(1) O ñirɓanii o runtii.
(2) Sabu arde Abdullaay Ibnu ummu Maktuum hombo ɗaɓɓa peewal,ko o gumɗo o wonnoo,o ari tawi nelaaɗo na sokliri mawɓe sirkuɓe ngam O feewnaɓe.
(3) Hol ko anndin Ma-aan nelaaɗo- yaama oo gumɗo laaɓa e bakkatuuli makko.
(4) Wollo o waajito ko o nanata ko e ma e waajuuli o naftaroo ɗi.
(5) Tawi ko oon jonaaɗo hoore makko ngalu makko o acci iimaan e ko ngadduɗa ko.
(6) Aan haɗa faloo mbo haɗa hucca e makko.
(7) Hol ko heftoto Ma si o laaɓiraani e bakkatuuji makko ruttaade e Alla.
(8) Tawi ko oon gaɗo e ma hombo yaha ngam yiilaade moƴƴere.
(9) Hombo huli Alla.
(10) Aan noon haɗa sokliri mawɓe heeferɓe gaa e makko.
(11) Wonah noon huunde nde wa*i, huunde nde kay ko teskuya wonande jaɓoowo.
(12) Kala faalaado jantoo mbo, o waajitoroo ko woni ko e Quraana.
(13) Oo quraana mbo woni ko e ɗereeli teddinaaɗi ka malayka en.
(14) ɓamtaaɗo toownaaɗo; ceniiɗo mbo soɓe mematah.
(15) Hombo e juuɗe malayka en nulaaɓe.
(16) Tedduɓe ka Alla, heewɓe golle lobbe.
(17) Huɗaama aade alah ko ɓuri mbo sattu keefeeru.
(18) E honde huunde Alla tagiri mbo haa o mawnikinii e dow leydi o yeddi Mbo?.
(19) E ndiyam setta O tagri mbo, O waɗi tagu makka taaɓe taaɓe.
(20) Refti O newnani mbo caggal ɗee taaɓe laawol no o yaltiri e reedu neene makko.
(21) Refti caggal nde O hoddirani mbo wuurde e nguurndam O wari mbo, O waɗani mbo e yenaande o heddoo heen haa ummital.
(22) Refti si O faalaama O ummitina mbo ngam haasbeede e yoɓeede.
(23) Wonah noon huunde nde keefeero o sikki wa*i hono wonde o tottii ko Alla haandi ko e dpow makko e hakkeeli, alah o tottiraani ko o fawaa ko e farillaaji.
(24) Yo aade keefeero o ndaar ñaamdu makko ndu o ñaamata hono o heɓri ndu.
(25) Woni asli mum ko ndiyam telliɗam ummaade e kammu e mbaadi keewndi.
(26) Refti Min pettini leydi ndi, ndi yaltini puɗi.
(27) Min puɗni heen gabbe hono makkaari e bele e ka nanndi heen.
(28) Min puɗni e hendi inabu e huɗo ngam jaɓnde daabe.
(29) Min puɗni e hendi oliv e tamara.
(30) Min puɗni e hendi gese keewɗe leɗɗe.
(31) Min puɗni e hendi muuyanteele e ko daabe ndurata.
(32) Ngam wona nafoore mon e nafoore daabe mon.
(33) Si haacaango manngo cukkoowo noppi ko ngoon woni ɗimmo ngo arii.
(34) ñande aade dogi musiɗɗo makko.
(35) O doga neene makko e baaba.
(36) O doga cuddiiɗo makko e ɓiɓɓe makko.
(37) Kala gooto e mum en na sokliri ko o woni ko e dow mum ummaade satteende suna oon ñalngu.
(38) Geece malaabe ñande heen pooyni.
(39) Hoɗe njala hoɗe mbeltii.
(40) Geece hiitaaɓe e oon nyalngu ina e dow mum sollaaru.
(41) Na hippaɗe niwre.
(42) Sifariiɓe ɗii sifaali ngoni renndinɓe keefeeru caay saagal.