(1) Mbela arii e Ma-aan nelaaɗo-yeewtere ñalngu darngo muuratngu aade e kuli huli mammba?
(2) Aade en e ñande darnga ko hiitaaɓe wolla malaaɓe, tawi ko hiitaaɓe Geece mum en na koyi na yankanii.
(3) Hoɗe tampiri callale ɗeɓe ndaasirte, e tonngi tonngiraaɗi.
(4) ɗeen geece na naata yiite wulnge ɓe tampaira nguleeki ki.
(5) Hombo yarnee e seewnde nde ndiyam mum satti nguleeki.
(6) ɓe ngalah ñaamdu si wonah darii, ɗum ko ñaamdu ɓurndu bonde e luuɓde e puɗi soɗi njoori ɗi tookete.
(7) ɗi nafatah ñaamoowo ɗi ittatah heege.
(8) Geece malaaɓe e oon ñalawma na neemi na njalbi, sabu neema.
(9) Golle mum lobbe ɗe ɓe ngolli e aduna na mbela, sabu heɓde njobdi golle mum moftanooɗe na cowa.
(10) E nder Aljanna toowuɗo nokku e darja.
(11) A nanatah e aljanna haala meere e bolle puuyɗe, wonah noon nande ko harmi.
(12) Ina e aljanna he ceewle ilooje, ɓe firlitoo heen noɓe welara.
(13) Ina e hembo leece ɓamtaaɗe.
(14) E kaasaaji na kebla ngam yardeede.
(15) Ina e hembo ngaflaaje pawandiraaɗe yogo e dow yogo.
(16) Ina e hembo mbettule buy na werta kala nokku.
(17) Mbele ɓe ndaaraani ndaarannde teskagol no Alla tagiri ngelooba O eeltaniba aade?
(18) ɓe ndaara kammu hono mbo ɓamtira haa mbo wonti mbildi ndeenaandi, mbo yanatah e dow mum en.
(19) ɓe ndaara pelle hono ɗe ɓamtira ɗe tabitini leydi haa ndi waasa dimmbaade e dow aade en.
(20) ɓe ndaara leydi ndi hono ndi wertira, ndi heblana yimɓe ngam ɓe koɗa heen.
(21) Aan nelaaɗo waaja ɓe, kulɓinaaɓe lepte Alla, aan ko a baajatooɗo, ɗaɓɓaaka e ma si wonah siftinde, hono kawraangal e iimaan ko junngo Alla woni.
(22) A wonah pawaaɗo e mum en haa mbaawnaaɓe goonɗinde.
(23) Kono oon duntiiɗo iimaan, o yeddi Alla e Nelaaɓe Makko.
(24) Alla lepta mbo ñande darnga lepte ɓurɗe mawnude ɗuum woni naatde yiite o saasa toon haa pooma.
(25) Pellet ko e Amen woni ruttorde maɓɓe caggal maayde.
(26) Refti ko Amen tan woni ko golle mum kaasbate, wonah e goɗɗo goo.