(1) janngu-aan nelaaɗo- ko Alla wahyi ma ko, udditiraa e Innde joom ma Oon takɗo denndaangal ko taga ko.
(2) Takɗo aade e ɗiiƴam petndiɗam caggal nde o woni toɓɓere.
(3) janngu-aan nelaaɗo- ko Alla wahyoto ma ko, e joom ma ɓurɗo teddude Mbo alah fof ɓadiiɗo teddungal Makko, ko O keewɗo dokke.
(4) Oon ganndanirɗo binndol e winndirde kuɗol.
(5) O anndini neɗɗo ko o anndaa.
(6) Ko goongo aade saay saay hono Abu jahli na yawta keerol e nanngitde keeri Alla.
(7) Sabu si o yi*ii o yondaniima ko o dañi ko jawdi e koongu.
(8) Pellet ko e joom ma-aan aade- woni ruttorde ñande darnga, O yoɓa mbo kala ko o haandi ko.
(9) Mbela a yi*ii ko ɓuri haawnaade e fiyaaku Abu jahli oon kaɗoowo.
(10) Maccuɗo amen si o juulii ka kaaba.
(11) A yi*ii si Oon kaɗaaɗo laatiima e peewal ummaade e joom makko?
(12) Wollo o woni hombo yamira yimɓe kulol Alla e siinude ko Alla yamiri e deestaade ko O haɗi, mbela hombo haɗa mbo nih woni fiyaaku mum?
(13) Mbela yi*i si o fennii o kaɗoowo ko nelaaɗo addi ko,o ɗuurnii ɗum, mbela o hulath Alla?
(14) Mbela o kaɗoowo maccude juulde anndah wonde Alla na yi*a ko o gollata ko, hay ndiga wirnaaki Mbo?
(15) Fiyaaku o wonah no majjuɗo sikkirta, si accaani lorlude maccuɗo Amen o e fennude mbo, ma Min nanngu mbo Min mbippa mbo faade e yiite e tiin tiinol makoo ko satti.
(16) jom tiin tiinol o penoowo e konngol, goopɗo e golle.
(17) Yo o noddu saanga o nanngate e tiin tiinol faade yiite wondiiɓe mum e joodoɗiiɓe mum o wallinoo ɓe ngam danndeede.
(18) Ma Min noddu sokooɓe jahannama ummaade malayka en tekkuɓe ɓe ngoopatah Alla ko O yamiri ɓe, hoɓe ngolla ko O yamiri, ndaare hombo e pelle he ɓuri semmbinde e hattande.
(19) Fiyaaku o wonah no tooñoowo sikkiri nih nde o yottinta ma bonannde, woto ɗofto mbo e yamiroore mum e haɗde mum, sujjan Alla, ɓadoroɗaa Mbo dewe.