(1) Alla woondirii e leydi kormaandi ndi ndiin woni Makka.
(2) E Aan- nelaaɗo-na dagani Ma ko mbaɗɗa e ndii leydi, hono warde potɗo wareede, e dahde potɗo daheede.
(3) Alla woondiri baaba mum aade en, o woondiri kadi ko yalti e ɓiɓɓe mum.
(4) Ko goongo Min tagii aade e tampere, o hawra e tamperaaji aduna.
(5) Mbela aade sikku si o waɗii goopi hay gooto waawah e mum hay huunde, hay si ko Alla tagɗo mbo o.
(6) O wiya: Mi nafkii jawdi keewndi pawandirndi.
(7) Mbela o basorotooɗo ko o tottiri ko Alla yi*aani mbo? te alah kaasboowo mbo, holto o dañi kaake mum ɗe.
(8) Mbela Min mbaɗanaani mbo gite ɗe o yiirata.
(9) E ɗemngal e toni ɗiɗi hombo yeewtira mum.
(10) Min nganndini mbo laawol jam e laawol meere.
(11) Ko o ɗaɓɓiraaɗo falgude palal keetngal mbo e aljanna o taƴa ngal o yawta ngal.
(12) Hol ko anndi Ma-aan nelaaɗo-palal ngal o foti taaɓaade ngam o naata aljanna.
(13) Ngaal palal woni rimɗinde daande gorko maa debbo.
(14) Nde o ñamminta e ñalngu ngu newaaki heɓde ñaamde.
(15) Suka yatiime baaba, jiidaaɗo ko ɓadi.
(16) Wollo baasɗo mbo alah hay ndiga.
(17) Refti o laati e ɓeen goonɗiɓe Alla, yogo e mum en wasiyii yogo muñal e ɗoftaade e goopi e musibbaaji, ɓe mbasandiri yurmondirde.
(18) Ko ɓeen sifariiɓe ɗiin sifaaji ngoni joman en ñaaame.
(19) ɓeen yedduɓe aayeeje Amen tellinaaɗe e nelaaɓe Amen, ɓeen ngoni joman nane.
(20) Ina e dow mum en yiite uddaange ñande darnga ɓe lepte e henge.