(1) Alla woondirii Tiin e ɗoki fuɗi, e jeytuun e ɗoki fuɗi to leydi Palastiin ka Iisa -yo o his- nelanoo to.
(2) Alla woondirii Fella Tuur ka Siina to Alla haalduno e Muusa-yo o his-.
(3) Alla woondirii Makka leydi kormaandi ndi naat ɗo heen fof dañata hoolaare, ka Muhamadu-yo o his- nelaa to.
(4) Miin ngoodnii aade e tagu e mbaadi ɓurndi labeede e fooccaade.
(5) Refti Min ndutti mbo e nayewu e naakgol ka aduna, o naftortah ɓanndu makko, ko noon kadi o naftortah si o bonnii neesu makko o wattini e yiite.
(6) Si wonah ɓeen goonɗinɓe ngolli golle lobbe, ɓeen haysi ɓe naywii na woodani ɓe baraaje duumiiɗe ɗe ta ƴandirtah, ko ndiin woni aljanna, sabu ɓe laɓɓanii neesu mum en.
(7) Hol huunde roondu ma -aan aade- haa pennuɗa ñalawma njobdi caggal seedaade maande kattane Alla keewɗe.
(8) Mbela Alla wonah-ko O waɗi ko ñalngu dargo kombo njobdi- ko kanko ɓuri nuunɗude e ñaawooɓe? Mbela na yaadi hakkille nde O acca jiyaaɓe Makko ko dudooɓe ko aldah ñaaweede hakkunde mum en, o yoɓa mo moƴƴinɗo golle mum, bonnuɗo yoɓe ko boni.