نوسینی: له‌یلى علی عبد العزیز پێویسته‌ هه‌موو دایك وباوكێك ئاگادارو چاودێری منداڵه‌كانیان بن له‌مه‌ترسییه‌كانی به‌كارهێنانی ئینته‌رنێت به‌ئاگابن بزانن كه‌ هه‌رگیز شتێكی ئه‌مین و ئه‌مان نییه‌ و په‌روه‌رده‌ی منداڵه‌كانیان نه‌ده‌نه‌ ده‌ست تاوه‌كو مناڵه‌كانیان له‌ده‌ست نه‌ده‌ن.

‌پێم خۆشه ‌ئه‌م بابه‌ته ‌دابه‌ش بكه‌مه ‌سه‌ر دوو ته‌وه‌ر: یه‌كه‌م: تایبه‌ته‌به‌هه‌موو ئه‌و كه‌سانه‌ی كه ‌ده‌یانه‌وێت بابه‌ت بنوسن له‌سایته‌كانی ئه‌نته‌رنێت به‌مه‌به‌ستی ئامۆژگاری كردنی ( موسڵمانان ـ لایه‌نه‌ئیسلامیه‌كان ـ كۆمه‌ڵگه‌ی ئیسلامی ) . دووه‌م: تایبه‌ته ‌به‌سایته ‌ئیسلامیه‌كان.

ئینته‌رنێت له‌م سه‌رده‌مه‌ وه‌ك شمشێرێكی دووسه‌ره‌: 1-چونكه ئه‌هلی خێرو چاكه‌ ده‌توانن بیرو باوه‌ڕی ڕاست وپیرۆزی خۆیان بگه‌ێنن به‌ سووكترین نرخ وبه‌ها. 2-له‌هه‌مان كاتدا ئه‌هلی شه‌ڕو خراپه‌ ده‌توانن بیرو باوه‌ڕی چه‌وت و گڵاوی خۆیان بڵاو بكه‌نه‌وه‌ به‌ئاسانی.

ئینته‌رنێت یان بۆ كاری چاكه‌ به‌كاردێت، یان بۆ كاری خراپه‌، ئایه‌ چۆن ده‌توانین به‌كاری بهێنین بۆ ئیشی ڕاست و دروست؟