(1) ߊ߰ ߒ ߣߌ߫ ߛߊ߲ ߛߘߍߟߏߟߏ߫ ߛߌߦߊߡߊ߲߫ ߕߌ߮ ߕߍ߫.
(2) ߊ߰ ߒ ߣߌ߫ ߟߏ߲߫ ߘߐߛߘߊߣߍ߲ ߕߍ߫.
(3) ߊ߰ ߒ ߣߌ߫ ߛߙߋߦߟߊ ߣߌ߫ ߛߙߋߦߊߓߊ߯ߕߐ ߕߍ߫.
(4) ߖߊ߯ߕߋ߬ ߸ ߘߋ߲߬ߞߊ߬ ߝߏ߬ߟߏ߲߬ ߕߌ߮ ߟߎ߬ ߘߊ߲ߞߊߣߍ߲߫ ߠߋ߬.
(5) ߕߊ߫ ߘߊߢߌߣߌ߲ߕߊ ߦߋ߫ ߡߍ߲ ߞߣߐ߫.
(6) ߞߵߊ߬ ߕߘߍ߬ ߊ߬ߟߎ߫ ߛߌ߰ߣߍ߲߫ ߊ߬ ߘߟߊ߫.
(7) ߊ߬ ߣߴߊ߬ߟߎ߬ ߦߋ߫ ߛߙߋߦߊ߫ ߟߊ߫ ߞߏ߫ ߡߊ߬ ߸ ߊ߬ߟߎ߬ ߦߋ߫ ߡߍ߲ ߞߍ߫ ߟߊ߫ ߘߍ߲߬ߞߣߍ߬ߦߊ߬ߓߊ߮ ߟߎ߬ ߟߊ߫.
(8) ߊ߬ߟߎ߬ ߡߴߊ߬ߟߎ߫ ߖߊ߲߰ߞߕߊ߫ ߛߐ߲߬ ߛߌ߫ ߟߊ߫ ߸ ߝߏ߫ ߊ߬ߟߎ߫ ߘߍ߲߬ߞߣߍ߬ߦߊ ߡߍ߲ ߞߍߣߍ߲߫ ߊߟߊ߫ ߣߌ߬ߣߌ߬ߟߊ߫ ߕߊ߲߬ߘߏ߬ߕߊ ߡߊ߬.
(9) ߏ߬ ߡߍ߲ ߕߊ ߦߋ߫ ߛߊ߲ ߠߎ߬ ߣߌ߫ ߘߎ߱ ߡߊ߲߬ߛߊ߬ߦߊ ߘߌ߫ ، ߊߟߊ߫ ߟߋ߫ ߘߏ߲߬ ߞߏ ߓߍ߯ ߛߙߋ ߘߌ߫.
(10) ߡߍ߲ ߠߎ߫ ߣߊ߬ ߥߊ߬ߥߎߟߋ ߟߊ߫ ߟߊ߫ ߘߍ߲߬ߞߣߍ߬ߦߊ߬ߓߊ߮ ߗߍ߬ߡߊ߲ ߠߎ߬ ߣߴߊ߬ ߡߛߏ߬ߡߊ߲ ߠߎ߫ ߞߊ߲߬ ߸ ߊ߬ߟߎ߫ ߘߏ߲߬ ߡߴߊ߬ߟߎ߫ ߖߘߍ߬ߟߊߛߊ߬ߦߌ߲߫ ߏ߬ ߞߐ߫ ߜߘߍߞߍ߫ ߸ ߔߊߦߌߔߊߦߌ ߖߊ߲߰ߞߕߊ ߟߴߏ߬ ߟߎ߬ ߢߍ߫ ߸ ߊ߬ ߣߌ߫ ߖߋ߬ߣߌ߲߬ߠߌ߲ ߖߊ߲߰ߞߕߊ ߟߴߏ߬ ߟߎ߬ ߢߍ߫.
(11) ߡߍ߲ ߠߎ߫ ߘߏ߲߬ ߘߍ߲߬ߞߣߍ߬ߦߊ߬ߣߍ߲߫ ߞߊ߬ ߢߌ߬ߡߊ ߟߎ߬ ߞߍ߫ ߸ (ߡߍ߲ߘߌߦߊ) ߣߊߞߐ ߟߎ߫ ߟߴߏ߬ ߟߎ߬ ߦߋ߫ ، ߞߐ߬ߢߊ ߟߎ߫ ߥߦߏ߬ ߟߴߏ߬ ߟߎ߬ ߞߘߐߟߊ ߟߎ߬ ߘߐ߫ ، ߏ߬ ߘߏ߲߬ ߦߋ߫ ߣߌ߬ߓߊ߫ ߓߟߋ߬ߓߟߋ߫ ߟߋ߬ ߘߌ߫.
(12) ߤߊ߲߫ ߸ ߌ ߡߊ߰ߙߌ ߟߊ߫ ߡߌ߬ߘߊ߬ߟߌ ߜߍ߬ߟߍ߲߬ߡߊ߲߫ ߠߋ߫ ߘߋ߬.
(13) ߖߊ߯ߕߋ߬ ߸ ߊ߬ߟߋ ߟߋ߫ ߟߊ߬ߝߟߐ߬ߟߌ ߞߍ߫ ߟߊ߫ ߸ ߊ߬ߟߋ ߟߋ߫ ߣߐ߬ߡߛߊ߬ߦߌ߬ߟߌ ߞߍ߫ ߟߊ߫.
(14) ߊ߬ ߣߴߊ߬ߟߋ ߟߋ߫ ߦߝߊ߬ߓߊ߯ ߞߊ߬ߣߌ߲߬ ߘߌ߬ߦߊ߬ߘߏ߲߬ߓߊ߮ ߘߌ߫.
(15) ߛߍ߬ߡߍ ߕߌ߱ ߟߋ߬ ߸ ߡߌ߬ߙߌ߲߬ߡߊ ߟߋ߬.
(16) ߖߘߍ߬ߛߊ߬ߥߏ߬ ߞߍ߬ߟߊ ߟߋ߬.
(17) ߞߏ߬ߞߏ߫ ߞߟߍ߬ߓߏߟߏ߲ ߠߎ߫ ߓߊ߬ߘߏ ߣߊ߬ ߘߴߌ ߡߊ߬ ߞߍ߬؟.
(18) ߣߊߟߌ߬ߡߎ߲߫ ߝߋߙߊߥߎ߲߫ ߕߊ ߟߎ߬ ߣߌ߫ ߛߊ߬ߡߎߘߊ ߟߎ߬ ߕߊ ߟߎ߬ ߘߌ߫.
(19) ߓߊ߬ߙߌ߬ ߌ߬ߦߏ߯ ߞߟߋ߫߹ ߸ ߓߊ߲߬ߓߊ߮ ߟߎ߬ ߦߋ߫ ߡߊ߬ߛߐ߬ߛߐ߬ߟߌ ߟߋ߬ ߘߐ߫ ߞߘߊߎ߫.
(20) ߊߟߊ߫ ߘߏ߲߬ ߣߵߊ߬ߟߎ߬ ߟߊߝߏ߬ ߟߴߊ߬ߟߎ߬ ߞߕߐ߫ ߟߋ߬ ߔߘߋߞߎ߬.
(21) ߞߏ߬ߣߌ߲߬ ߤߊ߲߫ ߸ ߣߌ߲߬ ߦߋ߫ ߘߐ߬ߛߊߙߌ߫ ߡߌ߬ߙߌ߲߬ߡߊ߫ ߟߋ߬ ߘߌ߫ ߘߋ߬.
(22) ߊ߬ ߦߋ߫ ߥߟߊ߬ ߟߊߕߊ߲߬ߞߊ߬ߣߍ߲ ߠߋ߬ ߞߣߐ߫.