(1) Alla woondirii kammu coomɗo tolndeeji naange e lewru e ko nanndi heen.
(2) O woodirii ñalngu darnga mbo O fodi nde O renndinta tagoore nde.
(3) O woondiri kala ceediiɗo hono Annabi seedorto e leñol mum, e kala ko seeda hono no leñol seedororto e Annabi mum.
(4) Hulaama ɓeen fettinɓe leydi petti mawɗi.
(5) ɓe kuɓɓi yiite, ɓe mberlii heen goonɗinɓe tawi hoɓe nguuri.
(6) Tuma nde ɓe njooɗi e ngool pettol kebbinangol yiite.
(7) Kamɓe koɓe mbaɗata ko goonɗinɓe ɓe e lepte e muusnude koɓe seediiɓe, sabu taweede ɓe ɗuum.
(8) Heefereɓe ngaybinaani goonɗiɓe ɓe si wonah ɓe ngoonɗinii Alla poolɗo Mbo gooto foolatah, jettaaɗo.
(9) Ko kanko gooto tan woodani laamu kammuuli e leydi, ko O kumpatiiɗo kala huunde, hay huunde suuɗataa ko Mbo e fiyakuuji jiyaaɓe Makko.
(10) ɓeen leptirɓe juulɓe worɓe e juulɓe rewɓe yiite ngam ruttaɓe gaa e goonɗinde Alla gooto O, refti ɓe tuubaani bakkatuuji mum en, woodaniiɓe ñande darnga lepte jahannama, woodaniiɓe lepte yiite sumoowe ɓe honge sumaɓe, sabu njoɓdi koɓe cumrunoo goonɗiɓe yiite.
(11) Pellet ɓeen goonɗinɓe Alla, ngolli ko lobbi, woodaniiɓe Aljannaaji na ila ley kuɓeeje e ledde mum caatli, ngam njoɓdi ndi Alla heblani ɓe, ndiin woni malal manngal, ngal malal waawah ɓadaade.
(12) Pellet nanngannde joom ma-aan tooñɗo- hay si O muñanii ma- konde sattunde.
(13) Ko Kanko fuɗɗata tagu e lepte, O ruttaɗe.
(14) Ko Kanko woni Yaafatooɗo tuubɗo e jiyaaɓe Makko, Hombo yiɗi waliyaaɓe Makko hulɓe Mbo.
(15) jom arsi tedduɗo.
(16) Baɗoowo ko O haaja e yaafaade bakkaatji, e leptude mbo O welaa hay gooto waawnataa Mbo.
(17) Mbela arii e maa-aan nelaado- yeewtere konuuli ngam habtaade goongo e falaade mbo?.
(18) Fir*awna e Samuud gondiiɗo Saalihu.
(19) Haɗaani ɓe gooɗinde waasde arde e mum en kabaruuji leƴƴi pennuɗi e halkeede ɗi, kono tan koɓe fennooɓe ko ari ko e mum en ummaade e nelaaɓe sabu rewde delaaɗe mum en.
(20) Alla huɓindii golle mum en hay huunde faatataako Mbo heen, te ma O yoɓɓe.
(21) Quraana wonah yimre hono no fennooɓe mbiirata, kammba ko mbo Quraana tedduɗo.
(22) Hombo e alluwal deenangal e wayleede maa usteede wolla ɓeydeede.