(1) Alla woondiri malayka en pooɗooji pittaali heeferɓe pooɗgol cattungol.
(2) Alla woondarii malayka en ittatɗi pittaali goonɗinɓe e mbaadii newiindi.
(3) Alla woondarii malayka en lummbatooɗi ummaade kammu faade leydi e yamiroore Alla.
(4) E Alla woondarii malayka en gadandiratɗi gadandirgol fii siinude yamiroore Alla.
(5) Alla woondarii kadi malayka en ciinooji ko Alla yamiri e ñaawoore Mum hono malayka en wakkilaaɓe golle jiyaaɓe, O woondarii ɗum fof wonde ma O umminɓe O haasba ɓe O yoɓa ɓe.
(6) ñande leydi ndi ndimmbii saanga wuttaango adano.
(7) Rewa e nduu wuttaandu wuttaandu ɗimmuru.
(8) ɓerɗe heefereeɓe e faasigeeɓe ñande heen na kuli.
(9) Na feeña e gite mum en batte koyeere.
(10) Hoɓe mbiyatnoo: Mbela min nduttoto e nguurndam caggal min maayi.
(11) Mbela si min ngontii ƴi*e dappuɗe min nduttoto no min ngonruno nih.
(12) ɓe mbi*a: si min nduttiima, ngool duttagol wona duttagol pertungol, joom mum wona puuntaaɗo.
(13) Fiyaaku ummital na newii, ɗuum ko wuttaango wooto ummaade e malayka bakkilaaɗo wuttude.
(14) Ndeke tan denndaangal wuurɓe e dow leydi caggal ndeɓe ngonnoo maayɓe e nder reedu mayri.
(15) Mbela arii e Ma-aan nelaaɗo- kabaaru Muusa wondude e joom Makko e wondude e gaño makko fir*awna.
(16) Tuma nde joom makko ceniiɗo O noddimbo ka caatngol Tuwa laɓɓinangol.
(17) O maakini mbo e ko maaki: yahu ka fir*awna o yawtarii keerol tooñde e mawnikinaare.
(18) Maakan mbo: Mbela woodanaani ma-aan fir*awna- nde laaɓataa e keefeeru e goopi.
(19) Mi feewnu ma faade e joom ma Oon takɗo ma O reen ma kulaa Mbo, ngollaa ko welata Mbo, ndeenaɗa ko mettata Mbo.
(20) Muusa holli mbo maande mawnde nde holliroonde wonde ko O nelaaɗo ummaade e joom makko, ko ndeen woni junngo ngo e sawru ndu.
(21) Fir*awna alah ko waɗi si wonah fennude nde maande, o woopi ko joom makko yamiri ko Muusa-yo o his-.
(22) Refti o ɗuurnii goonɗinde ko Muusa addi ko o tiiɗnii e woopde Alla.
(23) O renndini yimɓe makko e sukkuɓe e makko ngam foolandirde e Muusa o noddi o wii:
(24) Miin woni joom mon ɓurɗo toowde, ɗoftaare woonanaani mbo wonah miin e dow mon.
(25) Alla nanngi mbo O leptiri mbo e aduna yoolaade e maaya, O leptiri mbo laakara naatnude mbo e lepte cattuɗe sanne.
(26) Wonii e halkude fir*awna aduna e laakara waaju wonande kulɗo Alla, ko oon naftorto waajuuji.
(27) Mbela ko woodnude mon-onon fennuɓe ummital- ɓuri sattude wolla ko woodnude kammu mbo mahi o ɓuri sattude.
(28) O waɗi mbildi mammbo ko toowndi, O waɗi mbo potondirɗo, mbo alah petti wolla ayiiba.
(29) O niɓɓaɗini jemma makko si naange mutii, O feññini annoore makko si naange fuɗii.
(30) E leydi caggal nde O tagi kammu O werti ndi, O waɗi e mayri nafooje mayri.
(31) O yaltini e mayri ndiyam ceewle ilooje, O fuɗni heen puɗi ngam durngol kulle.
(32) E pelle ɗe O laatin ɗe tabitɗe e dow leydi.
(33) ɗum fof ko nafooje mon-onon aade en- e daabe mon, O tagɗo ɗum fof ronkatah ruttude ɗum e laawol goɗngol.
(34) Si wuttaango ɗimma ngo arii ngo huurdi kala huunde e kulhuli, darngo darii.
(35) ñalawma mbo ari aade siftoro ko o golluno, foti ko ko lobbi wollo ko boni.
(36) jahannama adde ɓannginane wonande yi*oowo.
(37) Tawi ko oon palguɗo keerol e nder majjere.
(38) O ɓurni nguurndam aduna ngasajam e dow nguurndam laakara keddoto ɗam.
(39) Pellet ko yiite woni ñiiɓirde makko nde o hoɗata.
(40) Tawi ko oon kuldo daraade e yeeso joom makko, o haɗi fittaandu sukkude e belaaɗe e ko Alla harmini ko aljanna woni galle makko.ɗƴñƴñ
(41) Tawi ko oon kulɗo daraade e yeeso joom makko, o haɗi fittaandu sukkude e belaaɗe e ko Alla harmini ko aljanna woni galle makko.
(42) Na naamna ma-aan nelaaɗo-fennooɓe ummital ndey darnga darato.
(43) Woodanaani Ma ganndala daragol darnga saka kaalanaa ɓe ɗum, te ɗum wonah ko mah, wonan ma ko heblanaade ɗum.
(44) Ko e joom ma gooto tan woni haaɗtirde ganndal darnga.
(45) Ngonɗaa tan ko jeertinoowo kulɗo darnga, sabu ko oon woni naftoroowo jeertingol Ma.
(46) Elle ñande ɓe ceedii darnga, ɓe ñiiɓaani si wonah kikiiɗa yel e nguurndam mum en aduna wolla subaka yel gootel.