदेह उनीहरू यसभन्दा पहिला धेरै सुख सुविधामा थिए ।
(46) ४६) र ठूला–ठूला पापहरू गर्दै बसेका थिए,
(47) ४७) र भन्ने गर्दथे कि के जब हामी मृत भइहाल्ने छौं र माटो र हाड भइहाल्ने छौं, हामी फेरि उठाइने छौं ?
(48) ४८) र के हाम्रा बाबु बाजे पनि ?
(49) ४९) तपाई भनिदिनुस् कि निःसन्देह पहिला र पछिका,
(50) ५०) सबै एउटा निर्धारित दिनको समयमा अवश्य एकत्रित गरिनेछन् ।
(51) ५१) अनि तिमी हे असत्य ठहराउनेवाला पथ विचलितहरू,
(52) ५२) थूहर (क्याक्टस) को वृक्ष खानेछौ ।
(53) ५३) र यसैले पेट भर्नेछौ !
(54) ५४) र यसमाथि उम्लिराखेको पानी पिउनेछौ !
(55) ५५) र पिउँदा पनि (यसप्रकार पिउनेछौं जस्तो कि) तिर्खाएको ऊँट जस्तो !
(56) ५६) कियामतको दिन उनीहरूको सत्कार हो यो !
(57) ५७) हामीले तिमी सबैलाई सृष्टि गरेका हौं, तसर्थ तिमीले किन (सत्य) मान्दैनौ ?
(58) ५८) हेर जुन तिमीले वीर्य (स्वास्नीमा) छाड्छौ !
(59) ५९) के तिमीले त्यसबाट मानिसको सृष्टि गर्दछौ वा हामीले नै सृष्टि गर्दछौं !
(60) ६०) हामीले नै तिमीमा मृत्यु निर्धारित गरिदिएका छौं र हामी त्यसबाट हारेका होइनौं ।
(61) ६१) कि हामीले तिम्रो ठाउँमा अरु तिमीहरू जस्तालाई पैदा गर्न सक्छौ र तिमीलाई नयाँ रूपमा त्यस संसारमा पैदा गरिदिन्छौं जसको बारेमा तिमलिाई थाहा छैन ।
(62) ६२) तिमीलाई पहिलो पटकको जन्म थाहा छ, अनि तिमीले किन शिक्षा ग्रहण गर्दैनौ ?
(63) ६३) अनि यो पनि बताऊ जुन तिमीले उब्जाउँछौ ?
(64) ६४) के तिमीले नै त्यसलाई उब्जाउछौं वा हामी उब्जाउनेवाला हौं ?
(65) ६५) यदि हामीले चाह्यौं भने त्यसलाई भुसा गरिदिन्छौं र तिमी कुरा गर्दै रहनेछौ ।
(66) ६६) (कि अफशोच) हामी त सित्तैमा दण्डमा परिहाल्यौं,
(67) ६७) बरु हामी बिल्कुलै वञ्चित रहयौं ।
(68) ६८) अनि यो बताऊ तिमीले जुन पानीलाई पिउँछौ ।
(69) ६९) उसलाई बादलबाट पनि तिमीले नै बर्साएका हौ वा हामीले बर्साउँछौं ?
(70) ७०) यदि हामीले चाह्यौं भने त्यस पानीलाई खारा बनाइदिन्छौं ? अनि तिमीले कृतज्ञता किन प्रकट गर्दैनौ ?
(71) ७१) हेर यो पनि बताऊ कि जुन आगो तिमीले सल्काउँछौ,
(72) ७२) (के तिमीले) त्यस रुखलाई सृष्टि गर्दछौ वा हामीले त्यसको सृष्टि गरेका छौं ?
(73) ७३) हामीले उसलाई एउटा उपदेशको माध्यम र यात्रीहरू (र आवश्यक पर्नेहरूका) लागि लाभप्रद बनाएका छौं ।
(74) ७४) अतः तिमीले आफ्नो महान् पालनकर्ताको गुणगान गर ।
(75) ७५) म खस्ने ताराहरूको कसम खान्छु ।
(76) ७६) र यदि तिमीले बुझ्छौ भने यो ठूलो कसम हो,
(77) ७७) निश्चय नै यो धेरै प्रतिष्ठित कुरआन हो,
(78) ७८) जो एउटा सुरक्षित किताबमा अंकित छ ।
(79) ७९) त्यसलाई पवित्र (फरिश्ताहरू) मात्र हात लगाउँछन् ।
(80) ८०) सम्पूर्ण संसारको स्वामीको तर्फबाट अवतरित गरिएको छ ।
(81) ८१) के तिमीले त्यस वाणीलाई साधारण ठान्छौ ?
(82) ८२) र आफ्नो भागमा यो लिन्छौ कि यसलाई झूठो ठहराउँदै गर ?
(83) ८३) अनि जब प्राण कण्ठमा आइपुग्दछ,
(84) ८४) र तिमीले त्यस समय आखाँले हेरिराखेका हुन्छौ,
(85) ८५) र हामी त्यस बेला तिमीभन्दा धेरै नजिक हुन्छौं तर तिमीले देख्दैनौ ।
(86) ८६) अतः यदि तिमी कसैको अधीनमा छैनौ ।
(87) ८७) र यस कुरामा यदि साँचो हौ, त यस प्राणलाई किन फर्काउँदैनौ ?
(88) ८८) अनि यदि कोही (अल्लाहको) दरबारको नजीक गरिएको हुनेछ ।
(89) ८९) भने उसको निम्ति आराम, सुखसामग्री र आरामदायक स्वर्गहरू छन् ।
(90) ९०) र जो दाहिने हातावालामध्येको छ,
(91) ९१) तिमीलाई सलाम छ कि तिमी भाग्यशालीमध्येका छौ ।
(92) ९२) तर यदि कोही त्यो झूठा ठहराउने र मार्गबिचलितहरूमध्येको छ,
(93) ९३) त उसको लागि उम्लिराखेको पानीको आतिथ्य छ,
(94) ९४) र (फेरि) नर्कमा जानु छ ।
(95) ९५) निःसन्देह यो (खबर) पूरै सत्य हो ।
(96) ९६) अतः तिमीले आफ्नो महान् पालनकर्ताको गुणगान गरिराख ।