(1) Senin Innde joom ma gonɗo dow tagu Makko, ngowla Innde Makko mawninaa Mbo.
(2) Oon takɗo aade hombo foti, hombo fooccii darnde.
(3) Oon koddiranɗo tagooje leƴƴi mum e noone mum e sifaaji mum, O feewni kala ko taga e ko yaadi e mum.
(4) Oon yaltinɗo e leydi durngol daabeeje mon.
(5) O watti ngol yoorngol guuringol e ɓaleeri caggal nde ngol woni keccol.
(6) Ma Min janngin Ma-aan nelaado- quraana, Min ndenndina mbo e ɓernde Ma A yejjittaa mbo abadan, woto adandir e jibriil e janngude mbo hono no mbaɗratnaɗa ko adii ngam reerɗude waasde yejjitde.
(7) Si wonah ko Alla faala yo A yejjit ngam ñeeñal, Alla ceniiɗo O na anndi ko ɓanngi e ko wirnii hay ndiga wirnataako Mbo e ɗuum.
(8) Min newnan Ma golle belooje Alla naatnooje aljanna.
(9) Waaja aade en ko Min mbahyi Ma e quraana, siftinir ɓe ɗo waaju nafata.
(10) Ma waacta e waaju Ma oon kulɗo Alla, sabu ko oon naftorto waaju.
(11) Na woɗɗito waaju o, o doga mbo oon keefeero, sabu ko kanko ɓuri hiiteede ka laakara ngam naatde mbo yiite.
(12) Oon naatoowo yiite mannge nge o tampa e nguleeki henge haa pooma.
(13) Refti o saasnee e yiite o maayatah o foofto e lepte, o wuuratah nguurndam mbelɗam tedduɗam.
(14) Malaama oon laaɓɗo e sirku e goopi.
(15) O jantii ko sariyina e jikru, o tottiri juulde e mbaadi yamiraandi ndi.
(16) Kono hoɗon ngardina nguurndam aduna e dow nguurndal laakira wondude noɗe mba*i seertude nih.
(17) Na woodani laakara ɓural e dow aduna sabu ko woni ko laakara e dakkamme duumiiɗo e neema mbo taƴandirtah haa pooma.
(18) Ko Min haalani on ko e jamirooje e kabaruuji ina e ɗereeji gadiiɗi tellaade ko adii.
(19) ɗiin ngoni tellinaaɗi e Ibraahiima e Muusa yo kisal won e mum en.