(1) Alla woondirii kammu e hoodere fuɗoore jemma.
(2) Hol ko anndin Ma -aan nelaado- ko woni fiyaaku hoodere mawnde nde?
(3) Konde hoodere yuliroore kammu njalbeeri mayre.
(4) Alah fittaandu si wonah Alla na wakkili e mayru malayka ndeenoowo golle mayru ngam hasboore ñande darnga.
(5) Yo aade ndaartina ko e hoɗum Alla tagri mbo, haa laaɓana mbo kattane Alla e ronkere aade.
(6) Alla tagirii mbo e ndiyam njuppoto ɗam e rannga.
(7) ɗam ndiyam na yalta hakkunde noorol keeci gorko e ƴi*e ɓernde debbo.
(8) Alla ceniiɗo o -nde O tagi mbo e ndiyam koyɗam-na hattani ummindede mbo caggal maayde ngam hasboore e njoɓdi.
(9) ñande cuuɗiiɗi kuncaa, ko wonno e ɓerɗe e anniyaaji e piɓle njaltina, ko laba seera ko boni.
(10) Woodanaani aade e oon ñalawma cemmbe duñooje lepte Alla wonah balloowo.
(11) Alla woondirii kammu ngu toɓo, sabu hongo tellaro toon laawol caggal laawol.
(12) Alla woondirii leydi ndi petti ɗi puɗi e ɓeynaaɗe e leɗɗe njaltata.
(13) Pellet o Quraana telliiɗo e muhamadu komb konngol ceerndawol hakkunde goonga e meere e hakkunde goongo e fenaande.
(14) Mbo wonah fijirde e meere, kammbo ko mbo soobe e goongo.
(15) Pellet fennuɓe ɓe hoɓe pewja peeje keewɗe ngam ɓe ndutta noddaandu makko ndu, ɓe mbonna ndu.
(16) Miin mi fewja feere sabu ɓannginde diine e ittude meere.
(17) Muñan -aan nelaaɗo- ɓee heefereeɓe muñagol setta, wota heñana leptugol ɓe e halkude ɓe.