(1) ߛ߫. ( ߛ߫ߊ߯ߘ. ) ߊ߰ ߒ ߣߌ߫ ߞߎ߬ߙߊ߬ߣߊ ߕߍ߫ ߸ ߏ߬ ߡߍ߲ ߦߋ߫ ߞߊ߬ߥߊ߲߬ߘߌ ߕߌ߱ ߘߌ߫.
(2) ߍ߲߬ߍ߲߫ ߸ ߓߊ߲߬ߓߊ߮ ߟߎ߬ ߦߋ߫ ߞߕߋߘߐߓߦߊ ߟߋ߫ ߞߊ߲߬ ߊ߬ ߣߌ߫ ߝߐߢߐ߲߯ߞߐ.
(3) ߊ߲ ߘߏ߲߬ ߓߘߊ߫ ߝߊ߯ߘߐߞߍ߫ ߖߋ߬ߟߌߖߋ߬ߟߌ߫ ߟߋ߬ ߛߌߟߊߛߵߊ߬ߟߎ߬ ߢߍ߫ ߞߘߐ߬ߡߊ߲߫؟ ߏ߬ ߟߎ߫ ߣߊ߬ ߘߊ߫ ߞߟߌߟߌ ߞߍ߫ ߸ ߞߵߊ߬ ߛߐ߬ߘߐ߲߬ ߏ߬ ߕߍ߫ ߓߏ߬ߙߌ ߕߎ߬ߡߣߊ߬ ߘߌ߫ ߡߎ߬ߕߎ߲߬.
(4) ߏ߬ ߟߎ߬ ߞߓߊߞߏߦߊ߫ ߘߊ߫ ߟߋ߬ ߸ ߞߏ߫ ߖߊ߬ߛߙߋ߬ߡߊ߬ߟߌ߬ߟߊ ߓߘߊ߫ ߣߵߊ߬ߟߎ߫ ߡߊ߬ ߞߊ߬ ߓߐ߫ ߊ߬ߟߎ߫ ߖߍ߬ߘߍ ߘߐ߫ ، ߓߊ߲߬ߓߊ߮ ߟߎ߬ ߞߊ߲߫ ߏ߬ ߟߋ ߡߊ߬ ߸ ߞߏ߫ ߣߌ߲߬ ߦߋ߫ ߛߎߓߊ߯ ߥߎߦߊ߫ ߝߐߟߊ ߟߋ߬ ߘߌ߫.
(5) ߌ߬ߦߏ߯ ߊ߬ ߞߊ߬ ߡߊ߰ߙߌ ߟߎ߬ ߞߍ߫ ߡߊ߰ߙߌ߬ ߞߋߟߋ߲߫ ߘߌ߫؟ ، ߖߊ߯ߕߋ߬ ߸ ߣߌ߲߬ ߦߋ߫ ߞߏ߫ ߡߊߞߓߊߣߍ߲߫ ߘߌ߫.
(6) ߊ߬ߟߎ߬ ߟߊ߫ ߞߏߟߊߕߍ߮ ߟߎ߬ ߥߊߕߐ ߞߊ߲߫ ߞߏ߫ ߊߟߎ߫ ߕߊ߯ ߊߟߎ߫ ߡߎ߬ߢߎ߲߬ ߊߟߎ߫ ߡߊ߰ߙߌ ߟߎ߫ ߞߊ߲߬ ߞߟߋ߫ ، ߖߊ߯ߕߋ߬ ߸ ߣߌ߲߬ ߦߋ߫ ߞߏ߫ ߟߋ߬ ߘߌ߫ ߸ ߊ߬ߟߎ߬ ߦߴߊ߬ ߝߍ߬ ߞߊ߬ ߡߍ߲ ߞߍ߫ ߸ (ߡߊ߰ߙߌ߬ ߞߋ߬ߟߋ߲߬ ߞߏ ߞߊ߬ߣߌ߲߫).
(7) ߊ߲ ߡߊ߫ ߣߌ߲߬ (ߛߎ߮) ߡߍ߲߫ ߘߌ߯ߣߊ߫ ߞߐߟߕߊ ߘߐ߫ ߝߋߎ߫ ، ߣߌ߲߬ ߕߍ߫ ߝߏߦߌ߬ ߘߌ߫ ߞߎ߲߬ߘߐ߬ߕߍ߮ ߞߐ߫.
(8) ߦߊ߯ߟߊ߫ ߞߊ߬ߥߊ߲߬ߘߌ ߟߊߖߌ߰ߣߴߊ߬ߟߋ ߟߋ߫ ߡߊ߬ ߒ߬ߠߎ߬ ߕߍߡߊ߬ ߓߊ߬؟ ߸ ߞߏ߬ߣߌ߲߬ ߍ߲߬ߍ߲߫ ߸ ߒ߬ ߠߊ߫ ߞߊ߬ߥߊ߲߬ߘߌ߬ ( ߟߊ߬ߖߌ߰ ߞߏ ) ߛߌߞߊ ߟߴߊ߬ߟߎ߬ ߟߊ߫ ، ߓߊ߬ߙߌ߬ ߍ߲߬ߍ߲߫ ߸ ߊ߬ߟߎ߬ ߡߊ߫ ߒ߬ ߠߊ߫ ߖߊ߲߰ߞߕߊ ߡߊߜߏ߬ߙߏ߫ ߟߋ߬ ߡߎߣߎ߲߬.
(9) ߦߊ߯ߟߊ߫ ߌ ߡߊ߰ߙߌ߫ ߣߌ߬ߣߌ߬ߟߊ߫ ߛߐߟߌߟߊ ߟߊ߫ ߤߌߣߊ ߡߣߐ߬ߓߏ߲ ߠߎ߫ ߟߴߊ߬ߟߎ߬ ߓߟߏ߫ ߓߊ߬؟.
(10) ߥߟߊ߫ ߛߊ߲ ߠߎ߬ ߣߌ߫ ߘߎ߱ ߣߴߏ߬ ߟߎ߫ ߝߌ߬ߟߊ ߕߍ߫ ߝߋ߲ ߠߎ߫ ߡߊ߲߬ߛߊ߬ߦߊ ߟߴߊ߬ߟߎ߬ ߓߟߏ߫ ߓߊ߬؟ ߒ߬ߓߵߊ߬ߟߎ߬ ߦߋ߫ ߦߟߍ߬ ߖߎ߬ߟߎ ߟߎ߫ ߡߊ߬ ߥߍ߫.
(11) ߞߟߍ߬ߓߏߟߏ߲ ߡߍ߲ ߓߊ߯ ߞߍ߫ ߦߋ߲߬ ߞߙߎߞߊ ߟߎ߬ ߘߐ߫ ߸ ߏ߬ ߞߊߘߌߕߐ߫ ߟߋ߬ ߕߊߎ߫.
(12) ߣߎ߯ߤߎ߲߫ ߡߌ߬ߙߌ߲߬ߘߌ ߞߊ߬ ߡߊ߬ߛߐ߬ߛߐ߬ߟߌ ߞߍ߫ ߊ߬ߟߎ߬ ߢߍ߫ ߞߘߐ߬ߡߊ߲߫ ߸ ߊ߬ ߣߌ߫ ߊ߯ߘߌ ߟߎ߬ ߣߌ߫ ߝߋߙߊߥߎ߲߫ ߓߟߐ߬ ߛߌ߬ߦߊ߬ߡߊ߲߬ ߕߌ߮.
(13) ߊ߬ ߣߌ߫ ߛߊ߬ߡߎߘߊ ߟߎ߬ ߣߌ߫ ߟߎߕߌ߫ ߡߌ߬ߙߌ߲߬ߘߌ ߣߌ߫ ߛߓߋ߬ߕߎ߫ ߘߏ߲߬ߞߏ ߟߎ߬ ، ߒ߬ߓߊ߬ ߏ߬ ߟߎ߫ ߟߋ߬ ߞߙߎߞߊ ߟߎ߬ ߘߌ߫.
(14) ߏ߬ ߟߎ߫ ߘߏ߲߬ ߛߌ߫ ߕߍ߫ ߡߍ߲ ߡߊ߫ ߞߋߟߊ ߟߎ߫ ߛߐ߬ߛߐ߬ ، ߏ߬ ߞߍ ߸ ߊ߬ߟߎ߬ ߖߊߙߋ߫ ߘߊ߫ ߒ߬ ߠߊ߫ ߓߌ߲߬ߓߊߏ ߟߊ߫.
(15) ߘߐ ߢߌ߲߬ ߠߎ߫ ߘߏ߲߬ ߕߍ߫ ߝߏߦߌ߬ ߡߊߞߐ߬ߣߐ߲ ߞߊ߲߬ ߝߏ߫ ߛߊ߬ߝߍ߬ ߞߊ߲߬ ߞߋߟߋ߲߫ ߔߋ߫ ، ߡߛߊ߬ߦߟߌ߬ ߕߴߏ߬ ߘߐ߫ ( ߛߎ߬ߟߊ߬ߞߎ߲߬ߓߊ߫ ߟߊ߫ ߕߊ߬ߡߊ߲ ߠߋ߬ ).
(16) ߊ߬ߟߎ߬ ߞߊ߲߫ ߠߋ߬ ߞߏ߫ ߊ߲ߡߊ߰ߙߌ ߸ ߒ߬ ߠߊ߫ ( ߓߊ߯ߙߊ ߟߎ߬ ) ߟߍߙߊ ߘߌ߫ ߒ߬ ߡߊ߬ ߞߊ߬ ߞߐ߲߰ ߖߊ߬ߕߋ߬ߟߌ ߟߏ߲ ߢߍ߫.
(17) ߌߟߋ ߊ߬ߟߎ߬ ߟߊ߫ ߞߎߡߊ ߟߎ߫ ߡߎ߬ߢߎ߲߬ ߖߐ߫ ، ߊ߬ ߣߴߌ ߦߋ߫ ߒ߬ ߠߊ߫ ߖߐ߲߬ ߘߊߥߎߘߊ߫ ߞߏߝߐ߫ ، ߛߍ߲ߓߍߡߊ߫ ߟߴߊ߬ ߘߌ߫ ( ߓߊ߬ߕߏ ߘߐ߫ ) ߸ ߊ߬ ߣߴߊ߬ ߞߍ߫ ߘߊ߫ ߖߘߍ߬ ߟߛߊ߬ߦߌ߬ߟߊ߫ ߘߌ߫.
(18) ߊ߲ ߞߊ߬ ߞߎ߬ߙߎ ߟߎ߬ ߞߟߏ߫ ߊ߬ ߝߍ߬ ߸ ߊ߬ߟߎ߬ ߦߋ߫ ߊߟߊ߫ ߛߊߣߌ߲ߧߊ ߝߐ ߞߍ߫ ߥߎ߬ߙߊ ߟߊ߫ ߸ ߊ߬ ߣߌ߫ ߕߋ߬ߟߋ ߜߍ߫ ߕߎߡߊ ߟߊ߫.
(19) ߊ߬ ߣߌ߫ ߞߐ߬ߣߐ ߟߎ߬ ߟߊߘߍ߬ߣߍ߲ ߝߣߊ߫ ، ߒ߬ߓߊ߬ ߝߋ߲ ߏ߬ ߞߋ߬ߟߋ߲߬ߞߋ߬ߟߋ߲߬ߣߊ ߓߍ߯ ߦߴߊ߬ߟߎ߫ ߖߘߍ߬ ߟߊߛߊ߬ߦߌ߬ ߟߴߊߟߊ߫ ߡߵߊ߬ ߝߍ߬.
(20) ߊ߲ ߘߏ߲߬ ߞߵߊ߬ ߟߊ߫ ߡߊ߲߬ߛߊ߬ߦߊ ߝߊ߲߬ߞߊߘߏ߲߬ ߞߵߊ߬ ߛߐ߫ ߥߘߋ߬ߥߘߋ߬ߟߌ ߟߊ߫ ߸ ߊ߬ ߣߌ߫ ߞߎߡߊߢߐ߲߯ߦߊ ߘߊߘߐߥߛߊ ߟߊ߫.
(21) ߦߊ߯ߟߊ߫ ߞߟߍ߬ߢߐ߲߰ߡߊ ߟߎ߫ ߖߊ߲߬ߖߏ߲ ߣߊ߬ ߘߴߌ ߡߊ߬ ߓߊ߬؟ ߕߎ߬ߡߊ ߡߍ߲ ߊ߬ߟߎ߫ ߦߟߍ߬ ߘߊ߫ ߞߐߘߐ߲ߞߎ߲ ߠߊ߫.
(22) ߕߎ߬ߡߊ ߡߍ߲ ߊ߬ߟߎ߫ ߘߏ߲߬ ߘߊ߫ ߘߊߎߘߊ߫ ߞߊ߲߬ ߸ ߏ߬ ߛߌߟߊ߲߫ ߘߴߊ߬ߟߎ߬ ߢߍ߫ ، ߊ߬ߟߎ߬ ߞߊ߲߫ ߞߏ߫ ߌ ߞߊ߫ ߛߌߟߊ߲߫ ߘߋ߬ ߸ ߞߟߍ߬ߢߐ߲߰ߡߊ߫ ߝߌ߬ߟߊ߫ ߟߋ߬ ، ߊ߲ ߘߏ߫ ߟߋ߬ ߓߊ߰ߣߍ߲߬ ߘߏ߫ ߡߊ߬ ، ߏ߬ ߘߐ߫ ߌ ߦߋ߫ ߞߕߌ߫ ߒ߬ ߕߍ߫ ߕߎ߬ߢߊ ߟߊ߫ ߸ ߌ ߘߏ߲߬ ߞߊߣߵߌ ߘߎ߬ ߘߋ߬ ߸ ߌ ߦߴߊ߲ ߞߊ߲ߘߊ߫ ߛߌߟߊ߫ ߕߋߟߋ߲ߣߍ߲߫ ߠߋ߫ ߞߊ߲߬.
(23) ߒ ߓߊߘߋ߲ ߠߋ߬ ߣߌ߲߬ ߸ ߛߊ߰ ߡߛߏ߬ ߓߌߞߐ߬ߣߐ߲߬ߘߐ߬ ߣߌ߫ ߞߐ߬ߣߐ߲߬ߘߐ߬ ߦߴߊ߬ߟߋ ߓߟߏ߫ ߸ ߛߊ߰ ߡߛߏ߬ ߞߋߟߋ߲߫ ߔߋ߫ ߟߋ߬ ߒߠߋ ߓߟߏ߫ ، ߏ߬ ߞߊ߲߫ ( ߒߠߋ ߡߊ߬ ) ߸ ߞߏ߫ ߌ ߕߊ߫ ߞߋߟߋ߲ ߠߊߕߊ߬ߡߌ߲߬ ߒߠߋ ߡߊ߬ ߞߟߋ߫ ، ߊ߬ ߘߏ߲߬ ߓߘߊ߫ ߜߟߌߦߊ߫ ߒߠߋ ߡߊ߬ ߞߎߡߊߢߐ߲߯ߦߊ ߘߐ߫.
(24) ‹ ߘߊߎߘߊ߫ › ߞߊ߲߫ ߞߏ߫ ߊ߬ ߓߘߴߌ ߕߐ߬ߢߍ߰ ߌ ߟߊ߫ ߛߊ߰ ߡߛߏ߬ ߞߋߟߋ߲ ߕߙߊ ߘߐ߫ ߞߵߊ߬ ߝߊ߬ߙߴߊ߬ ߟߊ߫ ߛߊ߰ ߡߛߏ ߟߎ߬ ߟߊ߫ ، ߛߘߍߡߊ߲߫ ߦߋ߫ ߘߍ߬ߢߐ߲߮ ߠߎ߬ ߘߐ߫ ߸ ߏ߬ ߘߏ߫ ߟߎ߫ ߟߋ߬ ߓߊ߰ ߟߊ߫ ߘߏ߫ ߟߎ߫ ߡߊ߬ ، ߝߏ߫ ߡߍ߲ ߠߎ߫ ߘߍ߲߬ߞߣߍ߬ߦߊ߬ߣߍ߲߫ ߞߊ߬ ߢߌ߬ߡߊ ߟߎ߬ ߞߍ߫ ߸ ߏ߬ ߟߎ߫ ߘߏ߲߬ ߕߜߋ߫ ߟߋ߬ ، ߘߊߎߘߊ߫ ߞߵߊ߬ ߓߛߌ߬ߞߌ߫ ߸ ߞߴߏ߬ ߟߎ߫ ߝߌ߬ߟߊ ߣߵߊ߬ߟߋ߬ ߞߘߐߓߐ߫ ߟߊ߫ ߟߴߏ߬ ߘߌ߫ ، ߏ߬ ߞߍ ߸ ߊ߬ ߞߊ߬ ߦߝߊ߬ ߢߌߣߌ߲ ߞߍ߫ ߊ߬ ߡߊ߰ߙߌ ߟߊ߫ ߸ ߞߵߊ߬ ߓߋ߬ ( ߊ߬ ߞߎߡߋߙߋ߲ ߠߎ߫ ߞߊ߲߬ ) ߞߐߡߊߓߌߘߌ߲ ߘߌ߫ ߸ ߊ߬ ߣߌ߫ ߞߵߊ߬ ߖߘߍ߬ ߟߊߛߊ߬ߦߌ߲߬.
(25) ߊ߲ ߘߏ߲߬ ߞߵߏ ߦߊ߬ߝߴߊ߬ ߦߋ߫ ، ߓߊߏ߬ ߊ߲ ߓߘߊ ߸ ߡߊ߬ߛߎߘߎ߲ߧߊ ߟߵߊ߬ ߦߋ߫ ( ߒ߬ߠߎ߬ ߟߊ߫ ߜߐߞߎ߫ ) ߸ ߊ߬ ߣߌ߫ ߛߊ߬ߦߌ߲߬ ߦߌ߬ߟߊ߬ ߢߌߡߊ.
(26) ߤߍ߲߬ ߌߟߋ߬ ߘߊߎߘߊ߫ ߸ ߊ߲ ߓߘߴߌ ߞߍ߫ ߞߐߦߌߘߊߓߊ߮ ߘߌ߫ ߖߡߊ߬ߣߊ ߞߣߐ߫ ، ߏ߬ ߘߐ߫ ߸ ߌ ߦߋ߫ ߞߕߌ߫ ߡߐ߱ ߟߎ߬ ߕߍ߫ ߕߎ߬ߢߊ ߟߋ߬ ߟߊ߫ ، ߌ ߘߏ߲߬ ߞߴߌ ߣߌ ߛߊ߬ߥߏ ߟߊߓߊ߬ߕߏ߫ ߘߋ߬ ߸ ߞߊ߬ߕߎ߲߯ ߏ߬ ߘߴߌ ߟߊߝߟߌ߬ ߊߟߊ߫ ߟߊ߫ ߛߌߟߊ ߡߊ߬ ، ߡߍ߲ ߠߎ߫ ߘߏ߲߬ ߦߋ߫ ߝߟߌ߬ ߟߴߊߟߊ߫ ߟߊ߫ ߛߌߟߊ ߡߊ߬ ߸ ߖߊ߲߰ߞߕߊ߬ ߜߍߟߍ߲ ߠߴߏ߬ ߟߎ߬ ߢߍ߫ ߞߊ߬ߡߊߛߐ߬ߘߐ߲߫ ߊ߬ߟߎ߫ ߢߌ߬ߣߊ ߝߍ߬ ߖߊ߬ߕߋ߬ߓߐ ߟߏ߲ ߞߐ߫.
(27) ߊ߲ ߡߊ߫ ߛߊ߲ ߠߎ߬ ߣߌ߫ ߘߎ߱ ߣߴߏ߬ ߟߎ߫ ߝߌ߬ߟߊ ߕߍ߫ ߝߋ߲ ߠߎ߬ ߘߊ߲߫ ߜߊ߲ߛߊ߲߫ ߘߋ߬ ، ߓߊ߲߬ߓߊ߮ ߟߎ߫ ߘߏ߲߬ ߏ߬ ߟߋ ߖߌ߰ ߟߊ߫ ، ߒ߬ߓߊ߬ ߕߊ ߜߊ߬ߟߏ ߟߋ߬ ߓߊ߲߬ߓߊ߮ ߏ߬ ߟߎ߬ ߢߍ߫.
(28) ߦߊ߯ߟߊ߫ ߒ߬ߠߎ߬ ߘߌ߫ ߘߍ߲߬ߞߣߍ߬ߦߊ߬ߓߊ߯ ߢߌ߬ߡߊ߬ ߞߍ߬ߟߊ ߟߎ߬ ߞߍ߫ ߓߊ߬ ߦߏ߫ ߡߍ߲ ߠߎ߬ ߦߋ߫ ߕߌߢߍߟߌ ߟߊ߫ ߘߎ߰ߞߟߏ ߞߊ߲߬؟ ߥߟߊ߫ ߒ߬ ߘߌ߫ ߝߊ߲ߕߊ߲ߞߟߊ ߟߎ߬ ߞߍ߫ ߦߏ߫ ߖߎ߯ߡߊ߲߫ ߞߍߟߊ ߟߎ߬؟.
(29) ߊ߲ ߣߊ߬ ߟߍߙߊ߫ ߓߙߊߞߡߊ ߟߊߖߌ߰ ߟߴߌ ߡߊ߬ ߟߋ߬ ߸ ߛߴߊ߬ߟߎ߬ ߘߴߊ߬ߟߎ߫ ߕߊ߰ߛߌ߫ ߊ߬ ߟߝߊߙߌ ߟߎ߫ ߡߊ߬ ߸ ߊ߬ ߣߌ߫ ߛߊ߫ ߤߊ߲ߞߟߌ߫ ߕߌ߮ ߟߎ߬ ߘߴߊ߬ߟߎ߬ ߦߟߌߓߌ߬ߟߊ߬.
(30) ߊ߲ ߞߊ߬ ߘߊߎߘߊ߫ ߛߐ߫ ߛߎ߬ߟߋ߬ߡߊ߯ߣߊ߫ ߟߊ߫ ߸ ߏ߬ ߞߍ߫ ߘߊ߫ ߖߐ߲߬ ߓߘߍߓߘߍ߫ ߘߌ߫ ، ߖߘߍ߬ߟߛߊ߬ߦߌ߲߬ߠߊ ߜߎ ߟߋ߬.
(31) ߕߎ߬ߡߊ ߡߍ߲ ߛߏ߬ߘߊ߲߬ߛߏ߫ ߛߋ߲߬ ߛߓߊ߬ ߞߊ߲߬ ߟߐ߬ߟߊ ߟߎ߫ ߞߊ߬ ߓߙߊߓߐ ߞߍ߫ ߊ߬ ߦߋ߫ ߥߎ߬ߙߊ ߝߍ߬.
(32) ߊ߬ ߞߊ߲߫ ߞߏ߫ ߒߠߋ ߟߋ߬ ߓߘߊ߫ ߤߙߊ ߞߊ߬ߣߌ߲ ߟߊߝߌ߬ߛߊ߬ߦߊ߫ ߒ ߡߊ߰ߙߌ ߞߏߝߐ ߡߊ߬ ߣߌ߲߬ ߸ ߝߏ߫ ( ߛߏ߭ ) ߟߎ߬ ߓߘߊ߫ ߕߎߣߎ߲߫ ߘߌ߬ߓߌ ߓߟߏ߫.
(33) ߊߟߎ߫ ߦߴߊ߬ߟߎ߬ ߟߊߛߊ߬ߦߌ߲߬ ߒ ߡߊ߬ ߘߍ߫ ، ߏ߬ ߞߍ ߸ ߊ߬ ߞߵߊ߬ߟߎ߬ ߟߊߞߍ߬ߙߍ߲߬ߘߍ ߘߊߡߌ߬ߣߊ߬ ( ߊ߬ߟߎ߫ ) ߜߍ߬ߟߍ߲ ߠߎ߬ ߣߌ߫ ( ߊ߬ߟߎ߬ ) ߞߊ߲ ߠߎ߬ ߟߊ߫.
(34) ߖߊ߯ߕߋ߬ ߸ ߊ߲ ߞߊ߬ ߛߎ߬ߟߋ߬ߡߊ߯ߣߊ߫ ߞߘߐߓߐ߫ ߸ ߞߊ߬ ߝߊ߬ߘߌ ߘߏ߫ ߟߊߝߌ߬ߟߌ߫ ߊ߬ ߟߊ߫ ߛߍ߬ߡߍ ߞߊ߲߬ ߸ ߊ߬ ߞߊ߬ ߓߊ߲߫ ߞߵߊ߬ ߖߘߍ߬ߟߊߛߊ߬ߦߌ߲߬.
(35) ߊ߬ ߞߵߊ߬ ߝߐ߫ ߞߏ߫ ߒ ߡߊ߰ߙߌ ߸ ߦߝߊ߬ ߒ ߡߊ߬ ߖߊ߰ߣߌ߲߫ ، ߊ߬ ߣߴߌ ߦߋ߫ ߒ ߛߐ߫ ߡߊ߲߬ߛߊ߬ߦߊ߫ ߟߊ߫ ߸ ߡߍ߲ (ߢߐ߲߰) ߕߍ߫ ߓߍ߲߬ ߡߐ߰ ߜߘߍ߫ ߡߊ߬ ߒߠߋ ߞߐ߫ ߡߎ߬ߕߎ߲߬ ، ߖߊ߯ߕߋ߬ ߸ ߌߟߋ ߟߋ߬ ߛߐߟߌߟߓߊ ߘߌ߫.
(36) ߏ߬ ߞߍ ߊ߲ ߞߊ߬ ߝߢߐ ߞߟߏ߫ ߊ߬ ߦߋ߫ ߸ ߏ߬ ߦߋ߫ ߞߎߟߎ߲ߞߎߟߎ߲߫ ߠߊ߫ ߣߐ߰ߦߊ߬ ߓߟߏ ߡߊ߬ ߊ߬ ߟߊ߫ ߖߊ߬ߡߊߙߌ ߟߊ߫ ߸ ߞߊ߬ ߕߊ߯ ߦߙߐ߫ ߘߐ߫ ߸ ߡߍ߲ ߓߊ߯ ߊ߬ ߘߌߦߊ߫.
(37) ߊ߬ ߣߌ߫ ߜߍ߬ߘߍ߫ ߓߐ߰ߟߐ߬ߟߊ߫ ߖߌߘߐߕߎߣߎ߲ߠߊ ߟߎ߫ ߘߊ߬ߡߊ.
(38) ߊ߬ ߣߌ߫ ߘߏ߫ ߜߘߍ߫ ߟߎ߫ ߸ ߏ߬ ߟߎ߬ ߞߙߎߝߊߣߍ߲߫ ߢߐ߲߮ ߡߊ߬ ߖߟߐ߬ߞߐ ߟߎ߬ ߟߊ߫.
(39) ߒ ߞߏ߫ ߢߌ߲߬ ߦߋ߫ ߒ߬ ߠߊ߫ ߛߐߟߌ ߟߋ߬ ߘߌ߫ ، ߌ ߦߋ߫ ߝߎߣߎ߲ߛߙߋߦߊ߫ ߸ ߥߟߊ߫ ߌ ߦߴߌ ߘߐߡߌ߬ߘߊ߬ ߝߛߊߦߌ߫ ߣߌ߫ ߖߊ߬ߕߋ߬ߓߐ߫ ߕߍ߫.
(40) ߊ߲ ߓߘߊ ߘߏ߲߬ ߘߐ߫ ߸ ߡߊ߬ߛߎߘߎ߲ߧߊ ߟߴߊ߬ ߦߋ߫ ( ߒ߬ߠߎ߬ ߟߊ߫ ߜߐߞߎ߫ ) ߸ ߊ߬ ߣߌ߫ ߛߊ߬ߦߌ߲߬ ߦߌ߬ߟߊ߬ ߢߌߡߊ߫.
(41) ߊ߲ ߠߊ߫ ߖߐ߲߬ ߊ߬ߦߎ߯ߓߊ߬ ߞߏߝߐ߫ ߸ ߕߎ߬ߡߊ ߡߍ߲ ߊ߬ ߞߵߊ߬ ߡߊ߰ߙߌ ߞߟߌ߫ ߸ ߞߏ߫ ߜߍ߬ߘߍ ߓߘߊ߫ ߡߊ߲߬ߕߙߐ ߣߌ߫ ߖߊ߲߰ߞߕߊ ߡߊ߰ ߒ ߠߊ߫ ߘߋ߬.
(42) ߒ ߞߏ߫ ߌ ߛߋ߲߭ ߜߊ߬ߛߌ߬ ( ߘߎ߱ ߟߊ߫ ) ߓߊ߫ ، ߒ߬ߓߊ߬ ߞߏ߬ߟߌ߬ ߦߙߐ߬ ߛߎߡߊߣߍ߲ ߝߟߍ߫ ߣߌ߲߬ ߊ߬ ߣߌ߫ ߡߌ߲߬ ߖߌ.
(43) ߊ߲ ߘߏ߲߬ ߞߵߊ߬ ߟߊ߫ ߘߋ߲ߓߦߊ ߘߴߊ߬ ߡߊ߬ ߸ ߞߵߏ߬ ߟߎ߫ ߢߐ߲߰ ߞߋߟߋ߲߫ ߟߴߊ߬ߟߎ߫ ߞߊ߲߬ ، ߞߵߏ߬ ߤߌߣߊ ߝߘߊ߫ ߒ߬ߠߎ߬ ߟߊ߫ ߸ ߊ߬ ߣߌ߫ ߞߵߏ߬ ߞߍ߫ ߦߟߌߓߌߟߊ߫ ߘߌ߫ ߤߊ߲ߞߟߌ߫ ߞߌߛߍ߫ ߕߌ߮ ߟߎ߬ ߦߋ߫.
(44) ߊ߲ ߞߵߊ߬ ߝߐ߫ ߊ߬ ߦߋ߫ ߸ ߒ ߞߏ߫ ߌ ߦߋ߫ ߛߌߙߊ߲߫ ߛߘߌ߫ ߞߋߟߋ߲߫ ߡߌ߬ߘߊ߬ ߸ ߌ ߦߋ߫ ߜߊ߬ߛߌ߬ߟߌ ߞߍ߫ ߏ߬ ߟߊ߫ ߸ ߌ ߞߊߣߵߌ ߞߊ߬ߟߌ߬ ߞߊ߲ ߕߌߢߍ߫ ، ߊ߲ ߘߏ߲߬ ߞߵߊ߬ ߕߘߍ߬ ߡߎ߬ߢߎ߲߬ߓߊ߯ ߟߋ߬ ߘߌ߫ ، ߖߐ߲߬ ߓߘߍ ߟߋ߬ ߞߟߋ߫ ߸ ߖߘߍ߬ߟߛߊ߬ߦߌ߬ߟߊ ߝߣߊ߫ ߟߋ߬.
(45) ߌ ߦߋ߫ ߒ߬ ߠߊ߫ ߖߐ߲߭ ߠߎ߬ ߞߏߝߐ߫ ߸ ߣߊߟߌ߬ߡߎ߲߫ ߌߓߎ߬ߙߊ߬ߤߌߡߊ߫ ߣߴߌߛߌ߬ߤߊ߯ߞߊ߫ ߣߌ߫ ߦߊ߰ߞߎ߯ߓߊ߫ ߘߌ߫ ، ߏ߬ ߟߎ߬ ߞߍ߫ ߘߊ߫ ߓߟߏߡߊߜߟߍߦߊ ߕߌ߰ ߟߎ߬ ߣߌ߫ ߢߟߊߞߊ ߕߌ߰ ߟߎ߫ ߘߌ߫.
(46) ߒ߬ߠߎ߫ ߟߋ߫ ߞߵߏ߬ ߟߎ߬ ߞߙߍߞߙߍ߫ ( ߟߊߞߌߙߊ߫ ) ߛߏ ߛߌߡߊ ߘߎ߲߬ߘߎ߬ߡߊ߬ߦߊ ߟߊ߫.
(47) ߏ߬ ߟߎ߬ ߦߋ߫ ߒ߬ߠߎ߬ ߓߘߊ ߛߎߥߊ߲ߘߌߣߍ߲߫ ߘߐߕߐ߬ߡߐ߲߬ߣߍ߲ ߠߎ߬ ߘߏ߫ ߟߎ߫ ߟߋ߬ ߘߌ߫؟
(48) ߌ ߦߋ߫ ߌߛߌ߬ߡߊ߬ߌߟߊ߫ ߣߴߌߟߌ߬ߦߊߛߎ߫ ߣߌ߫ ߓߟߏߡߦߊߕߌ߱ ߞߏߝߐ߫ ، ߏ߬ ߓߍ߯ ߦߋ߫ ߛߎߥߊ߲ߘߌߣߍ߲ ߠߎ߬ ߘߏ߫ ߟߋ߬ ߘߌ߫.
(49) ߣߌ߲߬ ߦߋ߫ ߖߊ߲߰ߓߌ߬ߟߊ߬ߟߌ߫ ߟߋ߬ ߘߌ߫ ، ߞߏ߬ߣߌ߲߬ ߖߊ߯ߕߋ߬ ߸ ߛߊ߬ߦߌ߲߬ ߦߌ߬ߟߊ߬ ߢߌߡߊ ߟߋ߬ ߝߊ߲ߕߊ߲ߞߟߊ ߟߎ߬ ߦߋ߫.
(50) ( ߣߊߟߌ߬ߡߎ߲߬ ) ߝߙߍ ߣߊߞߐ ߟߎ߬ ߘߊ ߟߎ߬ ߟߊߞߊ߬ߣߍ߲ ߠߎ߬ ߘߴߊ߬ߟߎ߬ ߦߋ߫.
(51) ߊ߬ߟߎ߫ ߛߍ߲߬ߓߍ߬ߣߍ߲ ߦߴߊ߬ ߞߣߐ߫ ߸ ߊ߬ߟߎ߬ ߦߋ߫ ߦߙߌߘߋ߲߫ ߛߌߦߊߡߊ߲߫ ߣߌ߫ ߡߌ߲߬ߕߊ ߟߎ߬ ߡߊߞߟߌ߫ ߟߊ߫ ߦߋ߲߬ ߛߐ߲߬.
(52) ߡߛߏ߬ ߢߊ߫ ߟߊߖߌ߰ߣߍ߲߫ ߛߘߍߢߐ߲߯ߡߊ ߟߎ߬ ߦߴߊ߬ߟߎ߬ ߓߘߊ ߦߋ߲߬.
(53) ߝߋ߲߫ ߠߋ߬ ( ߡߊߘߊ߲ߣߍ߲߫ ) ߣߌ߲߬ ߸ ߊߟߎ߫ ߦߋ߫ ߦߟߌߡߊߘߌߦߊ߫ ߟߊ߫ ߡߍ߲ ߠߊ߫ ߖߊ߬ߕߋ߬ߓߐ߬ ߟߏ߲ ߘߐ߫.
(54) ߖߊ߯ߕߋ߬ ߸ ߣߌ߲߬ ߦߋ߫ ߒ߬ ߠߊ߫ ߤߊ߬ߙߌ߬ߖߍ߮ ߟߋ߬ ߘߌ߫ ߸ ߓߊ߲߫ ߕߍ߫ ߡߍ߲ ߡߊ߬.
(55) ߣߌ߲߬ ߓߍ߯ ߣߴߊ߬ ߕߊ߫ ߸ ߛߊ߬ߦߌ߲߬ ߦߌߟߊ ߘߐ߫ ߖߎ߯ߡߊ߲ ߠߋ߫ ߖߊ߲߬ߘߊ߬ߓߊ߮ ߟߎ߬ ߦߋ߫.
(56) ߣߊߟߌ߬ߡߎ߲߫ ߔߊߦߌߔߊߦߌ ߘߌ߫ ߸ ߊ߬ߟߎ߫ ߘߏ߲߬ߕߐ߫ ߏ߬ ߟߋ ߘߐ߫ ، ߟߊ߫ ߦߙߐ߫ ߖߎ߯ ߘߏ߲߬ ߏ߬ ߘߌ߫ ߞߟߋ߫.
(57) ߣߌ߲߬ ߡߍ߲ ߣߌ߲߬ ߸ ߊ߬ߟߎ߬ ߦߴߏ߬ ߡߊߜߏ߬ߙߏ߫ ߟߋ߬ ߕߘߋ߫ ߸ ߣߊߟߌ߬ߡߎ߲߫ ߝߎߦߊߝߎߦߊ ߣߌ߫ ( ߣߍ߬ ) ߞߐߟߐ߲ߞߐߟߐ߲ ߘߌ߫.
(58) ߊ߬ ߣߴߏ߬ ߓߐߢߐ߲߯ߞߏ߫ ߜߘߍ߫ ߘߊߓߍ߲ ߠߎ߬.
(59) ( ߞߏ߫ ) ߣߌ߲߬ ߦߋ߫ ߖߊ߬ߡߊ߫ ߥߎ߬ߙߎ߲߬ߓߊ߬ߕߊ߫ ߟߋ߬ ߘߌ߫ ߊߟߎ߫ ߝߍ߬ ، ߟߊ߬ߞߢߐ߬ߡߊ߬ߟߌ߫ ߘߏ߲߬ ߕߴߏ߬ ߟߎ߬ ߦߋ߫ ، ߓߊ ߊ߬ߟߎ߫ ߘߏ߲߬ߕߐ߫ ߕߊ ߟߋ߬ ߘߐ߫.
(60) ߏ߬ ߟߎ߬ ߘߴߊ߬ߟߎ߫ ߖߋ߬ߓߌ߬ ߸ ߞߏ߫ ߍ߲߬ߍ߲߫ ، ߊߟߎ ߓߊ߬؟ ߟߊ߬ߞߢߐ߬ߡߊ߬ߟߌ߫ ߕߍ߫ ߊߟߎ ߟߋ߬ ߦߋ߫ ، ߓߊ ߊߟߎ ߟߋ߫ ߞߊ߬ ߒ߬ߠߎ߬ ߢߍߛߌ߰ ߊ߬ ߟߊ߫ ، ߡߝߊ߬ ߦߌ߬ߟߊ߬ ߖߎ߮ ߟߋ߫ ߘߏ߲߬ ߦߋ߫ ߞߟߋ߫.
(61) ߊ߬ߟߎ߬ ߘߴߊ߬ ߝߐ߫ ߕߎ߲߯ ، ߞߏ߫ ߊ߲ ߡߊ߰ߙߌ ߸ ߡߍ߲ ߣߐ߬ ߓߊ߯ ߞߍ߫ ߒ߬ߠߎ߬ ߢߍߛߌ߰ ߟߊ߫ ߢߌ߲߬ ߠߊ߫ ߸ ߌ ߦߴߏ߬ ߖߘߌ߫ ߖߊ߲߰ߞߕߊ߬ ߓߊߟߌߣߍ߲ ߠߊ߫ ߕߊ ߘߐ߫.
(62) ߊ߬ߟߎ߬ ߘߴߊ߬ ߝߐ߫ ߝߣߊ߫ ߸ ߞߏ߫ ߡߎ߲߬ߠߴߊ߲ ߕߍ߫ ߗߍ߭ ߟߎ߬ ߦߋ߫ ߟߊ߫ ߓߏ߲߰ ߊ߲ ߕߘߍ߬ ߡߍ߲ ߠߎ߫ ߖߊ߬ߕߋ߬ ߟߊ߫ ߖߎ߯ߡߊ߲߫ ߞߍߟߊ ߟߎ߬ ߘߏ߫ ߘߌ߫؟.
(63) ߊ߲ ߞߵߏ߬ ߟߎ߫ ߟߋ߫ ߡߌ߬ߘߊ߬ ߦߟߍߒߡߊ߫ ߝߋ߲ ߠߎ߬ ߘߌ߫ ، ߦߊ߯ߟߊ߫ ߢߊ ߟߎ߫ ߟߋ߬ ߓߘߊ߫ ߝߏ߬ߘߴߏ߬ ߟߎ߫ ߡߊ߬ ߓߊ߬؟.
(64) ߒ߬ߓߊ߬ ߕߎ߬ߢߊ ߟߊ߫ ߸ ߏ߬ ߟߋ ߦߋ߫ ߕߊ ߘߏ߲߬ߞߏ ߟߎ߬ ߟߊ߫ ߢߐ߲߯ ߞߟߍ߫ ߞߊ߲ ߘߌ߫.
(65) ߊ߬ ߟߊߛߋ߫ ߞߏ߫ ߒߠߋ ߦߋ߫ ߖߊ߬ߛߙߋ߬ߡߊ߬ߟߌ߬ߟߊ ߟߋ߬ ߘߌ߫ ، ߡߊ߰ߙߌ߬ ߜߘߍ߫ ߘߏ߲߬ ߕߍ߫ ߝߏ߫ ߊߟߊ߫ ߞߎ߲߬ߞߋߟߋ߲߫ ߞߘߊߡߊߟߌߟߊ.
(66) ߛߊ߲ ߠߎ߬ ߣߌ߫ ߘߎ߱ ߣߴߏ ߝߌ߬ߟߊ ߕߍ߫ ߝߋ߲ ߡߊ߰ߙߌ ߟߋ߬ ߸ ߣߌ߬ߣߌ߬ߟߊ߫ ߦߝߊ߬ߟߌ߬ߟߊ߬ߓߊ ߟߋ߬.
(67) ߊ߬ ߟߊߛߋ߫ ߞߏ߫ ( ߞߎ߬ߙߊ߬ߣߊ ) ߦߋ߫ ߖߊ߲߬ߖߏ߲߬ ߓߟߋߓߟߋ߫ ߟߋ߬ ߘߌ߫ ߘߋ߬.
(68) ߊߟߎ߫ ߘߏ߲߬ ߞߐߘߏ߲߬ߣߴߏ߬ ߟߋ ߟߊ߫ ߣߌ߲߬.
(69) ߟߐ߲ߠߌ߲߫ ߛߌ߫ ߕߍ߫ ߒߠߋ ߢߍ߫ ߛߊ߲ߘߐ߫ ߖߡߊ ߟߎ߬ ߟߊ߫ ߞߏߢߊ ߘߐ߫ ߸ ߕߎ߬ߡߊ ߡߍ߲ ߊ߬ߟߎ߫ ߞߊ߬ ߢߐ߲߯ ߛߐߛߐ ߞߍ߫.
(70) ߦߟߌߘߏ߲߫ ߛߌ߫ ߕߍ߫ ߞߍ߫ ߟߊ߫ ߒߠߋ ߟߊ߫ ߸ ߝߏ߫ ߒ ߠߊ߫ ߖߊ߬ߛߙߋ߬ߡߊ߬ߟߌ߬ ߘߐ߬ߜߍ ߞߏߢߊ.
(71) ߕߎ߬ߡߊ ߡߍ߲ ߌ ߡߊ߰ߙߌ ߞߵߊ߬ ߝߐ߫ ߡߟߍ߬ߞߊ ߟߎ߬ ߦߋ߫ ߸ ߞߏ߫ ߒ ߞߍߕߐ߫ ߟߋ߬ ߡߐ߱ ߘߏ߫ ߘߊ߲߫ ߠߊ߫ ߓߐ߱ ߘߐ߫.
(72) ߣߌ߫ ߒ ߞߵߏ߬ ߟߊߞߢߊ߫ ߞߊ߬ ߒ ߠߊ߫ ߣߌ ߘߏ߫ ߝߍ߫ ߊ߬ ߘߐ߫ ߸ ߊߟߎ߫ ߦߴߊߟߎ߫ ߓߋ߬ ߊ߬ ߦߋ߫ ߕߌ߲ߓߌߘߌ߲ ߘߌ߫.
(73) ߏ߬ ߞߍ ߸ ߡߟߍ߬ߞߊ ߓߍ߯ ߟߊߘߍ߬ߣߍ߲ ߞߊ߬ ߕߌ߲ߓߌߘߌ߲ ߞߍ߫ ߞߐߘߍ߫.
(74) ߝߏ߫ ߓߙߌ߬ߛߌ߫ ، ߏ߬ ߟߋ ߞߵߊ߬ ߖߘߍ߬ߘߐߓߏ߲߬ߧߊ߫ ߞߊ߬ ߞߍ߫ ߓߊ߲߬ߓߊ߮ ߟߎ߬ ߘߏ߫ ߘߌ߫.
(75) ‹ ߊߟߊ߫ › ߞߊ߲߫ ߞߏ߫ ߓߙߌ߬ߛߌ߫ ߸ ߡߋ߬ߘߋ ߞߵߌ ߞߎ߬ߡߊ߲߬ߘߌ߬ ߕߌ߲ߓߌߘߌ߲ ߡߊ߬ ߒ ߠߊ߫ ߝߋ߲߫ ߠߊߘߊ߲ߣߍ߲ ߦߋ߫ ߒ ߓߟߏ߫ ߝߌ߬ߟߊ ߟߊ߫؟ ߸ ߌ ߓߘߴߌ ߖߘߍ߬ߘߐߓߏ߲߬ߧߊ߫ ߟߋ߫ ߓߊ߬؟ ߸ ߥߟߊ߫ ߌ ߓߘߊ߫ ߞߍ߫ ߖߘߍ߬ߥߙߎ߬ߞߌ߬ߟߊ ߟߎ߬ ߘߐ߫ ߟߋ߬ ߘߌ߫؟.
(76) ߊ߬ ߞߊ߲߫ ߞߏ߫ ߒߠߋ ߟߋ߬ ߞߊ߫ ߝߌ߬ߛߊ߫ ߏ߬ ߘߌ߫ ، ߓߊ ߌ ߞߊ߬ ߒߠߋ ߘߊ߲߫ ߕߊ ߟߋ߬ ߘߐ߫ ߸ ߌ ߘߏ߲߬ ߞߵߊ߬ߟߋ߬ ߘߊ߲߫ ߓߐ߱ ߟߋ߬ ߘߐ߫.
(77) ‹ ߊߟߊ߫ › ߞߊ߲߫ ߞߏ߫ ߒ߬ߓߊ߬ ߓߐ߫ ߦߋ߲߬ ߝߋߎ߫ ، ߓߊ ߌ ߓߘߊ߫ ߞߍ߫ ߞߙߎ߬ߟߊ߬ߓߏ߲߬ߕߊ ߘߌ߫.
(78) ߒ ߠߊ߫ ߘߊ߲ߞߊ ߟߋ߫ ߘߏ߲߬ ߌ ߡߊ߬ ߛߍߣߍ߲߬ ߝߏ߫ ߞߵߊ߬ ߛߌ߰ ߛߙߊ߬ߟߌ ߟߏ߲ ߠߊ߫.
(79) ߊ߬ ߞߊ߲߫ ߞߏ߫ ߒ߬ߓߊ߬ ߒ ߡߊ߰ߙߌ ߸ ߒ ( ߠߊ߫ ߛߊ߬ߦߊ) ߘߏ߲߰ߘߌ߫ ߝߎߚߎ߫ ߝߏ߯ ߊ߬ߟߎ߬ ߟߊߥߟߌ߬ ߟߏ߲.
(80) ‹ ߊߟߊ߫ › ߞߊ߲߫ ߞߏ߫ ߒ߬ߓߊ߬ ߌ ߓߘߊ߫ ߞߍ߫ ߘߏ߲߰ߘߌ߬ߕߊ ߟߎ߬ ߘߏ߫ ߘߌ߫.
(81) ߝߏ߫ ߞߵߊ߬ ߛߌ߰ ߥߊ߯ߕߌ߫ ߡߊߟߐ߲ߣߍ߲ ߟߏ߲ ߠߊ߫.
(82) ߊ߬ ߞߊ߲߫ ߞߏ߫ ߊ߰ ߒ ߣߴߌ ߟߊ߫ ߜߟߌߦߊ ߕߍ߫ ߸ ߛߋߚߋ߫ ، ߒ ߘߌ߫ ( ߊߘߡߊ߫ ߓߐ߲ߛߐ߲) ߓߍ߯ ߟߊߝߟߌ߬ ߞߐߘߍ߫.
(83) ߝߏ߫ ߌ ߟߊ߫ ߖߐ߲߬ ߓߎ߰ߓߎ߰ߣߍ߲ ߡߍ߲ ߠߎ߬ ߦߴߊ߬ߟߎ߬ ߘߐ߫.
(84) ( ߊߟߊ߫ ) ߞߊ߲߫ ߞߴߏ߬ ߦߋ߫ ߕߎ߬ߢߊ߫ ߟߋ߬ ߘߌ߫ ، ߓߊ߬ߙߌ߬ ߒߠߋ ߝߣߊ߫ ߦߋ߫ ߕߎ߬ߢߊ߫ ߟߋ߬ ߝߐ߫ ߟߊ߫ ߣߌ߲߬ ߘߋ߬.
(85) ߒ ߞߏ߫ ߛߋߚߋ߫ ߸ ߒ ߘߌߣߊ߬ ߔߊߦߌߔߊߦߌ ߟߝߊ߫ ߌ ߣߴߌ ߟߊߓߊ߬ߕߏ߬ߓߊ߮ ߟߎ߬ ߟߊ߫ ߊ߬ߟߎ߬ ߘߐ߫ ߓߋߘߋ߲ߎ߲߫.
(86) ߊ߬ ߟߊߛߋ߫ ߸ ߞߏ߫ ߒߠߋ ߕߴߊߟߎ߫ ߕߙߊ߫ ߟߊ߫ ߛߙߊ߬ ߛߌ߫ ߟߴߊ߬ ߘߐ߫ ، ߒߠߋ ߘߏ߲߬ ߕߍ߫ ߖߘߍ߬ߞߍ߬ߒ߬ߞߏ߬ߘߌ ߟߎ߬ ߝߋ߲߫ ߘߌ߫.
(87) ‹ ߞߎ߬ߙߊ߬ߣߊ › ߘߏ߲߬ ߕߍ߫ ߘߏ߫ ߜߘߍ߫ ߘߌ߫ ߖߊ߯ߓߊ ߟߎ߫ ߖߊ߲߬ߓߌߟߊ ߞߐ߫.
(88) ߒ߬ߞߊ߬ ߛߋߚߋ߫ ߸ ߊߟߎ߫ ߓߍߣߵߊ߬ ߖߊ߲߬ߖߏ߲ ߟߐ߲߫ ߥߊ߯ߕߌ߫ ߞߐ߫.