(1) Wirtiima e aade dummuna juutɗo nde o wonno baasaaɗo mbo haalatenooke.
(2) Min tagrii aade toɓɓere jillunde ndiyam gorko e debbo, Min njariboo mbo ko Min pawi mbo ko e pawe,Min laatini mbo nanoowo ji*oowo ngam o siina ko o fawa ko e sariyaaji.
(3) Min kollii mbo e ɗemɗe nulaaɓe laawol peewal, ɓanngani mbo e laawol majjere, caggal mum o wona peewɗo o sukka e laawol peewal, o wona jiyaaɗo goonɗindo jettoowo Alla, wollo o wona majjudo maggol, o wona maccuɗo keefeero jedduɗo kaawisaaji Alla.
(4) Pellet Min nkeblanii heeferbe yeddube Alla e nelaaɗo Makko callalle daasrateede faade yiite, e tonngi ko o tonngira toon, e yiite huɓɓe.
(5) Pellet goonɗinɓe ɗoftiiɓe na yara ñande darnga e kaas sanngara keewɗo jillaaɗo kaafuur mbo uurangol belngol.
(6) ɗam njaram keblaɗam wonande ɗotiiɓe ko e seewnde newiinde heɓde woni yuppatoonde nde gasatah, honde ɗomɗatina jiyaaɓe Alla, hoɓe ilnande noɓe faalira fof.
(7) Sifaaji maccuɓe yarooɓe e ndeen seewnde woni huuɓnude aadi e dow pittaali mum en ko faati e ɗoftaade Alla, hoɓe kula ñalawma mbo bone mum sarato saako ko oon woni darnga.
(8) Hoɓe nyammina nyaamdu wondude e yiɗdeɓe nduun ñaamdu e tuuya mum en e hendu, ɓe ñammina waasɓe e miskiin en e alyatiime en.
(9) ɓe cuuɗa e pittaali mum en wonde min ñammanirta on ko sibi Alla, ɓe faalaaka heen njoɓdi wonah mantoore.
(10) Pellet min kuli ko ummaade e joomi amen ko ñalawma mbo geece hiitaaɓe tumminto sabu sattude mbo.
(11) Alla reeni ɓe e bone oon ñalawma mawɗo, O okki ɓe njooɗndam e geece pooynuɗe, ngam teddinde ɓe, e weltinde ɓerɗe mum en.
(12) Alla barjiiɓe ko ɓe muñi ko e ɗoftaade, e munyal e hoddiraaji Alla, aljannaaji ɓe neemo hen, e hariir mbo ɓe ɓoornato.
(13) Hoɓe tuugni heen e leece cuɗaaɗ, ɓe yi*atah toon naange nge ciinsiinɗe mum lorata, wonah jaangol cattungol, ko e ɗowdi nduumiindi ndi alh nguli wonah ɓuuɓol ɓe ngoni.
(14) Na ɓadiiɓe ɗowdi hembo, na eelta ɓesnaaɗe hembo ñaamooɓe ɓe ñaama e newuya, hay gajjiido e jooɗiiɗo e dariiɗo fof na keɓa.
(15) Liggatooɓe taarnaɓe ngennduwon feewnirkon kaalis, e kaaseeje laaɓtuɗe mbaadi saanga yarde.
(16) Noɗe mba*i laaɓde mbaadi a sikkat ko weer ɗe peewnira kono tan ko kaalis ɗe feewnira, hoɗe potndira no ɓe faalda nih, ustaaki ɓeydaaki.
(17) Na yrnee ɓe teddinaaɓe kaas sanngara jillaaɗo janjabiil.
(18) Hoɓe njara e swnde ka aljanna na wiyee sal sabiil.
(19) Na yiilo e mum en ka aljanna sukaaɓe heddiiɓe e cagataagal mum en, si a yi*iiɓe sikka koɓe lu*u lu*u sabu ɗaatde e yooɗde geece mum en.
(20) Si a yi*ii ko woni ka aljanna, yi*a neema mbo waawah sifeede, yi*a laamu manngu ngu laamu waawatah ɓadaade e mawnude.
(21) Na e dow ɓalli mum en comci hariir jooɗɗi koyɗi, e diibaaj tekkuɗo ɓe ɓoorne jawe kaalis, Alla yarnaɓe njaram ɗam jillaani ko lorata.
(22) Hoɓe wi*anee teddinde ɓe: O neema mbo totteɗon ko njoɓdi golle mon lobbe, golle mon laatiima jaɓaaɗe.
(23) Ko Minen tigi tellini e Ma-aan nelaado-Quraana ceerndaaɗo, Min tellinaani mbo laawol gootol.
(24) Muñ ko Alla ñaawi e hoddira e sariya, woto ɗofta bakkainoowo ko o noddata ko e bakkaat, wonah keefeero ko o noddata ko e keefeeru.
(25) janta Innde joom ma saanga juulal subaka,e saanga juulal sakket takkusaan.
(26) Innu Mbo e juulɗeele ɗiɗe jemma: Futura e geeƴe, hinkaƴina caggal majje.
(27) Ɓe sirkuɓe na yiɗi nguurndam aduna hoɓe ndeerɗi e majjam, hoɓe ngacca caggal mum e ñande darnga, oon ko nisɗo, sabu ko woni ko e hembo e caɗeele.
(28) Ko Minen tagi on Min cemmbiniri tagu mon semmbinde jokkorɗe mon e tere mon, si Min faalaama halkude on Min ngosto toon yeru mon, Min kalka on Min ngosto mon.
(29) Nde simoore konde waajo e siftanirde, kala faalaaɗo nanngude laawol yottaade e weluya Alla nannga ngol.
(30) On faaletaake nanngude laawol peewal si wonah Alla faalanee on ɗuum, fof ko e Alla ruttato, Alla na anndi ko moƴƴanta jiyaaɓe Makko, e ko moƴƴaani e mum en, ko O ñeeña e tagu Makko e hoddira e sariya Makko.
(31) Hombo naatna mbo O wela e jiyaaɓe Makko e yurmeende Makko, O hawrinaɓe e iimaan e golle moƴƴe, O heblani tooñruɓe ɓe pittaali mum en keefeeru e goopi lepte muusɗe ka laakara, ko ɗuum woni lepte yiite.