(1) Si kammu renndinaama annoore mum yahi.
(2) Si koode caami ndaaygu mum momtii.
(3) Si pelle ndillinaama ittaa nokkuuli mum.
(4) Si naagaaji coowɗi ɗi jom mum en pompandiratno mbelsindaama ɗi ngacca.
(5) Si kulle ladde ndenndinaama e aade en e nokku gooto.
(6) Si maaje kuɓɓaama haa ngonti yiite.
(7) Si pittaali cinndindiraama e ko ɗi nanndi, hulndu Alla cinndindire e hulndu Alla, saay saayeeru cinndindire e saay saayeeru.
(8) Si Alla naamniima deyel ubbanangel na wuuri.
(9) Hol bakkaat wardi ngel barɗa ngel o.
(10) Si ɗeri golle jeyaaɓe caaktaama, haa gooto fof jannga ɗerewol mum.
(11) Si kammu o huttaama hono no dammuwol huttirte nih.
(12) Si yiite huɓɓaama.
(13) Si aljanna ɓallinaama hulɓe Alla ɓe.
(14) Si ko haala ko fof arii fittaandu annda kondu tawni e golle nder oon ñalawma.
(15) Mbeɗa woondira koode birniiɗe ko addi ndeɗe pudata saanga jemma.
(16) Dogooje e falakuuli mum wirnatooɗe saanga subaka ari hono lelli naatɗi e koɗrɗe mum.
(17) Mi woondarii arwannde jemma si mbo arii e arde, e si mbo arii e runtaade.
(18) O woondiri subaka si annoore mum arii.
(19) Pellet quraana telliiɗo e Muhamadu-yo o his-ko haala Alla ko malayka koolaaɗo yottini mbo, oon woni jibriil-yo o his- mbo Alla hoolii.
(20) jom semmbe jom daraja ka jam arsi Ceniiɗo.
(21) Na ɗoftii mba ɓe kammu, koolaaɗo ko O yottinta ko e wahyu.
(22) Muhamadu-yo o his- gondiijo mon mbo ngannduɗon hakkille makko e hoolaare mum e goonɗude mum wonah kaangaaɗo hono noɓe pepindorto nih.
(23) Gondiijo mon yi*ii jibriil e mbaadi tagu mbo o tagiraa o ka jookli kammu laaɓtuɗo on.
(24) Gondiijo mon O wonah ɗawoowo nde O yottinta on ko O yamiraa ko yo O yottin, O nanngatah njoɓdi hono no wageeɓe nih.
(25) O auraana wonah haala seytaan diiwaaɗo ummaade e yurmeende Alla.
(26) Hongol laawol naataton haa njeddon wonde Quraana ko ka Alla mbo ummii caggal ɗii dallillaaji?
(27) O auraana mbo wonah si wonah waaju wonande yimɓe e jinneeji.
(28) Kala e mon faalaaɗo fooccaade e laawol goongo.
(29) On faaletaake fooccaade wolla goɗɗum goo si wonah Alla haaje ɗuum jom binnde On.