کتابیں

روزے سے متعلق 40 اہم فقہی مسائل جن کے بارے ماہ رمضان میں اکثر سوال کیا جاتا ہے۔

فتاویٰ ابن باز، فتاویٰ لجنہ دائمہ اور فتاویٰ ابن عثیمین کی روشنی میں نماز تراویح سے متعلق 58 مختصر مسائل

رسول صلی اللہ علیہ وسلم نے ہر بھلائی کی جانب ہماری رہنمائی فرمائی اور ہر شر سے ہمیں خبردار کیا ۔اللہ کا درود وسلام قیامت تک آپ پر نازل ہوتا رہے۔ جن اچھی باتوں کی جانب آپ صلى اللہ علیہ وسلم نے ہماری رہنمائی فرمائی اور جن برائیوں سے ہمیں خبردار کیا ان میں دین و دنیا کے امور سے متعلق بہت سے آداب بھی ہیں ۔چنانچہ عبادتوں کے کچھ آداب ہیں اور لوگوں اور اہل و عیال سے میل جول کے بھی کچھ آداب ہیں ۔ ان آداب میں سے کچھ آداب مستحب ہیں تو کچھ مکروہ ہیں جبکہ کچھ واجب ہیں اور کچھ حرام ہیں، اور کچھ آداب مباح کے درجہ میں ہیں ۔کتاب پڑھتے ہوئے یہ باتیں مزید واضح ہوجائیں گی۔ یہ ذکر کرنا مناسب ہوگا کہ سلف و خلف میں سے اہل علم نے اس موضوع کو تشنہ تصنیف نہیں چھوڑا بلکہ اس موضوع پر بہت سے رسائل اور کتابیں تالیف کی گئیں ۔ ان میں سب سے مشہور ابن قیم الجوزیہ کی کتاب زاد المعاد ، ابن مفلح کی کتاب الآداب الشرعیۃ ،سفارینی کی کتاب غذاء الالباب اور ان کے علاوہ کچھ دوسری کتابیں ہیں ۔میری خواہش تھی کہ میں ان کتابوں میں پائے جانے والے مواد کی تلخیص کروں اور ان آداب کو قابل فہم انداز میں پیش کروں اور طول طویل بحث سے گریز کروں، ہاں مگر جہاں اس کی ضرورت محسوس ہو ۔

مقاصد حج نامی اس كتاب میں مؤلف نے اعمال حج كے بعض انتہائی علمی اسرار و مقاصد كو بیان كیا ہے ، اس حیثیت سے كہ جو آپ كر رہے ہیں اس كے متعلق آپ كو علم نہیں تو آپ كے لئے اتنا جانا كافی ہے كہ یہ ایك اہم عبادت ہے ، اور دونوں جہان كے پرور دگار كے لئے سر تسلیم خم كرنے كا تقاضا ہے ،اسرار و مقاصد كے بیان كے ضمن میں مؤلف نے چند اہم نقطہ كی طرف حجاج كے فكر و فہم كو مہمیز دیا ہے كہ نبی اكرم صلی اللہ علیہ وسلم كے دونوں قدم و جسم مبارك سر زمین عرفات كو كیوں نہیں چھوا ، اور دوران طواف و رمی جمرا ت مرد و خواتین كیوں ایك ہی ساتھ مشغول عمل رہتے ہیں ،اس كے علاوہ دیگر حكمتیں بھی اس كتاب میں ذكر كی گئی ہیں ۔

كتاب ”رحمت و شفقت كی چند جھلكیاں “كے مؤلف شیخ احمد بن عبد الرحمن الصویان ہیں ، اس كتاب میں دین كی نشرواشاعت اور تبلیغ میں نرم روی اختیار كرنے كو اجاگر كیا گیا ہے ، اور دین كی رحمت و شفقت تمام لوگوں كو شامل ہے ، اور اسی طرح معاشرتی نرمی بھی دین اسلام كا ایك اہم عنصر ہے ، نیز اس كتاب میں محبت ، اور رعایا كے ساتھ شفقت برتنے كی ترغیب دی گئی ہے ، اور عفو ودر گذر كرنے كی دعوت دی گئی ہے ، اور نبی اكرم صلی اللہ علیہ وسلم پر دہشت گر دی اور قتل و غارت گری كی تہمت لگانے والوں پر انتہائی سلیقہ مندی اور علمی انداز میں تردید كی گئی ہے ، اور تمام واقعات كی روشنی میں آپ كو سارے جہان كے لئے رحمت بن كر آنے كی وضاحت كی گئی ہے ۔

یہ ایك قیمتی رسالہ ہے جسے عازمین مكہ و مدینہ كے نام تیار كیا گیا ہے ، انداز كافی پر كشش اور خوبصورت ہے ، اس رسالہ میں مكہ مكرمہ اورمدینہ نبویہ میں واقع ان اسلامی اور تاریخی مقامات كا ذكر كیا گیا ہے جس كی زیارت كے لئے عازمین حج و عمرہ و زیارہ ٹوٹ پڑتے ہیں ، اور اس كی شرعی حیثیت سے واقف نہیں ہوتے ، اس لئے اس رسالہ میں زیارت كے جائز وغیر جائز مقامامت كی دلائل كی روشنی میں ذكر كردیا گیا ہے ، تاكہ لوگ غیر شرعی امور كے پیچھے پڑ كر اپنے آپ كو نہ تھكائیں،اورنہ ہی اس كے سفر كا ارادہ كریں۔

برہان نامی یہ كتابچہ فضیلۃ الشیخ عبداللہ بن عبد الرحمن كا علمی شاہكار ہے ، جس میں معاشرے میں پائی جانے والی ایك بڑی بدعقیدگی كی وضاحت كی گئی ہے ، اور وہ اللہ كے علاوہ ان غیراللہ كو پكارنا ہے جو اپنے اندر ان كی حاجت روائی ، مشكل كشائی ، مصیبت كے وقت امداد ، بیماریوں سے شفا ، اور اولاد دینے جیسی چیزوں كی ادنی قدرت بھی نہیں ركھتے ،اس كتاب كی امتیازی خوبی یہ ہے كہ اس میں اس بات كو ثابت كیا گيا ہے كہ اللہ كے دین میں یہ حرام ہے اور یہ جاہلی طریقہ ہے ،اور اللہ عزوجل كے ساتھ كھلا شرك ہے، ساتھ ہی ساتھ مولف نے قرآنی آیات اور احادیث صحیحہ سے استدلال كرتے ہوئے اس كے بطلان كو دس علمی شكلوں میں بیان كیا ہے۔

اس کتاب کے لکھنے میں اس رسالہ کی پچاس سے زیادہ شروحات کی طرف رجوع کیا گیا ہے۔

یہ کتاب ان خصوصیات پر روشنی ڈالتی ہے جو اسلامی شریعت کو دیگر شریعتوں سے ممتاز اور نمایاں کرتی ہیں، خواہ وہ آسانی شریعتیں ہوں جو مفقود ہوگئیں، یا وہ تحریف شدہ شریعتیں ہوں جو اپنی اصل حالت پر باقی نہ رہ سکیں، جیسے عہد نامہ جدید اور عہد نامہ قدیم، یا وہ شریعتیں ہوں جنہیں انسان نے خود وضع کیے ہیں، جیسے جمہوریت، سیکولزم، لبرلزم اور سوشلزم وغیرہ۔ مؤلف نے اس مختصر کتاب میں اسلامی شریعت کی چالیس سے زائد ان مابہ الامتیاز خصوصیات کو بیان کیا ہے جو اسے دیگر شریعتوں سے ممتاز کرتی ہیں، ان میں سب سے اہم خصوصیات: حفاظت ، کمال، اور عیوب سے اس کی سلامتی ہے۔

حسن معاشرت

اللہ کے حبیب محمد صلی اللہ علیہ وسلم کا دفاع

رسول الله صلى الله عليه وسلم اور صحابه كرام کے فضائل

کیا آپ خوش بختی کے تلاش میں ہیں ؟

مشعل نبوت

یہ ایک مفید کتابچہ ہے جس میں مؤلف _جزاہ اللہ خیرا_ نے وضو اور نماز کا نبوی طریقہ صحیح احادیث کی روشنی میں بیان کیا ہے، وضو اور نماز کو شروع سے اخیر تک مرتب انداز میں ذکر کیا ہے، کتاب کے اندر وضو کے فضائل‘ اس کا طریقہ‘ نواقضِ وضو اور وضو سے متعلق بدعات اور غلطیوں کی وضاحت کی ہے، اسی طرح نماز کے مسائل وفضائل پر بھی روشنی ڈالی ہے، مؤلف نے اس کتابچہ میں اختصار کو حتی المقدور ملحوظ خاطر رکھا ہے تاکہ تمام مسلمانوں کے لئے کتاب کو سمجھنا آسان ہوسکے-

مؤلف رحمہ اللہ نے اس پمفلٹ میں ماہ محرم کے احکام کو کتاب وسنت کی روشنی میں واضح کیا.

مؤلف رحمہ اللہ نے اس کتاب میں اختصار کے ساتھ جنازہ کے جملہ مسائل کا احاطہ کیا ہے

مدينة الرسول کی معروف شخصیت شیخ عبد المحسن العباد حفظہ اللہ جو علم وعرفان کےسر چشمہ،فقیہ،محدث، عرب دنیا کے ممتاز اور مستند عالم دین ہیں،آپ کی شخصیت ہمہ جہت ہے،ہر فن مولا اور خصوصا فن حدیث کے ماہر ہیں، مختلف فنون میں آپ کی گراں قدر تصنیفات ہیں ، جہاں آپ نے فقہ حدیث پر مختلف کتابیں تحریر فرمائی وہیں آپ نے مصطلح الحدیث کو بھی اپنی تحریر کا موضوع بنایا‘ نحو وصرف ‘ قرآنی متشابہات اور کتبِ حدیث سے استفادے کے طور طریقے پر مشتمل کتابیں تالیف کی ‘ بطور خاص المنتقى من فتح الباری وغیرہ من الکتب کے نام سے آپ نے ایک ایسی کتاب ترتیب دی جس میں آپ نے مختلف فنون سے متعلق فوائد وفرائد کو یکجا کردیا اور انہیں مختلف ابواب کے تحت تقسیم کرکے دلکش اسلوب میں قاری کی دلچسپی کا سامان فراہم کیا- آپ کی تصانیف میں(أثر العبادات في حياة المسلم)بھی ایک مشہور کتاب ہے،یہ کتاب ایک مقالہ سے عبارت ہے جس میں اس بات کو اجاگر کیا گیا ہے کہ عبادتوں کے اثرات انسان کی دنیاوی زندگی پر بھی مرتب ہوتے ہیں۔ کتاب اس لئے بھی اہم ہے کہ مسلم طبقہ عبادتیں تو ضرور انجام دیتا ہے لیکن اس کی اکثریت عبادتوں کے اثرات سے ناواقف ہوتی ہے۔انسان اپنی عبادت کے اثرات کھلی آنکھوں سے روز مرہ کے معمولات میں محسوس کر سکتا ہے ‘ بشرطیکہ عبادتوں کو ان کے شروط وارکان کے ساتھ ادا کرے اور شریعت کی روشنی میں ان کو پایہ تکمیل تک پہنچانے کی ہر ممکن کوشش کرے ‘ نیز اس کے اندر للہیت اور اخلاص کا جذبہ بھی موجزن ہو تاکہ عبادتوں کے حقیقی اثرات سے فیض یاب ہو سکے۔ کتاب کے مشتملات کی اہمیت کے پیش نظر اسے اردو قالب میں ڈھالا گیا ہے،تاکہ عام لوگ بھی اس سے مستفید ہوسکیں۔ میرا مشورہ ہے کہ کتاب آپ بھی پڑھیں اور دوسروں کو بھی اس کی تلقین کریں،ساتھ ہی شیخ مؤلف کے حق میں یہ دعا کریں کہ اللہ انہیں صحت وعافیت کے ساتھ لمبی عمر عطاکرے،نیز مترجم اور ان تمام لوگوں کے لئے بھی دعائے خیر کریں جنہوں نے اس کتاب کی تیاری میں اپنا وقت صرف کیا اور مفید مشوروں سے نوازا۔

ابن باز اور ابن عثیمین رحمہما اللہ اور دائمی فتوی کمیٹی کے فتاویٰ کی روشنی میں سنت فجر کے احکام ومسائل کی وضاحت

خلاصہ: حدیث رسول ہے کہ اللہ تعالی کے ننانوے اسمائے حسنى ایسے ہیں کہ جس نے انہیں یاد کیا، ان کے معانی ومفاہیم کو سمجھا او ران کے تقاضوں کے مطابق عمل کیا ، اس کے لئے جنت کی بشارت ہے، اسی حدیث کے پیش نظر فاضل مؤلف ڈاکٹر عبد اللہ بن مشبب القحطانی /حفظہ اللہ نے یہ کتاب تالیف کی ہے تاکہ اسمائے الہی کی معرفت کے ذریعے بندوں کو اللہ سے قریب کیا جائے، ان اسماء کے انتخاب میں مؤلف کا طریقہ کار یہ رہا کہ انہی اسماء کو اس کتاب میں ذکر کیا ہے جو کتاب اللہ اور صحیح احادیث سے ثابت ہیں، سہل اور دلکش اسلوب میں ان اسماء کے معنی ومفہوم کو واضح کیا گیا ہے، قرآنی آیات، احادیث رسول اور علماء کے اقوال اور اشعار کے ذریعہ ان کے معانی ومفاہیم سے پردہ اٹھایا گیا ہے، ساتھ ہی عام انسانی زندگی سے ان اسماء کو مربوط کرکے ان کی افادیت واہمیت پر روشنی ڈالنے کی سعی مشکور کی گئی ہے۔ کتاب میں ایسا رواں اسلوب اختیار کیا گیاہے کہ قاری پڑھتا جائے او رالفاظ وجمل اس کے ذہن ودل پر نقش ہوتے جائیں ، ان کی تاثیر سے قلب وجگر روشن ہوتے جائیں او ر دل میں معرفت الہی کی جوت جلتی جائے۔ اللہ تعالی اس کاوش کو قبول فرمائے اور اسے مؤلف ومترجم او راس کی تصحیح ومراجعہ، تنسیق وتزیین اور نشر واشاعت میں حصہ لینے والے تما م حضرات کے لئے توشہ آخرت بنائے ۔آمین