کتابیں

مہرِ نبوت ﷺعلامہ قاضی محمد سلیمان منصور پوری کی تالیف ہے جو کہ نبی کریم ﷺ کی سیرتِ پاک پر ایک مستند اور مختصر ترین رسالہ ہے۔اس کی زبان نہایت سلیس ہے، فاضل مؤلف نے اس چھوٹی سی کتاب میں نبی کریم ﷺ کی سیرتِ پاک کے تمام پہلوؤں کو مختصر اور دلکش انداز میں بیان کردیا ہے، یہ کہنا بے جا نہ ہوگا کہ یہ آپ کی مشہورِ زمانہ کتاب رحمۃ للعالمین کا خلاصہ ہے۔

رہنمائے مسلم: زیر نظر رسالہ شیخ عبد الکریم دیوان کی تالیف ہے، یہ رسالہ نو مسلموں اور اسلام کے احکام سے مکمل واقفیت نہ رکھنے والوں کے لیے بہت ہی اہمیت کا حامل ہے اس میں عقیدہ، عبادات اور معملات کے اہم مسائل کو بیان کیا گیا ہے۔

اسبابِ مغفرت کی یاد دہانی: اس رسالہ میں مغفرت کے اسباب، اس کی مثالیں، رمضان المبارک میں مغفرت کے اسباب نیز عذاب کے اسباب بیان کیے گئے ہیں۔

روزہ کے مسائل: زیر نظر رسالہ روزہ کے احکام ومسائل، شرائط وواجبات، سنن ومستحبات اور ان امور کے بیان پر مشتمل ہے جن سے روزہ فاسد ہو جاتا ہے، نیز اس میں ان امور کی وضاحت بھی ہے جن سے روزہ فاسد نہیں ہوتا، ساتھ ہی کچھ دیگر ضروری فائدے بھی ذکر کئے گئے ہیں۔

حدیث اور سیرت کے قاری کی نظر سے سیکڑوں ایسے واقعات گزرتے ہیں کہ اللہ کے رسول صلی اللہ علیہ و سلم نے اپنے رب کی بارگاہ میں کوئی دعا کی اور وہ حرف بہ حرف قبول ہو گئی۔ یہ اعجاز نبوت کا ایک اہم ترین پہلو ہے، جو آپ کی نبوت و رسالت کی سچائی کو بیان کرتا ہے۔ اس کتاب میں اس طرح کے تمام واقعات کو صحیح احادیث کی روشنی میں نقل کیا گیا ہے اور رطب و یابس کو جمع کرنے سے بچنے کو پوری کوشش کی گئی ہے۔ سادہ اور سلیس اسلوب بیان کی حامل یہ اپنی نوعیت کی منفرد کتاب ہے۔

خلاصہ اركانِ اسلام

زیرمطالعہ کتابچہ میں انسان پر یہ ضروری قرار دیا گیا ہے کہ وہ اپنے بچوں کو قرآن سکھلانے سے پہلے توحید کی تعلیم دیں ،تاکہ اسلامی فطرت کے مطابق وہ کامل انسان بن سکیں،اور ایمانی راستہ کو اختیار کرکے بہترین موحد بن سکیں۔

اس کتاب میں اختصار کے ساتھ اہل تشیع کے عظیم فرقہ’’ شیعہ اثناعشریہ‘‘ کے اعتقاد ونظریات سے مسلمانوں کو آگاہ کیا ہے،اوراس مذہب کی حقیقت کوخود انہی کےمستند مصادر ومآخذ سے بے نقاب کیا گیا ہے، اور یہ واضح کیا گیا ہے کہ ان کے عقائد ونظریات اسلام کے اصول ونظریات سے پورے طورپرمتصادم ہیں،بلکہ سراسرخرافات کا ملغوبہ ہیں۔

زیر تبصرہ کتاب ان نفوس قدسیہ کے فضائل ومناقب پر مشتمل ہے جنہیں رب کریم نے اپنے سلسلۂ رسالت کے آخری کڑی حبیب کائنات محمد رسول اللہﷺ کے لیے منتخب فرمایا، جن سے رب راضی ہوا،اوروہ رب سے راضی ہوئے۔ خاص طور سے خلفائے راشدین، اہل بیت اطہار ،ازواج مطہرات، عائشہ ؓ،فاطمہ ؓ،انصار مدینہ،اہل بدر،اہل اُحد،اہل بیعت رضوان کے فضائل ومناقب،اہل بیت ودیگرصحابۂ کرام کے مابین باہمی گہرے تعلقات ورشتہ داریاں، صحابۂ کرام اوراہل بیت کے بارے میں اہل سنت والجماعت کے عقائد ،نیزانہیں سب وستم کا نشانہ بنانے والوں یا بغض وحسد کا اظہار کرنے والوں کے بارے میں ان کے موقف جیسے اہم عناوین اس کتاب کی زینت ہیں۔صحابۂ کرام کے فضائل ومناقب اور دفاع صحابہ واہل بیت ِ اطہار رضی اللہ عنہم کے سلسلے میں نہایت ہی مفیدومعتمد علمی کاوش ہے ۔رب کریم اس کتاب کو مؤلف،مراجع،ناشرین کے لیے صدقہ ٔ جاریہ بنائے ،اورگم گشتہ راہ انسانوں کی ہدایت کاذریعہ بنائے۔آمین

یہ نوے حدیثیں ہیں جو مختلف حدیثوں کی کتابوں سے چنی گئیں ہیں، اور ساتھ ہی روایت کرنے والے صحابیوں کا تعارف نیز حدیث کے فوائد ومسائل کا بھی ذکر کیا گیا ہے۔

اللہ رب العزّت کے امّت اسلامیہ پر ان گنت احسانات میں سے ایک یہ ہے کہ اس نے اپنی کتاب عزیز قرآن مجید اور سنّت مصطفیٰﷺ میں اپنے خلیل ابراہیم علیہ الصلوٰۃ والسلام کی بحیثیت والد سیرت مطہّرہ کو ہمیشہ ہمیش کے لیے محفوظ فرمادیا ہے جو کہ راہ نمائی کے طلب گار والدین کے لئے مشعل راہ اور منارہدایت ہے۔ان کی سیرت مطہرہ میں اولاد کے متعلق والدین کے بہت سے سوالات کے جوابات موجود ہیں ،انہی سوالات میں سےدرج ذیل تین سوالات ہیں جو اس کتاب کا بنیادی موضوع ومحور ہیں: ۱۔ابراہیم علیہ السلام نے اپنی اولاد کے لیے کن چیزوں کو پسند فرمایا؟ ۲۔انہوں نے کن چیزوں سے اپنی اولاد کو بچانے کی رغبت اور کوشش کی؟ ۳۔اولاد کے بارے میں اپنے عزائم اور ارادوں کی تکمیل کے لیے انہوں نے کیا طریقے اختیارکئے؟

بیماری کی حکمت اور اس کے چند فوائد علاج کے جائز اور محرم طریقے مریض کی عیادت کی فضیلت میت کو غسل دینے، کفنانے اور دفن کرنے کے احکام تعزیت کے احکام

زیرنظر کتاب میں گناہوں کی دوقسمیں صغیرہ وکبیرہ کا تذکرہ کرکے عقائد،عبادات،اخلاق،معاملات،امارت وزینت وغیرہ سے متعلق کبیرہ گناہ کو ذکرکرکے ان سے بچنے کا شرعی طریقہ بیان کیا گیا ہے،اوروہ توبہ نصوح ہے جس سے ان گناہوں کا کفارہ ہوسکتا ہے۔

زیر نظرکتاب میں اسلام میں مسجد کی اہمیت اورافراد کی تربیت سازی میں اس کا کردار،مسجد کے بعض آداب وشروط،مسجد تعمیرکرنے کی فضیلت ،مساجد ثلاثہ کی اہمیت وفضیلت اور اس کی طرف ثواب کی نیت سے سفر کی اجازت اورمسجد سے متعلق دیگر اہم امور کا کتاب وسنت کی روشنی میں تذکرہ کیا گیا ہے۔

زیر نظرکتاب میں جہاد کی اہمیت وفضیلت،اورجہاد کی شرعی حیثیت اوراس کے احکام ومسائل کو کتاب وسنت کی روشنی میں بیان کیا گیا ہے۔

زیرنظرکتاب میں نبی رحمت صلی اللہ علیہ وسلم کے فضائل کا نہایت ہی شاندار تذکرہ کیا گیا ہے ساتھ ہی آپ ﷺ کا لوگوں کی ہدایت کے حرص اور اس سلسلے میں پیش کی گئی قربانیوں کا تذکرہ ہے

زیرنظرکتاب میں سنت کی اہمیت وفضیلت اس کی شرعی حیثیت ،اسکی احتجاجی حیثیت اورصحابہ وتابعین وائمہ کرام کی نظرمیں سنت کی اہیمت وغیرہ کو بیان کرکے اس کے مطابق زندگی گزارنے کی دعوت دی گئی ہے اوراس کی ضد بدعت سے بچنے کی تلقین کی گئی ہے،

تبدیع ،تفسیق اور تکفیر کے مظاہر اور ان کے ضوابط: زیر نظر کتاب میں اہل سنت والجماعت کی علامات،ان کے مذہب کے بعض اصول کا تذکرہ کرکے،گمراہ فرقوں کے ظہور کے اثرات اورموجودہ دور میں تبدیع،تفیسق اور تکفیرکےسلسلے میں پائے جانے والے مظاہر سے پردہ اٹھاکر ان کا شرعی اصول وضوابط بیان کیا گیا ہے،نیز اس سلسلے میں کئے جانے والے سوالات کا اہل سنت والجماعت کے اصولوں کے مطابق تشفی بخش جواب دیا گیا ہے۔(تالیف:شیخ صالح فوزان الفوزان۔حفظہ اللہ۔ تعلیق: شیخ ابن بازؒ ۔ ترجمہ: مولاناطارق علی بروہی۔ حفظہ اللہ۔)

جنّت میں داخلہ اور دوزخ سے نجات: زیرنظرکتاب میں نامورسعودی عالم شیخ عبد اللہ بن جاراللہ الجاراللہ نے قرآن کریم اوررسالت مآب صلی اللہ علیہ وسلم کی احادیث مبارکہ سے وہ تمام باتیں یکجا کردی ہیں جو دوزخ سے نجات اورجنت میں داخلے کی ضامن ہیں۔اسی طرح جنت وجہنم کی صفات اوراہل جنت وجہنم کے بعض اعمال کا بھی مختصرا تذکرہ فرمایا ہے۔ دارالسلام ریاض نے اس گرانمایہ کتاب کو ایمان کی مضبوطی اورحسن عمل کے فروغ کے لئے شائع کیا ہے۔ یہ کتاب جنت میں داخلے کی دستاویز ہے اسے پڑھئے اوراپنی اخروی نجات کے لئے اس کی تعلیمات پرسچے دل سے عمل کیجئے۔ترجمہ: شعبہ تحقیق دارالسلام۔

قرآن کریم کے معانی کا آسان اردوترجمہ: قرآن کتاب الہی ہے جس میں انسانوں کی رشدوہدایت اوربھلائی وکامیابی کے تمام اصول وضوابط بیان کردئے گئے ہیں،لہذا ضرورت ہے کہ ہم اس کے معانی کوسمجھ کرپڑھیں،اوراس کے احکام کے مطابق عمل کریں تاکہ دنیاوآخرت کی سعادت اور رضائے الہی کا حقدار بن سکیں۔ اورقرآن چونکہ عربی زبان میں ہے اس لئے عربی نہ جاننے والوں کے لئے اس کا سمجھنا دشوار تھا، لہذا اس بات کا خیال کرتے ہوئے حافظ نذراحمد صاحب نے اس کا آسان اردو ترجمہ فرمایا،اس ترجمہ کی اہم خصوصیت یہ ہے کہ: اس میں ہرکلمہ کا لفظی ترجمہ کیا گیا ہے اور اس کے نیچے ہی اس کا سلیس ومحاورتی ترجمہ بھی کردیا گیا ہے،ساتھ ہی اس ترجمہ کوتمام مکاتب فکر(اہل حدیث،دیوبندی،بریلوی) کے علما ئے کرام کی مکمل تائید واتفاق حاصل ہے۔عربی نہ جاننے والوں کے لئے قرآن فہمی میں یہ ترجمہ بہت ہی مفید ثابت ہوگا۔ مترجم: حافظ نذراحمد مراجعہ :مولانا عزیز زبیدی ودیگرعلمائے کرام۔ ناشر: مسلم اکادمی،محمد نگر،لاہور۔ (ش۔ر)