(1) Si kammu on fettii sabi tellaade Malayka en e mammba.
(2) Si koode ɗe njanii ɗe carii.
(3) Si maaje ɗe udditiraama ɗe njillandiri.
(4) Si genaale ɗe leydi mum waylaama sabu ummitaade maaynooɓe wonnooɓe heen.
(5) Oon ntuma kala fittaandu annda kondu ardinno e golle e kondu leelnuno tawa ndu gollaana ɗuum.
(6) Eehey ma neɗɗanke keefeero;holko taki haɗa lunndoo joom ma tuma nde O muñan ma O yaawnaaki leptude ma e teddungal Makko?
(7) Oon gootnuɗo ma caggal nde a wonaani, O waɗ ma fotandirɗo terɗe poocciiɗ.
(8) E kala mbaadi ndi O faalaa O takru ma, O neemanii ma sabu O waɗaani ma e mbaadi mbabba wollo waandu maa rawaandu wollo goɗɗum.
(9) Huunde nde wonah no mbaadanirɗon nih-onon hoomtaaɓe- ko woni ko, ko on yeddooɓe ñalngu njoɓdi on ngollantaa mbo.
(10) Na woodi e dow mon, malaykaaji deenooji golle mon.
(11) Tedduɗi ka Alla, binnddoji golle mon.
(12) Gannduɗi ko ngolloton e golle ɗi mbinndaɗe.
(13) Pellet ɓeen heewa golle lobbe e ɗoftaare ina e neema duumiiɗo ñande darnga.
(14) Pellet ɓe faajiraagal ina e yiite huɓɓatnde e dow mum en.
(15) Hoɓe naatange ñande ñalngu njoɓdi.
(16) ɓe ngonah wirnatooɓe yiite nge haa bada, ko woni kay ko toon ɓe caasata.
(17) Hol ko anndin Ma-aan nelaaɗo-ñalngu njoɓñdi.
(18) Refti hol ko anndin Ma ñalngu njoɓdi.
(19) ñalngu ngu hay gooto waawah nafde hay gooto, huunde fof ko Alla woodani ñande heen, O firlitoo hono no O faalara, goɗɗo wo alah.