عمرہ کا طریقہ

حج بیت اللہ اسلام کے ارکان میں سے ایک اہم رکن ہے، اور اسلام کے عظیم شعائر میں سے ایک شعیرہ ہے، اللہ نے اسے شرف وفضیلت عطا کی ہے اور اس میں عظیم ثواب رکھا ہے، چنانچہ جب بندہ بیت اللہ کا حج کرتا ہے، اس عظیم عبادت کے حقوق و فرائض کو بجالاتا ہے، فسق و فجور اور شہوانی اعمال سے دوری اختیار کرتا ہے تو اللہ اسکے صلہ میں اسے جنت عطا فرماتا ہے، جیسا کہ آپ ﷺ کا فرمان ہے : ـ ‘‘ حج مبرور کا صلہ صرف جنت ہے’’۔ پیش نظر ویڈیو میں حافظ ارشد بشیر مدنی ۔ حفظہ اللہ ۔ نے حج وعمرہ کے طریقہ کو نہایت ہی آسان ، عام فہم اسلوب میں step by step ( قدم بہ قدم) بیان کیا ہے۔

اس ویڈیو میں اختصار کے ساتھ ماہ رمضان میں عمرہ کرنے کی فضیلت کو بیان کیا گیا ہے۔

زیر نظر ویڈیو میں مقام جعرانہ کے پاس حجاج و معتمرین سے صادر ہونے والی غلطیوں کا تذکرہ کیا گیا ہے، جن میں سے وہاں کی مسجد کے پانی سے تبرّک حاصل کرنا ، وہاں کی مسجد یا اس کے پاس کی قبروں کی قداست کا اعتقاد رکھنا ، وہاں کی مسجد کی د یواروں اور قبرستان کو متبرّک سمجھتے ہوئے چھونا ، اور وہاں کے قبرستان کی مٹی کو شفا اور دیگر منافع کے حصول کیلئے لینا وغیرہ سب سے اہم ہے ۔ ویڈیو مذکور میں انہیں باطل اعتقادات اور افعال سے زائرین حرمین کو خبردار کیا گیا ہے ۔

بہت سارے حجّاج ومعتمرین مکہ مکرّمہ لائبریری کی زیارت اس اعتقاد سے کرتے ہیں کہ وہاں پر آپ صلی اللہ علیہ وسلم کی پیدائش کی جگہ ہے، اسلئے اس جگہ کو مقدس جانتے ہوئے وہاں پر دعا کا خاص اہتمام کرتے ہیں، اور اس جگہ سے تبرک حاصل کرتے ہیں اور اُس کی طرف رُخ کرکے نماز وغیرہ ادا کرتے ہیں۔ جبکہ یہ اعمال سنّت کے بالکل خلاف ہیں ، ویڈیو مذکور میں انہیں غلطیوں اور غیر شرعی اعمال سے خبردار کیا گیا ہے۔

بعض حجاج ومعتمرین کا یہ اعتقاد ہے کہ ثور پہاڑ پر واقع غار کی زیارت حج وعمرہ کے مناسک میں سے ہے، اگر کوئی حاجی یا معتمر اس غار کی زیارت یا وہاں پر عبادت کئے بغیر واپس چلا آتا ہے تو اسکا حج وعمرہ ناقص رہ جاتا ہے ، جبکہ اس غار کا حج وعمرہ سے کچھ بھی تعلق نہیں۔ بلکہ اس طرح کا اعتقاد شریعت کے خلاف ہے۔ ویڈیو مذکور میں ایسے ہی غیر شرعی اعتقاد و اعمال سے زائرین حرمین کو آگا ہ کیا گیا ہے ۔

جبلِ عرفات میدان عرفات کے دیگر حصوں کی طرح ایک حصہ ہے ، وقوف عرفات کے اعتبار سے اسے کوئی خاص حیثیت حاصل نہیں ۔ اس پر سفید نشان محض اسلئے لگایا گیا ہے کہ دُور سے میدان عرفات کا پتہ چل جائے، کیونکہ یہ پہاڑ میدان عرفات کے وسط میں پڑتا ہے، ایک عام غلطی یہ ہے کہ لوگ جبل عرفات کی چوٹی کے سفید نشان زدہ حصہ پر ہاتھ پھیر پھیر کر بزعم خویش برکت حاصل کرتے ہیں ، یا وہاں چیتھڑے لٹکاتے ہیں ، چوٹی پر اپنے نام یا دیگر تحریریں لکھتے ہیں ، وہاں کی مٹی اور پتّھر یہ سمجھ کر اُٹھا لاتے ہیں کہ یہ اُنہیں نفع پہنچائیں گے، ایسے تمام اعمال حرام کے زمرے میں آتے ہیں اور آدمی کو شرک پر اُکساتے ہیں ۔ ویڈیو مذکور میں انہیں غلطیوں اور غیر شرعی اعمال سے زائرین حرمین کو خبردار کیا گیا ہے۔

بعض حجاج ومعتمرین کا یہ اعتقاد ہے کہ نور پہاڑ پر واقع غارحرا کی زیارت حج وعمرہ کے مناسک میں سے ہے، اگر کوئی حاجی یا معتمر اس غار کی زیارت یا وہاں پر عبادت کئے بغیر واپس چلا آتا ہے تو اسکا حج وعمرہ ناقص رہ جاتا ہے ، جبکہ اس غار کا حج وعمرہ سے کچھ بھی تعلق نہیں۔ بلکہ اس طرح کا اعتقاد شریعت کے خلاف ہے۔ ویڈیو مذکور میں ایسے ہی غیر شرعی اعتقاد و اعمال سے زائرین حرمین کو آگا ہ کیا گیا ہے ۔

پیش نظر ویڈیو میں قبرستان ‘‘بقیع الغرقد’’ کی زیارت کا مسنون طریقہ بیان کر کے اس موقع پر حُجّاج و معتمرین سے صادر ہونے والی غلطیوں سے خبر دار کیا گیا ہے۔

پیش نظر ویڈیو میں ’’ شُہداءِ اُحد‘‘ قبرستان کی زیارت کے وقت حجّاج و معتمرین سے واقع ہونے والی غلطیوں کا تذکرہ کیا گیا ہے ، جن میں سے مُردوں کو پُکارنا، وہاں کی مٹی وپتّھروں سے تبّرک حاصل کرنا، وہاں کی قبروں پر بال و ناخن پھینکنا اور تالے وغیرہ ڈالنا سب سے اہم ہے۔

پیش نظر ویڈیو میں خندق اور اسکے پاس موجود مساجد کی زیارت کے وقت حُجّاج ومعتمرین سے صادر ہونے والی غلطیوں کا تذکرہ کیا گیا ہے ، جن میں سے خندق کو مقدّس ومبارک مقام سمجھتے ہوئے اسکی دیواروں وغیرہ کو چومنا ، وہاں پر مخصوص قسم کی دعائیں کرنا ، اوربعض لوگوں کا وہاں پر موجود درختوں کی پتّیوں کو چبانا وغیرہ سب سے اہم ہے ۔

ناظرین کرام حجاج بیت اللہ الحرام !رہنمائے حج وعمرہ وزیارت مسجد نبوی صلى اللہ علیہ وسلم کا یہ مختصرویڈیو زیرنگرانی وزارت شؤون اسلامی واوقاف ودعوت وارشاد مملکت سعودی عرب کے شعبہ مطبوعات ونشرکے تعا ون سے آپ کی خدمت میں پیش کیا جارہا ہے نہایت ہی مفید ویڈیوہے ضروردیکھیں اوراپنے بھائی محمد عقیل کودعاؤوں میں نہ بھولیں.(نظرثانی:شفیق الرحمن ضیاء اللہ مدنی)۔

اس ویڈیو سی ڈی میں کتاب التحقیق والایضاح اور دلیل الحاج والمعتمر سے حج اور عمرہ کا طریقہ بیان کیا گیا ھے۔

اس ویڈیو سی ڈی میں کتاب التحقیق والایضاح اور دلیل الحاج والمعتمر سے حج اور عمرہ کا طریقہ بیان کیا گیا ھے۔

اس ویڈیو سی ڈی میں کتاب التحقیق والایضاح اور دلیل الحاج والمعتمر سے حج اور عمرہ کا طریقہ بیان کیا گیا ھے۔

اس ویڈیو سی ڈی میں کتاب التحقیق والایضاح اور دلیل الحاج والمعتمر سے حج اور عمرہ کا طریقہ بیان کیا گیا ھے۔