(1) Seninii Alla laɓɓani Mbo e kala ko O haandaani, kala ko woni e kammuuji e leydi, ko kanko woni tedduɗo poolɗo mbo fooletaake, Ñeeño e tagu makko,e hoddira e sariya makko.
(2) Eehey mon goonɗinɓe Alla, holko taki hoɗon mbiya min mbaɗii huunde tawa on mbaɗaani nde? Hono no gooto e mon wi*irata: Mi haɓraama e silaama am piymi, tawa o haɓraaka silaama makko o fiyaani.
(3) Mawnii ko tikkaa ka Alla nde kaalaton ko on mbaɗatah, haanaani e goonɗinɗo nde o waasata wonde goonɗuɗo wondude e Alla, golle makko ngoonɗina bolle makko.
(4) Alla na yiɗi goonɗinɓe ɓeen haɓateeɓe e laawol Alla ngam ndaarde weluyo makko hoɓe ngoni saffeeji takkandirɗi hakkunde majji.
(5) Siftor Aan nelaaɗo- saanga Muusa wi*i yimɓe makko: eehey mon yimɓe am holko taki hoɗon lorira mi lunndaade jamirooje am te hoɗon nganndi komi nelaaɗo Alla faade e mon? ndeɓe ngooñi gaa e goongo Alla wooñi ɓerɗe maɓɓe gaa e goongo e fooccaare, Alla hawrandintah e goongo yimɓe yaltuɓe ɗoftaare makko.
(6) Siftor-aan nelaaɗo- tuma nde Iisa ibnu Mariyama -yo o his-wi*i: onon banii Israa*iil, pellet komi nelaaɗo e mon goonɗin ɗo ko telli ko adii mi ummaade e Tawreet, mi wonah gadiiɗo e nelaaɓe, mbeɗa weltanira nelaaɗo garoowo caggal am bi*ateeɗo Ahmadu, nde Iisa addaniɓe dallillaaji kollooji goonɗude mbo ɓe mbi*i: ɗum ko mbilewu laaɓngu, min ndewataangu.
(7) Alah ɓurɗo sattude tooñannge e oon pepandiiɗo fenaande e dow Alla, o waɗoni Mbo nanndaiijo, deweteeɗo mbo wonah makko, tawa oon na noddee faade e islaam diine tawhiide laaɓɗo wonande Alla, Alla okkatah kawral wonande tooñirooɓe pittaali mum en sirku e goopi faade ko feewnata ɓe.
(8) Fenooɓe na njiɗi ñifirde annoore Alla nde konngi mum en bonɗi e bonnitde goongo, Alla noon ko timminoowo annoore Makko nde haysi mettii ɓe, O ɓanngina diine o funnaange leydi e hirnaange mayri e toownude konngol Makko.
(9) Alla neliri nelaaɗo Muhamadu-yo o his- diine islaam, diine peewal e huccitinde e jam, diine ganndal nafawal e golle lobbe, haa mbo toowo e dow denndaangal diineeji weli metti sirkuɓe ɓeen añooɓe nde mbo feewnitto e leydi.
(10) Eehey mon goonɗinɓe Alla, gollirɓe ko sariyini, mbela mi huccintaa on mi feewna on e njulaagu tonotoongu, ngu dannda on e lepte muusɗe.
(11) Nguu njulaagu tonatoongu woni goonɗinde Alla e nelaaɗo Makko mbaɗiron jihaadi e laawol Alla ceniiɗo O tottirde jawdi mon e pittaali mon ngam weluya Alla, ɗeen golle jantaaɗe ɓuri moƴƴude e mon si on laatiima annduɓe njaawnee faade heen.
(12) Woni tono ngu njulaagu ko nde Alla yaafato mon bakkatuuji mon O naatna mon aljannaaji caatli na ila ley kuɓeeje e ledde mum, O naatna on e koɗorde belde ka aljanna ñiiɓal ngal eggatah, ndiin njoɓdi woni malal manngal ngal hay malal ɓadataaka ngal e mawnude.
(13) Ina jeya e ngañaari o njulaagu sifa mbo njiɗɗon e aduna oon woni nde Alla wallata on e añɓe mon, e udditgol ɓadingol ngool woni udditgol Makka eken. habru aan nelaado juɓe ɓe ko welataɓe e ballal e aduna e maleede ka laakara.
(14) Eehey mon gooɗiɓe Alla ngolliri sariya Makko,ngonee wallirooɓe Alla wallude diine makko mbo annabi makko addi mba*on na hawaariin Iisa-yo o his-nde o maaki:ko hombo wallata mi faade e Alla?ɓe jaabi ɓe wi*i:Ko minrn woni wallooɓe Alla,heen fedde e Bani isra*il goonɗini Iisa wonnde nde yeddi, Mn cemmbini goonɗinnde nde dow yeddunde nde, ɓe ngoni foolɓe.