Suneti

Hadithi: "Atij që merr rrugë për të kërkuar dituri, Allahu do t’ia lehtësojë rrugën për në Xhenet."

Hadithi: "Sa herë që një grup njerëzish mblidhen në ndonjë shtëpi të Allahut për ta lexuar Librin e Allahut dhe për ta studiuar ndërmjet vete, zbret mbi ta qetësia, i mbulon mëshira, i rrethojnë melekët dhe i përmend Allahu para atyre që janë pranë Tij."

Hadithi: "Aq shumë më këshillonte Xhibrili për fqinjin, saqë mendova se do t’i japë të drejtë trashëgimie."

Hadithi i transmetuar nga Ebu hurejra në të cilin thuhet: “Erdhi një njeri te i Dërguari i Allahut – sal-lallahu alejhi ue sel-lem – dhe tha: ’O i Dërguari i Allahut, cili njeri ka më shumë të drejtë t’ia kushtoj shoqërimin tim të mirë?’ I Dërguari tha: ‘Nëna jote.’ Tha: ’Pastaj kush?’ Tha: ‘Nëna jote.’ Tha: ’Pastaj kush?’ Tha: ‘Nëna jote.’ Tha: ’Pastaj kush?’ Tha: "Babai yt."

Hadithi: "Nuk do të hyjë në Xhenet ai njeri që në zemrën e tij ka mendjemadhësi sa thërrmija." Një njeri tha: ’Njeriu ka dëshirë që rrobat dhe këpucët e tij të jenë të bukura.’ I Dërguari tha: "Vërtet, Allahu është i Bukur dhe e do bukurinë, ndërsa mendjemadhësia është mospranimi i së vërtetës dhe nënçmimi i njerëzve."

Hadithi: "Cilësitë e dyfytyrëshit janë tri: Kur flet gënjen, kur premton e thyen premtimin dhe kur i besohet tradhton."

Hadithi: "Pa dyshim që vërtetësia shpie në mirësi dhe se mirësia udhëzon për në Xhenet. Njëmend, njeriu vazhdon me vërtetësi deri sa të bëhet i vërtetë, ndërsa gënjeshtra çon në shthurje, e pa dyshim që shthurja çon në zjarr. Vërtet, njeriu vazhdon të gënjejë derisa të shkruhet tek Allahu gënjeshtar."

Hadithi: "O i Gjallë e i Përjetshëm! O Mbajtësi i gjithçkaje! Me mëshirën Tënde të kërkoj ndihmë! Rregulloji të gjitha punët e mia dhe mos më lër të mbështetem në veten time as sa një hapje e mbyllje e syrit!"

Hadithi: "O Allah, të lutem të më bësh banor të Xhenetit dhe të më ruash nga Zjarri."

Përkthimi i hadithit: “O Allah! Më ndihmo të të përmend Ty, të jem mirënjohës ndaj Teje dhe që ta përsos adhurimin Tënd!”

Përkthimi i i hadithit: "Shembulli i atij që e përmend Zotin e tij..."

Hadithi "Njeriu më i dashur tek Allahu është ai që është më i dobishëm për njerëzit."

Hadithi "Kije frikë Allahun kudo që të jesh..."

Hadithi: "Ndihmoje vëllain tënd kur bën padrejtësi dhe kur i bëhet e padrejtë!" Një njeri tha: "O i Dërguar i Allahut, e ndihmoj nëse i bëhet e padrejtë, por si ta ndihmoj kur ai bën padrejtësi?" I Dërguari tha: "Ta ndalosh nga padrejtësia, kjo është ndihmë për të."