(1) Eehey ma nelaaɗo ko saabii haɗa harmina ko Alla dagnan ma fii dakmitaade e korɗo ma Maariya, ko sabu haɗa faala heen welnaade suddiiɓe ma nde ɓe kirnoo nde, Alla na yaafa ma na yurmo ma.
(2) Alla sariyanii on dagtinde goondoote mon e kaffaara si on heɓii ko ɓuri moƴƴude wolla njanɗon e woondoore he,ko Alla woni balla mon,ko kanko woni gannduɗo fiyakuui mon e ko moƴƴi e mon; Ñeeña e sariya makko e hoddira makko.
(3) Siftor nde Annabi-yo o his-heerirani hafsa kabaaru, ina e hembo wonde O ɓadataako cuddiiɗo makko Maariya, hafsa haalani aa*isa kabaaru o, Alla anndini annabi makko saaktaade sirru o, O feli hafsa O haalani mbo yogo e yeewtere he o fanki ko heddii ko, hafsa wi*i Mbo hombo haalan ma o kibaaru? O maaki habrii kam Gannda kala huunde kumpatiiɗo kala ko wirni.
(4) Ina waɗɗii e mon nde tuubaton sabu ɓerɗe mon naayiima e ko Nelaaɗo Alla añi ɗum woni woɗɗitaade korɗo makko e harminde mbo e hoore makko, si on ndooniima e waylaade e dow makko, pellet Alla ko ballo makko, ko noon kadi jibriil e uulɓe labaaɓe ko walladii ɓe mbo e Malayka en caggal ballugol Alla koɓe wallooɓe mbo e dow loroowo Mbo.
(5) Yaama de joomiiko ceniiɗo O si annabi makko seeriiɓe O wostanoo mbo suddiiɓe ɓurɓe mon moƴƴude, ɗowtiiɓe jamirooje Makko, goonɗinɓe Alla e nelaaɗo makko, ɗoftiiɓe Alla, tuubooɓe bakkatuuji mum en, rewooɓe jom mum en, hoorooɓe, seemedɓe e boomi ɗi naatdaaka tawa, kono tan O seeraani ɓe.
(6) Eehey mon goonɗinɓe Alla ngolliri ko O sarayini ko e mum en, mbaɗane ko*e mon e koreeji heeda e yiite nge docate mannge ko yimɓe e kaaɓe, ina e dow nge yiite Malayka en sattuuɓe e naatooɓe e henge, ɓe ngoopatah yamiroore Alla si O yamiriiɓe, hoɓe mbaɗa ko ɓe njamira ko, ko aldah e leelde.
(7) Na wiyanee heeferɓe ñande darnga: eehey mon heeferɓe, wotee ngantinee hannde ko ngonnoɗon e yeddude e woopde, Alla gantinantaa on, njoɓeteɗon hannde tan ko ko ngollatnaɗo e aduna ummaade e keefeeru e fennude nulaaɓe.
(8) Eehey mon goonɗinɓe Alla ngolliri ko O sariyani ɓe, tuubee e Alla bakkatuuji mon tuubgol goonɗungol, mbela Alla momtana on bonɗi mon, O naatna on aljannaaji caatli na ila les kuɓeeje mum ñande darnga, ñande Alla hoynirtah annabi e juulɓe wonduɓe e makko naatnude ɓe yiite, annoore mum en na yaha hakkunde juude mum en e yeeso mum en e dow siraata, hoɓe mbiya: Aan joomi amen timminan min annoore amen, haa min naata aljanna, min mbaasa nanndude e naafigeeɓe ɓe annoore mum en ñifi e dow siraata, yaafa min bakkatuuji amen, pellet ka kattanɗo kala huunde, A ronkatah timminde annoore amen e yaafaade bakkatuuji amen.
(9) Eehey ma nelaaɗo haɓoro heeferɓe silaama, kaɓora naafigeeɓe ɗemngal e darnude hiddeeji,sattu e mum en haa ɓe kul ma,tapporde mum en ñande darnga ko jahannama,bonii battane ka ɓe ruttoto.
(10) Alla fiyanii misal wonande ɓeen yedduɓe Alla e nelaaɗo Mum-wonde gondigal mum en e juulɓe nafatah e kala mbaadi- rewɓe annabaaɓe ɗiɗo e annabaaɓe Alla: Nuuhu e Luutu yo ɓe kis, ɓe laatinooma soknaaɓe jiyaaɓe Alla moƴƴuɓe, ɓe njanfirii ɓeen falaade laawol Alla, e wallude heefereeɓe, wonde ɓe soknaaɓe ɓe moƴƴube nafaani ɓe hay fus, ɓe wiyane: naate yiite wondude e naatooɓe heeferɓe e naafige en.
(11) Alla fiyani goonɗinɓe Alla e nelaaɗo misal wondde ɓe e heefereebe lorataaɓe, battintah e mum en tawde hoɓe peewi e goongo debba fir*awna nde o wii: Aan joom am, mahanam ka Ma suudu nder aljanna, kisnaa mi e bone fir*awna e laamu mum, e golle mum kaantare, kisnaa mi e tooñirooɓe pittaali mum en rewde fir*awna e bewre makko e tooñannge makko.
(12) Alla fiyi misaal wonande ɓeen goonɗinɓe Alla e nelaaɗo mum, e alhaali Maryama ɓiy Imraana deenɗo hoore makko e jina, Alla yamiri jibriil nde o wuttata e mum, o saawi Iisa ko aldah e baaba e hoddira Alla o goonɗini sariyaaji Alla e defte makko tellinaaɗe e dow nulaaɓe Makko, o laatii e ɗoftariiɓe Alla siinude jamirooje Makko e accude kaɗaaɗe Makko.