(1) Alla woondirii e jemma si mbo muurdii hakkunde kammu e leydi e niwre mammbo.
(2) O woondirii ñalawma si mba hunciima mbo ɓanngi.
(3) O woondirii ko O tagi ko nooneeji ɗiɗi gorel e deyel.
(4) Pellet golle mon-onon yimɓe- na ceerti, na heen lobbe naatnooje aljanna; e bonɗe na wona sabaabu naatde yiite.
(5) Kala tottirɗo ko fawii mbo hono askal e nafaqe e kaffaara, o reenti ko Alla haɗi.
(6) O goonɗini ko Alla fodani mbo e lomtaari.
(7) Ma Min newnan mbo golle lobbe, e nafqude e laawol Alla.
(8) Tawi ko oon gammbuɗo ngalu makko o tottiraani mbo to haani, o yondinii e jawdi makko gaa e Alla o naamnaaki Alla e ɓural Makko hay huunde.
(9) O fenni ko Alla fodi ko e wostaneede e baraaje ko nafqi ko jawdi mum e laawol Alla.
(10) Ma Min newnan mbo golle bonɗe, Min cattinana mbo gollude ko laba.
(11) Nafataa mbo jawdi ndi o ɗawi hay huunde , si o naatii yiite.
(12) Ko e Amen fawi seerndude laawol goongo e meere.
(13) Woodanii Amen nguurndam laakara e nguurndam aduna, Min pirlitoo heen no Min mbelara, alah mbo ɗum woodani si wonah Minen.
(14) Njeertin Mi on yiite huɓɓoowe si on ngoopi Alla.
(15) Yanngataaka e nguli ngee yiite si wonah ɓurɗo hiiteede oon woni keefeero.
(16) Oon pennuɗo ko nelaaɗo-yo o his- addi ko, o ɗuurnii gollirde yamiroore Alla.
(17) Ma woɗɗitonge ɓurdo hulde Alla oon woni Abuu bakri yo welu Alla won e makko.
(18) Oon nafqoowo jawdi mum e geece moƴƴere ngam o laaɓa e bakkatiiji.
(19) Tottirtah tottiroowo e jawdi mum ngam o yoɓa neema mbo goɗɗo neemini e dow makko.
(20) Alah ko o faala ko o tottirta ko e jawdi makko si wonah Yeeso Toowɗo e dow tagu Makko.
(21) Yaama o wele ko Alla tottata mbo e njobdi teddundi.