(1) Alla woondirii pucci dogooji ƴekkitaali mum nane ngam sattude dokdu.
(2) O woondiri pucci ɗi kolce mum kuɓɓata yiite siɗe memindirii e kaaƴe sabu sattude jangol e dow majje.
(3) O woondiri pucci duggooji añɓe waktu subaka.
(4) ɗi dilliniri kolce ɗe punndi.
(5) ɗi ngoni hakkunde jaambareeɓe mum e dental añɓe.
(6) Pellet aade ko kaɗoowo moƴƴere nde joomii mum faala e mum nde.
(7) Kanko e haɗde mbo moƴƴere ko o ceediido, o waawah ɗum yeddude sabu ɓanngude ɗum.
(8) Kanko ko no fantiniri nih yiɗde jawdi o lomatndi.
(9) Mbela aade anndah kanko koomtiiɗo e aduna o wonde si Alla yaltanii wonɓe e genaale ummaade e leydi ngam haasboore e njoɓdi ma taw fiyaaku o wonah noɓe cikkiri nih woni?
(10) Yaltine ɓanngina ko woni e ɓerɗe ummaade e anniyaaji e piɓle e tanaa mum.
(11) Pellet joom mum en ñande heen ko O kumpatiiɗo, hay ndiga wirnataako Mbo e fiyaaku jiyaaɓe Makko, ma O yoɓ ɓe ɗuum.