حج وعمرہ

یادگار مقاما ت کی ز یارت كا شرعی حكم مع رسالہ

سوال:کیا حج پر قادر شخص کے لئے کئی سال تک (واجب)حج کو مؤخّر کرنا جائز ہے؟

مسجد نبوی کی زیارت کے احکام: اس کتابچہ میں فاضل مؤلف نے مسجد نبوی کی زیارت کے احکام کو بیان کرنے کے ساتھ ان غلطیوں سے متنبہ کیا ہے جن کا اکثر لوگ مدینہ منورہ میں قیام کے دوران ارتکاب کرتے ہیں، اور چند شرعی خلاف ورزیوں کا بھی تذکرہ فرمایا ہے۔ اسلوب نگارش عام فہم اور آسان ہے۔

رہنمائے حجّاج کتاب وسنت اور آثار سلف کی روشنی میں: پیش نظر کتا ب میں قرآن ومستند احادیث اور آثار سلف کی روشنی میں حج وعمرہ کے احکام ومسائل کو تفصیل سے بیان کیا گیا ہے، نیز آخر میں چند شرعی وماثور دعاؤں کا بھی تذکرہ کردیا گیا ہے، کتاب کی اہمیت کے پیش نظر مولانا محمد عرفان مدنی حفظہ اللہ نے افادہ عام کی غرض اسے اردوقالب میں ڈھالاہے۔ اس سے قبل فاضل مؤلف کی(فضل المدينة وآداب سكناها وزيارتها) زائرمدینہ کی خدمت میں (مدینہ کی فضیلت اور اسمیں سکونت اور اسکی زیارت کے آداب)، نامی کتاب طبع ہوچکی ہے جسے شیخ عطاء الرحمن ضیاء اللہ نے اردو قالب میں ڈھالا ہے اور اسلام ہاؤس ڈاٹ کام پر درج ذیل لنک پے دستیاب ہے : http://IslamHouse.com/354846

زائرین مدینہ کی خدمت میں : زير نظر رسالہ مدینہ منورہ کی فضیلت،اس میں سکونت پذیر ہونے اور اسکی زیارت کرنے کے منجملہ آداب کے بیان میں ہے، شہر مدینہ کی فضیلت وزیارت کے موضوع پر نہایت ہی علمی وتحقیقی کتاب ہے جسے مدینہ یونیورسٹى کے سابق وائس چانسلر اور مسجد نبوی کے واعظ ومدرس شیخ / عبدالمحسن حمد العباد حفظہ اللہ نے ترتیب دی ہے. حجاج کرام اور معتمرین کیلئے خصوصی طورپر اسکا مطالعہ مفید ہے.

شیخ ابن باز رحمہ اللہ سے سوال کیا گیا: ”یہ تومعلوم ہے کہ مساجد میں مردے دفن کرنا جائزنہیں، اورجس مسجد میں قبرہو, وہاں نماز جائز نہیں- پھر رسول صلى اللہ علیہ وسلم اورآپ کے بعض صحابہ کی قبروں کو مسجد نبوی میں داخل کرنے کی کیا حکمت ہے ؟ زیر نظر فتوى میں اسی کا جواب پیش خدمت ہے.

مدینہ منورہ نبی صلى اللہ علیہ وسلم کی ہجرت کی جگہ ہے جہاں سے دین اسلام کی دعوت پورے عالم میں پھیلی ,یہی اسلام کی دوسری مسجد ہے جس کی طرف عبادت کی غرض سے رخت سفرکرنا مشروع ہے البتہ اسکا حج سے کوئی تعلق نہیں زیرنظرمضمون میں مدینہ منورہ کی زیارت کے آداب واحکام کوبیان کرکے اسمیں کی جانے والی بعض بدعات سے ڈرایا گیا ہے.

اس کتاب میں قرآن وسنت کے دلائل سے حج وعمرہ اور زیارت مسجد نبوی کے مسائل دلنشیں انداز میں بیان کئے گئے ھیں اور سب سے بڑی خوبی یہ کہ سلف صالحین کا منھج اختیار کیا گیا ھے ۔

مسجد نبوی شریف کی زیارت اور زائرین کے لیے تنبیہات وہدایات

سوال: کون کون سے اعمال حج کے ارکان، واجبات اورسنّتوں میں داخل ہیں؟

پانچ اہم دینی مسائل: پیش نظر کتاب میں مشہور دینی اسکالر حافظ عمران ایوب لاہوری حفظہ اللہ نے کتاب وسنّت صحیحہ اورمستند علمائے کرام کے اقوال کی روشنی میں عشرہ ذوالحجہ، عیدین ،قربانی، عقیقہ اور نومولود سےمتعلقہ مسائل کا تحقیقی تذکرہ فرمایا ہے۔نہایت ہی عمدہ تالیف ہے ضرور مطالعہ کریں اور دعائیں دیں۔

زیر تبصرہ کتاب ’’حج نبوی‘‘ محد ث العصر علّامہ ناصر الدین البانی رحمہ اللہ کی حج کےموضوع پر جامع ترین کتاب ’’ صفۃ حجۃ النبی ﷺ منذ خروجہ من المدینۃ الیٰ رجوعہ‘‘ یا’’حجة النبي صلى الله عليه وسلم كما رواها عنه جابر رضي الله عنه‘‘کا سلیس اردو ترجمہ ہے ۔اس کتاب میں شیخ البانیؒ نے حدیث جابررضی اللہ عنہ کی روشنی میں نبی صلی اللہ علیہ وسلم کے حجِ مبارک کے احوال کو اس طر ح ترتیب دیا ہے کہ اس کتاب کو پڑھنے والا یہ سمجھتا ہے کہ حج کے پورے سفر میں ہم رسول اکرم صلی اللہ علیہ وسلم کے ساتھ تھے۔ سفرحج کےدوران پیش آنے والے تمام واقعات، آپ کے خطبے، سوالوں کےجوابات، مناسک حج ، دیگر مفید معلومات اور عجیب وغریب نکت اور ظرائف سے شیخ نے اس کتاب کو پُر کشش بنایا اورحسب ِعادت احادیث کی صحت وعدم صحت کے ریمارکس بھی دئیے ہیں۔ اور کتاب کے آخر میں حج کے موقع پرکی جانے والی بدعات وخرافات کی بھی نشاندہی کردی ہے۔ اس اہم کتاب کےترجمہ کی سعادت پاکستان کے معروف عالم دین شیخ الحدیث، مفسر قرآن ،مصنف و مترجم کتب کثیرہ مولانا محمد صادق خلیل رحمہ اللہ نےحاصل کی ہے۔ اللہ تعالیٰ مصنف ومترجم کی تمام دینی کاوشوں کو قبول فرمائے اور انہیں جنت الفردوس عطا فرمائے۔ آمین(م۔ا)

عمره کا آسان طریقہ: زیر نظر پمفلٹ میں کتاب وسنت کی روشنی میں عمرہ کا آسان طریقہ بیان کیا گیا ہے۔

زیارتِ مدینہ آداب وفضائل: زیر نظر پمفلٹ میں مدینہ طیبہ کی حرمت وفضیلت، آداب زیارت مسجد نبوی اور زائرین کی طرف سے کی جانے والی چند بدعات کا مختصر تذکرہ ہے۔

حج بیت اللہ اسلام کے ارکان میں سے ایک اہم رکن ہے، اور اسلام کے عظیم شعائر میں سے ایک شعیرہ ہے، اللہ نے اسے شرف وفضیلت عطا کی ہے اور اس میں عظیم ثواب رکھا ہے، چنانچہ جب بندہ بیت اللہ کا حج کرتا ہے، اس عظیم عبادت کے حقوق و فرائض کو بجالاتا ہے، فسق و فجور اور شہوانی اعمال سے دوری اختیار کرتا ہے تو اللہ اسکے صلہ میں اسے جنت عطا فرماتا ہے، جیسا کہ آپ ﷺ کا فرمان ہے : ـ ‘‘ حج مبرور کا صلہ صرف جنت ہے’’۔ پیش نظر ویڈیو میں حافظ ارشد بشیر مدنی ۔ حفظہ اللہ ۔ نے حج وعمرہ کے طریقہ کو نہایت ہی آسان ، عام فہم اسلوب میں step by step ( قدم بہ قدم) بیان کیا ہے۔

حج توحید کے آئينے میں: بلا شبہ حج ایک عظیم ایمانی تربیت گاہ ہے،جسمیں مسلمان عظیم فوائد واسباق اورنفع بخش نصیحتیں حاصل کرتے ہیں جو زندگی کے مختلف نواحی اور دین کے تمام ابواب کو شامل ہیں، خواہ وہ عقائد وعبادات کا باب ہویا سلوک وارشاد کا موضوع ہو،اورچونکہ توحید ہی اعمال کی اساس وبنیاد ہے اور اسی پر پورا دین قائم ہے اسلئے شیخ عبد الرزاق عبد المحسن البدر - حفظہ اللہ- نے پیش نظر رسالہ میں عقیدہ سے متعلق حج سے حاصل ہونے والےتیرہ اہم اسباق ودروس کو یکجا کردیا ہے، کتاب چونکہ عربی زبان میں تھی اسلئے اسے اردودان طبقہ کی آسانی کیلئے محمد رمضان بن ثناءاللہ زاہد- حفظہ اللہ- نے اردو قالَب میں ڈھالا ہے اورمراجعہ وتصحیح کا کام ڈاکٹرعبداللطیف الکندی- حفظہ اللہ- نے سرانجام دیا ہے۔ نہایت ہی مفید کتاب ہے ضرور استفادہ حاصل کریں۔

رئاسہ عامہ برائے امور مسجد حرام ومسجد نبوی کی طرف سے حج وعمرہ کے بیان میں چند ہدایات اور تنبیہات لوگوں کے سامنے پیش کیا جارہا ہے تاکہ اللہ کے با حرمت گھر کی زیارت کرنے والے حجاج ومعتمرین کیلئے مینارراہ بن سکے جس سے وہ اپنی عبادات کو صحیح طریقے پر کتاب وسنت کے مطابق ادا کرسکیں اور ایک مسلمان اپنے دین کے متعلق واضح معلومات کی روشنی میں ہراس چیز سے دور رہ سکے جوعبادت کو فاسد کرسکتی یا اس میں نقص کا سبب بن سکتی ہے-

مناسك حج وعمره (كتاب وسنت كی روشنی میں): پیش نظر کتاب محدث عصر علامہ البانی -رحمہ اللہ-کی حج کےموضوع پر لکھی گئی جامع ترین کتاب ’’ صفۃ حجۃ النبی ﷺ منذ خروجہ من المدینۃ الیٰ رجوعہ‘‘ کا اختصارہے جس میں کتاب وسنت صحیحہ کی روشنی میں نبی کریم صلى اللہ علیہ وسلم کے حج وعمرہ کے طریقہ کو حدیث جابررضی اللہ عنہ کی روشنی میں بیان کیا گیا ہے،نیزحجاج کرام سے صادرہونے والی بعض غلطیوں اورخلاف ورزیوں کی بھی نشاندھی کردی گئی ہے، نہایت ہی مفید کتاب ہے ضرور استفادہ حاصل کریں۔ (ترجمہ:ڈاکٹرعبد الرحمن یوسف)۔

حج اسلام كا ايك اهم ركن هے جومسلمان صاحب استطاعت شخص پرزندگی میں ایک بارفرض ہے اورحج مبرورکابدلہ صرف جنت ہے مگرموجودہ دورمیں اکثرلوگوں کا حج سنت نبوی صلى اللہ علیہ وسلم كے طریقے سے بالکل مخالف ہوتا ہے اسی لئے سی ڈی مذکور میں حج وعمرہ کرنے والوں کوخاص تنبیہ کی گئی ہے اورآخرمیں حج وعمرہ سے متعلق نہایت ہی اہم سوال وجواب کوشامل کردیا گیا ہے.

اس کتابچہ میں مختصر انداز میں حج وعمرہ اور مسجد نبوی کی زیارت سے متعلق اہم وضروری باتیں پیش کی گئی ہیں, نیز حج,عمرہ وزیارت کے دوران سرزد ہونے والی غلطیوں پر تنبیہ کی گئی ہے, ساتھ ہی ساتھ حجاج کرام کے لیے اہم ہدایات ونصائح کا گلدستہ بھی ہے, الغرض یہ حج وعمرہ اورزیارت مسجد نبوی کے لیے ایک رہنما اور مختصر گائڈ ہے.