(1) Ko ɓee sirkuɓe naamnandirta caggal de Alla neli e mum en nelaaɗo Makko-yo o his-
(2) Hoɓe naamnandira kabaaru mawɗo on, oon woni Quraana tedduɗo tellinaaɗo e nelaaɗo mum en coomɗo kabaaru ummital.
(3) O Quraana mbo ɓe luuri e mum e koɓe cifatoo mbo ko, wonde kombo mbilewu wolla jime wollo wageyaagal wolla tinndi adiiɓe.
(4) Wonah noɓe ngaaƴarii nih, ɓee fennuɓe qurana maɓe nganndu batte pennugol maɓɓe bonngol.
(5) Refti teentana ɓe ɗuum.
(6) Mbela Min mbattaani leydi ndi keblaandi wonande ɓe, lobbundi ngam ñiiɓal mum en.
(7) Min mbaɗi pelle ɗe penɗe na haɗa leydi ndi dimmbaade.
(8) Min tagi on onon yimɓe nooneeli: worɓe e rewɓe.
(9) Min mbaɗi ɗoyngol mon taƴaade gah e golle ngam pooftaɗon.
(10) Min mbaɗi jemma o ko cuuroowo on hono niɓe jemma mbo cuurdaton awraali mon.
(11) Min mbaɗi ñalawma o lefu faggitaade e yiilaade arsuka.
(12) Min mahi dow mon kammuuli jeeɗiɗi cattuɗi mahnga ñeeñuɗi gollal.
(13) Min mbaɗi naange nge lampu cattuɗa kuɓɓam e njalbeendi.
(14) Min tellini ummaade e duule potɗe toɓde ndiyam njuppajam sanne.
(15) Ngam Min yaltina heen noone gabbe, e noone puɗi.
(16) Min njaltina heen gese pilandirɗe leɓɗɗ ngam naatandirde cate mum.
(17) Pellet, ñalawma ceerndugol hakkunde tagaaɗe laatiima ko ka dotta e waktu mbo luutndataako.
(18) Ñande Malayka o wutti e allaadu he wuttannde ɗimmere, ngaron-onon yimɓe- pelle pelle.
(19) Kammu on uddite mbo wonta hono dame udditaaɗe.
(20) Pelle ɗe mbaɗaa jahooje haa ɗe ngonti punndi nduuyndi, ɗe mba*i hono merere.
(21) Pellet yiite jahannama nge wontii tommbii nge.
(22) Nge wonanii bewɓe ɓe ruttorde kaɓe nduttato.
(23) ɓe ñiiɓa toon yontaaji ɗi ngalah happu.
(24) ɓe meeɗatah toon henndu ɓuuɓndu ustooru nguli Sa*iir, wonah ndiyam ɓuuɓɗam kono dakmitire.
(25) ɓe meeɗatah si wonah ndiyam ngulɗam jaw, e ƴiiƴiiri ciiwatoondi e yimɓe yiite.
(26) Njobdi yaadundi e koɓe wonno ko e dow mum ummaade e keefeeru e majjere.
(27) Pellet ɓe e aduna ɓe kulaano haasboore Alla ka laakira, sabu ɓe ngoonɗinaani ummital, siɓe ngoonɗinna ummital ɓe ngoonɗinatna Alla, ɓe golla ko moƴƴi.
(28) ɓe penni aayeeje Amen tellinaaɗe e Nelaaɗo Amen pennugol.
(29) Kala huunde e golle mum en Min tonnggiɗe Min limi, tawa na winnda e ɗeri golle mum en.
(30) Meeɗe -onon bewbe- ɗee lepte duumiiɗe, Min ɓeydantah on si wonah lepte e dow lepte mon.
(31) Pellet na woodani hulirɓe Alla siinude ko O yamiri e accude ko O haɗi, nokkere malal nde mbo ɓe ndañata faalee mum en ko ɗuum woni aljanna.
(32) Gese e inabeeje.
(33) E ƴoolnuɓe fotɓe duuɓi.
(34) E kaas dolo keewɗo.
(35) Ɓe nanatah ka aljanna haala meere, wolla fenaande, ɓe penandirtah.
(36) ɗum fof ko dokke Alla jonɗe.
(37) jom kummuuli e leydi e ko woni hakkunde mum en, jurmotooɗo aduna e laakara, denndaangal ko woni e kammu e leydi ngalah hakke naamnaade Mbo si wonah O sakkitan ɓe ɗuum.
(38) Ñande jibriil ummii tawa malayka en na waɗi saffeeli, ɓe haalatah e tefande hay gooto si wonah mbo jurmotooɗo sakkitani tefoore, o haala ko feewi, ko ɗuum woni konngol tawhiid.
(39) ɗuum ko cifanaɗon woni ñalngu mbo alah sikke gargol mammba, mbo faala daɗde e lepte Alla yo o nanngir laawol golle lobbe ɗe Alla welete faade heen.
(40) Min njeertanii on-onon aade en- lepte ɓadiiɗe yande, ñande aade ndaari ko gollunoo ko ka aduna, keefeero o wiya ngam wooɗeede iwde e lepte: haaniina mi wonta leydi hono no kulle ɗe nih, saanga nde ɗe mbiyate: ngontee leydi.