(1) Wonaana ɓeen heeferɓe jom defte en ummaade e Yahuud e Nasaara en e sirkuɓe seertuɓe pottal e dental e dow keefeeru haa ari e mum en dallillaaaji laaɓtuɗi e hujju ɓannguɗi.
(2) O daliil laaɓtuɗo woni nelaaɗo ummiiɗo e Alla, O neli Mbo hombo jannga ɗeri laɓɓinaaɗi memataa ɗi si wonah laɓɓinaaɓe.
(3) Ina e ɗiin ɗereeji kabaruuji e ñaawooje nuunɗuɗe, peewnooje e ko woni jam e peewal.
(4) Luuraani Yahuud tottaaɓe Tawreeta e Nasaara tottaaɓe Injiil, si wonah caggal nde Alla neli Annabi makko faade e mum en, ina heen jebbelii ɓe, ina heen kadi dooniiɓe e keefeeru wondude e anndude ɓe goonɗude Annabi Makko.
(5) Ina ɓannga canndallaagal Yahuud e Nasaara ɓe njamiraaka e Quraana si wonah koɓe njamira e defte mum en ɗuum woni rewde Alla kanko tan, e deestaade sirku, e tottirede juulde e askal, koɓe njamiraa ko woni diine poocciiɗo mbo ooñaaki.
(6) Pellet ɓeen heeferɓe yahuud en e nasaara en e sirkuɓe, maɓe naat ñande ndarnga yiite jahatnama ɓe ngona toon haa pooma, ko ɓeen ngoni ko ɓuri bonde e tagoore he, sabu koɓe njeddi ko Alla e fennuude ɓe nelaaɓe.
(7) Pellet ɓeen goonɗinɓe ɓe ngoli ko lobbi, ɓeen ngoni ko ɓuri moƴƴude e tagoore he.
(8) Njoɓdi mum en ka joom ko aljannaaji caatli na ila les kuɓeeje mum e leɗɗe mum, ɓe nduumo heen haa pooma, Alla na welaaɓe sabu goonɗingol mum en e ɗoftaare mum en, hoɓe mbela Alla koɓe ndañi ko yurmeende Makko, nde yurmeende ko kulɗo Alla dañata nde o siini ko yamira ko o deestii ko haɗa ko.