ئاۋازلىق ئەسەرلەر

«ئىسلامدا رەھىم-شەپقەت پرىنسىپى» ناملىق بۇ ئاۋازلىق ئەسەردە رەھىم-شەپقەت ئالى جاناپلىقنىڭ سىمۋولى ئىكەنلىكى، مۇسۇلماننىڭ رەھىم-شەپقەت بىلەن ئەخلاقلىنىشىنىڭ مۇھىملىقى ۋە ئۇنىڭ ئىنسان ھاياتىدىكى رولى، رەھىم-شەپقەتتە رەسۇلۇللاھنى ئۈلگە قىلىشنىڭ زۆرۈرلىكى، ئىسلام دىنىنىڭ رەھىم-شەپقەتتە باشقا دىن ۋە ئىدىلوگىيەلەردىن ئالاھىدە پەرقلىنىپ تۇرىدىغانلىقى، مۇسۇلمان ھاياتىنىڭ ئومۇمى قاتلىمىدا رەھىم-شەپقەتنى ئۆلچەم قىلىپ ياشاش ئارقىلىق قىيامەت كۈنىدە ئاللاھنىڭ رەھىم-شەپقەت قىلىشىنى قولغا كەلتۇرەلەيدىغانلىقى توغرىسىدىكى مۇھىم مەلۇماتلار ھۆزۈرۈڭلاردا.

مۇسۇلمان زۇلھەججىنىڭ ئەۋۋەلقى ئون كۈنىنى غەنىمەت بىلىپ، بۇ كۈنلەردە ئاللاھنىڭ: «كىمكى دىنىي ئىشلارنى ئۇلۇغلايدىكەن، بۇ، دىللارنىڭ تەقۋادارلىقىدىندۇر»، رەسۇلۇللاھنىڭ:«ئاللاھنىڭ ھوزۇرىدا زۇلھەججىنىڭ ئەۋۋەلقى ئون كۈنىدە قىلىنغان ئەمەلدىنمۇ ئەجرى كاتتا ۋە ئالى ئەمەل يوق، بۇ كۈنلەردە ئاللاھقا تەكبىر، تەھلىل ۋە ھەمدىلەرنى كۆپ ئېيتىڭلار» دېگەن سۆزلىرىنى ئۇلۇغلاپ، بۇ كۈنلەردە ئېيتىلىدىغان زىكىرلەردىن بىرگە ھۆزۈرلۈنۈشنى مەقسەت قىلغان ئاساستا تەكبىرلەرنىڭ mp3 نۇسخىسى ھۆزۈرۈڭلارغا سۇنۇلدى.

«ئامانەت ۋە خىيانەت» ناملىق بۇ ئاۋازلىق ئەسەردە مۇسۇلماننىڭ ئەخلاقلىنىشى ۋە چەكلىنىشى مۇھىم بولغان ئىشلاردىن، ئامانەت ۋە ئۇنىڭ پەزىلىتى، ئىبادەتتىكى ئامانەت، خىزمەت ۋە تىجارەتتىكى ئامانەت، ئامانەتكە خىيانەت قىلماسلىق ۋە ئۇنىڭ پەزلى، خىيانەت ۋە خىيانەت قىلغۇچىغا ئاللاھ تەرىپىدىن بېرىلىدىغان جازا، مۇسۇلماننىڭ ئامانەتدارلىق بىلەن سۈپەتلىنىشى ئىماننىڭ تەقەززاسى ئىكەنلىكى توغرىسىدا مۇھىم مەلۇماتلار ھۆزۈرۈڭلاردا.

«راستچىللىق دۇنيا-ئاخىرەت سائادىتىنىڭ ئاچقۇچى» ناملىق بۇ ئاۋازلىق ئەسەردە راستچىللىق پەزىلەتنىڭ مەنبىيى، مۇسۇلماننىڭ راستچىللىق بىلەن ئەخلاقلىنىشى ۋە ئۇنىڭ ئىنسان ھاياتىدىكى رولى، ئىسلام دىنىنىڭ راستچىللىق ئۇستىگە بەرپا قىلىنغانلىقى، ئاللاھ تائالا جانابى رەسۇلۇللاھنى راستچىللىقتا ئىنسانىيەتكە ئۈلگە قىلىپ ئەۋەتكەنلىكى توغرىسىدا مەلۇماتلار ھۆزۈرۈڭلارغا سۇنۇلدى.

«كەمتەرلىك ۋە ئۇنىڭ ئەھمىيىتى» ناملىق بۇ ئاۋازلىق ئەسەردە، كەمتەرلىكنىڭ پەزلى ۋە ئەھمىيىتى، مۇسۇلماننىڭ كەمتەرلىك بىلەن ئەخلاقلىنىشى، كەمتەرلىكتە ئوتتۇراھاللىقنى لازىم تۇتۇشىنىڭ مۇھىملىقى، كەمتەرلىك بىلەن ئەخلاقلانغۇچى دۇنيا ۋە ئاخىرەتتە گۈزەل نەتىجىلەرنى قولغا كەلتۈرۈدىغانلىقى توغرىسىدىكى مۇھىم مەلۇماتلار ھۆزۈرۈڭلاردا.

«ئېھسان ۋە ئۇنىڭ ئىنسان ھاياتىدىكى رولى» ناملىق بۇ ئاۋازلىق ئەسەر، ئېھساننىڭ ئەھمىيىتى ۋە ئۇنى قانداق چۈشىنىشىمىز كېرەكلىكى، ئېھسان ۋە ئۇنىڭ ئەخلاق بىلەن بولغان ئالاقىسى ۋە ئۇنىڭ تۈرلىرى قاتارلىق مۇھىم مەلۇماتلارنى قۇرئان ۋە سۈننەت نۇرى ئاستىدا ئاڭلىغۇچىلارغا ئوچۇق يورۇتۇپ بېرىدۇ.

«سۇراقە ئىبنى مالىك كىم؟» ناملىق بۇ ئاۋازلىق ئەسەر پارىس ئىمپېرىيە پادىشاھىنىڭ تاجىنى كىيىشكە مۇيەسسەر بولغان ھۆرمەتلىك ساھابە سۇراقە ئىبنى مالىك رەزىيەللاھۇ ئەنھۇنىڭ ئىسلامدىن ئىلگىرى ۋە كېيىنكى ھاياتى، ئىسلامغا كېرىشى، ئۆمەر رەزىيەللاھۇ ئەنھۇ تەرىپىدىن ھۆرمەتكە سازاۋەر بولۇپ تارتۇقلىنىشى قاتارلىق مۇھىم مەلۇماتلار ھوزۇرۇڭلاردا.

«ئەبۇ زەر ئەلغەپپارى بىلەن تونۇشىۋېلىڭ » ناملىق بۇ ئاۋازلىق ئەسەردە جەڭگىۋار سەھابە جۇندۇ ئىبنى جۇنادە رەزىيەللاھۇ ئەنھۇنىڭ ئائىلە كېلىپ چىقىشى، ئىسلامنى قوبۇل قىلىشى، دىن تارقىتىش يولىدا كۆرسەتكەن تۆھپىلىرى ۋە تۆلىگەن بەدەللىرى، رەسۇلۇللاھنى ياخشى كۆرۈشى، زاھىتلىق ۋە تەقۋادارلىقى، ۋاپاتى قاتارلىق مۇھىم مەلۇماتلار ھوزۇرۇڭلاردا.

سەئد ئىبنى ئەبى ۋەققاس كىم؟ ناملىق بۇ ئاۋازلىق ئەسەر ھۆرمەتكە سازاۋەر ساھابە سەئد ئىبنى ئەبى ۋەققاس رەزىيەللاھۇ ئەنھۇنىڭ ھاياتىدىن ئارىيە بولۇپ، ئۇنىڭ ئىسلامغا كېرىشى، ئىسلامغا كىرگەندىن كېيىن ئائىلىسى تەرىپىدىن ھەر-خىل ئاۋارىچىلىقلارغا ئۇچرىشى، ئاللاھنىڭ دىنىنى تارقىتىش يولىدا كۆرسەتكەن تىرىشچانلىقى ۋە جەڭگىۋارلىقى، ۋاپاتى قاتارلىق تەربىۋىيى ئەھمىيىتى بولغان مۇھىم ئۇچۇرلار ھۆزۈرۈڭلاردا.

«سەفىيە بىنتى ئابدۇلمۇتتەلىب رەزىيەللاھۇ ئەنھانىڭ ھاياتىدىن قىسقىچە چۈشەنچە» ناملىق بۇ لېكسىيەدە، سەفىيە رەزىيەللاھۇ ئەنھانىڭ ئىسلامغا كېرىشى، جەڭ مەيدانلىرىدا مۇجاھىتلارغا ياردەمدە بولىشى ۋە جەسۇرلۇقى، ئىسلامدا مۇشرىك ئۆلتۈرگەن تۈنجى ئايال ئىكەنلىكى توغرىسىدىكى مۇھىم مەزمۇنلار ھوزۇرۇڭلاردا.

«ھەزرىتى نۇھ ئەلەيھىسسالام ھاياتىدىن ئارىيە» ناملىق بۇ لېكسىيەدە، نۇھ ئەلەيھىسسالام ئاللاھنىڭ سەرخىل پەيغەمبەرلىرىدىن (ئۇلۇلئەزمى) ئىكەنلىكى، پەيغەمبەر قىلىپ ئەۋەتىلىنىشى، ئۇنىڭ ئاللاھنىڭ ئەمرىنى يەتكۈزۈشتە كۆرسەتكەن تىرىشچانلىقى ۋە ئىخلاسى، تۇپان ئاپىتى ۋە ئۇنىڭ ۋاپاتى قاتارلىق مۇھىم مەلۇماتلار ھوزۇرىڭىزدا.

بۇ ئاۋازلىق ئەسەر زەيد ئىبنى سابىت رەزىيەللاھۇ ئەنھۇنىڭ ھاياتىدىن ئارىيە بولۇپ، ئۇ زاتنىڭ پەيغەمبەر ئەلەيھىسسالامدىن تەلىم تەربىيە ئىلىشقا مۇيەسسەر بولغانلىقى، تەقۋادار ۋە ئاۋانگارتلىق روھى، قۇرئاننى جەملىگۈچى، ۋەھيى يازغۇچى، قۇرئان ۋە مىراس بىلىملىرىدە يۇقىرى سەۋىيىگە ئىگە ئىكەنلىكى قاتارلىق ئۇنىڭ ھاياتىدىكى مۇھىم ئىش-ئىزلىرى ھۆزۈرۈڭلاردا.

«ئابدۇراھمان ئىبنى ئەۋف رەزىيەللاھۇ ئەنھۇنىڭ تەرجىمىھالى» ناملىق بۇ ئاۋازلىق ئەسەردە، پەزىلەتلىك سەھابە ئابدۇراھمان ئىبنى ئەۋفنىڭ ئىسلامغا كېرىشى، دىن تارقىتىش يولىدا كۆرسەتكەن تۆھپىلىرى، مال-دۇنياسىنى ئاللاھ يولىدا سەرپ قىلغانلىقى، ئىككى قېتىم ھىجرەت قىلىشتەك بۈيۈك ئەجىرگە ئىگە بولغانلىقى، جەننەتتىن بىشارەت بېرىلگەنلەردىن ئىكەنلىكى توغرىسىدا چۈشەنچە بېرىدۇ.

«سېخى تەلھەنىڭ ھاياتىدىن قىسقىچە ئارىيە» ناملىق بۇ ئاۋازلىق ئەسەر، جەننەت بىلەن بىشارەت بىرىلگەن، پەيغەمبەر ئەلەيھىسسالامنىڭ ماختىشىغا ئىرىشكەن، سەرخىل ساھابىلاردىن بولغان، تەلھە ئىبنى ئۇبەيدۇللاھ رەزىيەللاھۇ ئەنھۇنىڭ، ئىسلامغا كېرىشى ۋە ئىسلامغا كىرگەندىن كىيىنكى تەسىرلىك ھاياتىدىن قىسقىچە ئارىيە لەر ھۆزۈرۈڭلاردا.

«جەننەت ئاياللىرىنىڭ سەردارى» ناملىق بۇ لېكسىيە پەيغەمبەر ئەلەيھىسسالامنىڭ قىزى پاتىمە رەزىيەللاھۇ ئەنھانىڭ قىسقىچە ھاياتى بولۇپ، ئۇنىڭ جەننەتكە نائىل بولغۇچى ئاياللارنىڭ سەردارلىرىدىن ئىكەنلىكى، ئىسلامغا كىرىشى ۋە پەزىلىتى، ئۇنىڭ پەيغەمبەر ئەلەيھىسسالامنى ياخشى كۆرۈشى ۋە كاپىرلارنىڭ ئەزىيەتلىرىدىن قوغدىشى، تۇرمۇشقا چىقىشى ۋە ۋاپاتى قاتارلىق مۇھىم مەلۇماتلار ھۆزۈرۈڭلارغا سۇنۇلدى.

«قۇرئان كەرىم ھەققىدە چۇشەنچە» ناملىق بۇ لىېكسىيەدە قۇرئان كەرىمنىڭ ئاللاھنىڭ كالامى ئىكەنلىكى،مۇھەممەد ئەلەيىسسالامغا ۋەھىي ئارقىلىق چۈشۈرۈلگەنلىكى،ئۇنىڭ مۈجىزە ۋە مۇنازىرە تەلەپ قىلمايدىغان ھەقىقەت ئىكەنلىكى، ئىسلام شەرىئەت ھۆكۈملىرىدىكى ئەڭ مۇھىم ئاساسى مەنبە ئىكەنلىكى ۋە ئۇنىڭ مۇسۇلمان ھاياتىدىكى رولى قاتارلىقلارنى بايان قىلىپ بېرىدۇ.

«ئابدۇللاھ ئىبنى ئۆمەر رەزىيەللاھۇ ئەنھۇنىڭ ھاياتىدىن ئارىيە» ناملىق بۇ لېكسىيەدە، ئۇ زاتنىڭ بالىلىق ھاياتى، ھېجرەت قىلىشى، ئىسلامقا قوشقان توھپىلرى ۋە ئەخلاق پەزىلەتلىرى... قاتارلىقلار توغرىسىدا توختىلىدۇ.

«ئاخىرەت تەسەۋۋۇرى» ناملىق بۇ لېكسىيەدە ھاياتلىق بولسا ،ئىنسان ئۈچۈن ئاخىرەتتە تۇگۇمەس گۈزەل ھاياتقا ئېرىشىش، ياكى دوزاخنىڭ ئەلەملىك ئازاپلىرىدىن قۇتۇلۇش ئۈچۈن ئاساس سالىدىغان مەنبە ئىكەنلىكىنى قۇرئان ،ھەدىس ۋە نۇرلۇق تەرجىمىھاللاردىن مىسال ئىلىش بىلەن بىرگە جەمىئيىتىمىزدىكى بەزى ئىشلارنى سىلىشتۇرما قىلىپ بايان قىلىپ بېرىدۇ.

«ئۇممە سەلەمە رەزىيەللاھۇ ئەنھانىڭ ھاياتى» ناملىق بۇ لېكسىيەدە مۆمىنلارنىڭ ئانىسى ئۇممە سەلەمەنىڭ ئائىلە كىلىپ چېقىشى، ئىسلام دىنىغا كىرىشى، ئاللاھ يولىدا ھىجرەت قىلىشى ۋە پەيغەمبەر ئەلەيھىسسالامغا نىكاھلىنىشى ۋە ئۇنىڭ پەزىلىتى قاتارلىقلار بايان قىلىنىدۇ.

«ئائىلىدىكى مەسئۇلىيىتىڭىز» ناملىق بۇ لېكسىيەدە، تۇرمۇشتا ئەر-ئايال ئوتتۇرىسىدىكى ھەق-ھوقۇق، ئاتا-ئانىلارنىڭ پەرزەنتلىرىنى تەربىيىلەشتىكى ئىمانى مەجبۇرىيەتلىرى ۋە ئاتا-ئانىلىق مەسئۇلىيەتلىرى، ئاتا-ئانىنىڭ پەرزەنت تەربىيىلەشتە ساغلام ئەقىدىنى چېقىش قىلغان ھالدا، ئاللاھ رىزاسىنى كۆزلەش بىلەن بىرگە، ئۆزىگە، مىللىتىگە، ئانا ۋەتىنىگە مەنپەئەت يەتكۈزىدىغان كېرەكلىك ئەۋلادلارنى تەربىيەلىشىنىڭ ئىنتايىن مۇھىم ئىكەنلىكى توغرىسىدا مۇھىم تەۋسىيەلەرنى قىلىدۇ.